32 mln. YEVROli FERRARIdan tortib, TOYOTO PRIUSgacha.
Yaqinda saytimizda Krishtianu Ronalduning mashinalari joylangan fotogalereyani taqdim qilgandik. Mazkur havola muxlislarimizga yoqib tushdi va juda ko‘pchilik bu maqolani o‘qib chiqdi.
Shuni inobatga olgan holda bugun e’tiboringizga portugaliyalik futbolchining prisipial raqibi Lineol Messining ham avtomobillari fotogalereyasini taqdim etamiz.
Ferrari 335 S Srider SCaGlietti
Eng qiziq faktga e’tibor qarating: agar Messi «yangigina» Ferrarisini sotishga qaror qilsa, olingan mablag‘ Ronalduning butun avtoparkini 3 marta xarid qilishga yetadi.
Ya’ni bu pulga Ronaldu avtoparkidan to‘liq 3tasini sotib olishi mumkin. Aslida Leo bungacha 400000 dollardan qimmat turuvchi birorta avtomobil xarid qilgan emasdi. Endi esa birdaniga shunday qimmatbaho «toychoq» uning mulkiga aylandi.
Lexus IS-F
Leo «quvvatlantirilgan», sig‘imi besh litrli Lexusni ancha oldin sotib olgan. Yengil sedan 423 ot kuchiga ega. Hujumchi uni xarid qilgan payt narxi 75000 dollardan boshlangan edi. Leo uchun arzimas xarajat.
Ferrari F430 Spider
Aslida bazaviy yig‘iladigan bunday Ferrari uchun 190 ming dollar to‘lash kifoya qiladi. Lekin Messi mashinaga yana 1-2ta qo‘shimcha funksiyalar qo‘shishlarini so‘radi.
Xususan, avtomobil maxsus kamyob rang (kulrang) bilan bo‘yaldi va uning narxi 250 ming dollarga ko‘tarildi. Ushbu «toychoq» atigi 4 soniyada 100 kilometr|soat tezligini olishi mumkin.
Maksimal sur’ati esa 315 kilometr|soatga teng. E’tiborlisi, bu Leoning yangi xaridi ko‘rsatkichidan 15 kilometr|soatga balandroqdir. Ha, oradan yarim asr o‘tibdiki, avtomobillar sur’atida uncha o‘zgarish yo‘q.
Maserati Granturismo MCStraBale
Leo xarid qilgan vaqt ushbu avtomobil «Eng tez Maserati» maqomiga ega edi. Kapoti ichida 4,7 litr sig‘imli motor, V shaklidagi silindr joylashgan. Bu unga 450 ot kuchini beradi.
To‘g‘ri, Messi yaqinda ushbu «chopqir»ni yaqin do‘stiga sovg‘a qildi. Go‘yoki, xotini Leoning unda sur’atni oshirib, falokatga uchrashidan xavotirlangan ekan. Vaholanki, futbolchi 4 yil davomida bu avtodan biror marta foydalanmagandi. Ha, xotini yo‘l qo‘ymagan bo‘lsa, kerak-da.
Dodge Charger SRT8
Klassik «amerikalik» yorqin qizil rangda. Motori katta, ot kuchi zo‘r (470ta), bahosi ham chakki emas - 80000 dollar. To‘g‘ri, bir tomoni bor, kichik jussali Messini bunday ulkan mashinada tasavvur qilish sal qiyinroq-da.
Toyota Prius
Futbolchining shaxsiy kolleksiyasidagi eng qiziqarli ulov. Argentinalik uni sotib olmagan, balki «Toyota» kompaniyasidan sovg‘a sifatida olgan. Ushbu avtoning narxi 20 ming dollarga teng. Prius elektromobil bo‘lib, dizayni uncha yaxshi emas.
Shu tufayli ko‘pincha kalaka ostiga olinadi. Endi tasavvur qiling, kulrang Prius (Messi undan loaqal bir martagina ham foydalanmagan bo‘lsa kerak) va yorqin qizil tusli Ferrari 335 S Srider Scaglietti bir joyda qanday ko‘rinadi? Deylik, Leo bitta shunday Ferrari o‘rniga 1800ta Prius sotib olishi mumkin edi.
Audi R8 GI
Audi R8ning nisbatan takomishlashtirilgan varianti. Uning start tezligi kishini hayratga soladi - 3,6 soniyada «100»ga chiqadi. Umuman, ushbu superkar Leo garajidagi eng qimmatbaho mashina hisoblanardi -narxi 400 ming dollar.
Audi R8
Messi garajidagi 3ta «Audi»dan biri. Ularning sonidan ortiqcha hayratlanmaslik lozim. Axir Germaniya konserni «Barselona»ning homiysi hisoblanadi.
R8 yoki oddiy aytganda, «Kambag‘allar uchun «lamborgini» atigi 4 soniyada 100 kilometr|soat tezligini olishi mumkin. Narxi ham binoyidek - chamasi 200000 ming dollar.
Mini Cooper Scabriolet
Argentinalikning ilk mashinalaridan biri. Kichik klassik inglizcha avto «Barselona» hujumchisini qulayligi bilan qiziqtirgan. Mini kamtarin o‘lchamiga qaramay, 220 kilometr|soatgacha tezlik olishi mumkin.
Barselonaning tirband yo‘llarida aynan shunday mitti «toychoq»lar qo‘l keladi. Uning ochiq tomi esa quyosh nuridan bahra olishni ta’minlaydi.
Audi Q7
Audidan oppoq jip. Messi oilasi, ya’ni xotini Antonella, o‘g‘illari Tyago va Mateo bilan ko‘pincha aynan Audi Q7da sayrga chiqadi. Xullas, ulkan oilaviy ulov.
Range Rover Vogue
Leo ixtiyoridagi eng yangi modellardan biri. Futbolchi undan asosan kundalik yumushlarida foydalanadi. Bunda hech qanday g‘ayritabiiy tomoni yo‘q.
Zero, Voguening oxirgi avlod rusumiga nisbatan «Tarixdagi eng qulay avtomobil», deya ta’rif berishyapti. Haydovchi orqa o‘rindiqqa o‘tib, bemalol dam olishi yoki boshqaruv rulini qo‘lga olib, trassada «uchishi» ham mumkin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
