Xitoydagi xalqaro musobaqada ishtirok etib musobaqa chempionligini qo‘lga kiritgan O‘zbekiston U-21 terma jamoasi ustozi Jamshid Saidov va “Eng chiroyli gol” sovrini egasi Sherzod Nasrullayevlar O‘zbekiston futbol assosiasiyasi matbuot xizmati bilan suhbatlashib, musobaqa haqida o‘z fikrlarini bildirib o‘tishdi.
Jamshid Saidov: – Avvalambor ushbu musobaqani yuksak saviyada tashkil etib, bizlarni taklif qilgani uchun Xitoy futbol assosiasiyasiga o‘z minnatdorchiligimni bildirib o‘tsam. Tashkiliy tomondan musobaqa juda ham yuqori saviyada o‘tdi. Xabaringiz bor, musobaqada 4 ta jamoa ishtirok etdi. Xitoy, O‘zbekiston, Tojikiston va Myanma U-21 terma jamoalari. Musobaqa davomida 2 ta g‘alaba va 1 durang natija qayd etishgani uchun futbolchilarga katta raxmat deyman. O‘yinlar davomida futbolchilarimiz texnika, xarakter va jismoniy jihatdan o‘zlarini ijobiy tomonlama namoyish qila olishdi. Har bir o‘yinda g‘alabaga bo‘lgan ishtiyoq yaqqol sezilib turdi. Biz qisqa muddat davomida jamoani bir maqsad yo‘lida birlashtira oldik.
– Uzoqda bo‘lishimizga qaramasdan, xalqimizning, futbol muxlislari-yu sportga qiziquvchi barcha-barchaning bizni qo‘llab-quvvatlab turganlarini his qilib turdik. Buning uchun Siz azizlarga jamoamiz nomidan minnatdorchilik izhor etaman. Yana bir alohida minnatdorchilikni shu turnirda qatnashish uchun barcha sharoitlarni yaratib bergan O‘zbekiston futbol assosiasiyasiga bildiraman.
– Bu xalqaro turnirda yigitlar katta tajriba to‘plashdi deb bemalol ayta olaman. Bunday musobaqalarda tez-tez qatnashish futbolimiz rivojiga o‘z hissasini qo‘shadi deb hisoblayman. Assosiasiyamizdan bunday xalqaro musobaqalarni yurtimizda ham tashkil qilishlarini so‘rar edim. Shunda yurtimiz ham futbol bayramiga mezbonlik qilib, tashrif buyurgan o‘zga yurt vakillari serquyosh O‘zbekistonning madaniyati, urf-odatlari, mehmondo‘stligi-yu sportda erishayotgan yutuqlari bilan tanishish imkoniyatiga ega bo‘lar edilar.
Sherzod Nasrullayev: – Avvalambor musobaqa tashkilotchilari va bizni qo‘llab-quvvatlagan barcha futbol ishqibozlariga rahmat demoqchiman. Bu nafaqat bizning balki o‘zbek futbolining g‘alabasi hamdir. O‘yinlar juda ham yaxshi saviyada o‘tdi. Barcha raqiblar bizga kuchli qarshilik ko‘rsatganlariga qaramasdan biz g‘olib bo‘lishga erishdik. Bu terma jamoamizning yurtimizga bayram tuhfasi bo‘lgan bo‘lsa ajab emas.
– Himoyachi bo‘lishimga qaramasdan men kiritgan to‘p musobaqaning “Eng chiroyli gol” nominasiyasida g‘olib chiqdi. Bundan juda ham xursand bo‘ldim va keyingi o‘yinlarda ham to‘p kiritish ishtiyoqi kuchaydi. So‘zim oxirida, bizga ishonch bildirib shu musobaqaga yuborgani uchun xalqimizga, futbol ixlosmandlariga hamda O‘zbekiston futbol assosiasiyasiga yana bir bor minnatdorchilik izhor etaman.
Surxon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
