O‘zbekiston Respublikasi Vazirlar Mahkamasining 2018 yil 2 iyundagi “Sport turlari bo‘yicha ixtisoslashtirilgan davlat maktab internatlari faoliyatini takomillashtirish to‘g‘risida”gi 410-sonli Qarori hamda, O‘zbekiston futbol assosiasiyasining 2018 yil 3 avgustdagi “Hududiy bolalar va o‘smirlar futbol akademiyalariga qabul qilish bo‘yicha” 128-i/ch sonli buyrug‘ining ijrosini ta’minlash maqsadida respublikamizning barcha hududlari bo‘ylab akademiyalarga qabul jarayoni bo‘lib o‘tdi.
Respublikaning 12 viloyati hamda Qoraqalpog‘iston bolalar va o‘smirlar futbol akademiyasiga imtihonlar 4 avgustdan 22 avgust kuniga qadar davom etdi. 2001-2007 yillar oralig‘ida tug‘ilgan, futbolga ixlosmand bolalar va o‘smirlar 2 bosqichdan iborat imtixonlarni topshirdilar. Har bir yil bo‘yicha imtixonlarni eng muvaffaqiyatli topshirgan futbolchilar akademiyalarga qabul qilindi. Hududiy bolalar va o‘smirlar futbol akademiyalariga qabul qilingan bolalar noyabr oyida poytahtda tashkil etilgan musobaqada viloyat terma jamoasi safida ishtirok etadilar hamda, ulardan eng iqtidorlilari Respublika bolalar va o‘smirlar futbol akademiyasida o‘qishini davom ettirish imkoniyatiga ega bo‘ladi.
O‘zbekiston futbol assosiasiyasining rasmiy veb sahifasi orqali futbol ishqibozlari, sahifamiz o‘quvchilari hamda futbol akademiyalarining faoliyati bilan qiziqqan barcha yurtimiz aholisi uchun har bir akademiya haqida alohida ma’lumot berib boriladi. Bugun Qoraqalpog‘iston bolalar va o‘smirlar futbol akademiyasi haqida ma’lumot olishingiz mumkin.
- Qoraqalpog‘iston bolalar va o‘smirlar futbol akademiyasiga har bir yosh toifasidan 22 tadan umumiy 154 nafar o‘quvchi qabul qilindi;
- Akademiyada o‘qish jarayoni 2018 yilning 5 sentyabr kunidan boshlandi;
- har 3 oyda akademiya rezervi uchun kirish imtixonlaridan o‘ta olmagan yoki umuman imtixonda qatnashmagan bolalar uchun qayta imtixonlar o‘tkaziladi;
- har 6 oyda Respublika akademiyasiga o‘qishga o‘tgan yoki akademiyada fanlarni o‘zlashtira olmay imtixondan yiqilganlarni o‘rnini to‘ldirish uchun uchun qaytadan akademiya rezervidan sportchilar saralab olinadi;
- Akademiya direktori: Abdullayev Mansur Maqsudovich;
- Akademiya manzili: Nukus shahri, Qoraqalpog‘iston ko‘chasi;
- Ma’lumot uchun telefon: +998999509669
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
