Xitoyga yo‘l olish oldidan UFA Ektor Kuper bilan matbuot anjumani o‘tkazganidan xabaringiz bor. Janob Kuperga o‘sha kuni jurnalistlar savollarni yog‘dirib tashlashdi. To‘g‘risi, men oldingi qatorda o‘tirgan bo‘lsamda, birorta savol berganim yo‘q. Hammasi kundek ravshan, murabbiyimzga vaqt kerak. Afsuski, men kabi fikr yuritadigan jurnalistlar o‘sha kuni zalda juda kam edi…
Qanchalar harakat qilmasin, Kuper qizishib ketdi. OAV vakillari uning o‘yin uslubini, Osiyo Kubogidagi natijani, tanlangan tarkibni ochiqchasiga tanqid ostiga olishar ekan, argentinalik murabbiy esa bosim ostida qolib ketdi. Shu payt negadir Babayan ishtorikidagi press konferensiyalar yodimga tushib ketdi… Hozirgi «botir» jurnalistlarimiz o‘sha payt qayerda edilar? Himoyaviy taktikani tanqid ostiga olgan jurnalistlarimiz nega Babayanning mantiqsiz futboli haqida shunday savollarni yog‘dirib tashlashmagan ekan? Yo‘q, men bugun bu mavzu haqida yozmoqchi emasman. Shunchaki, Xitoyda bo‘lib o‘tuvchi «China Cup» musobaqasidagi ishtirokimizga to‘xtalmoqchiman, xolos…
Bu musobaqaning eng muhim jihati shundaki, hademay boshlanuvchi JCH saralash uchrashuvlari oldidan Kuper o‘z uslubini yanada sayqallab olish imkoniga ega. Bu turnirdagi natija ham biz uchun muhimmasdek ko‘ringani bilan, aslida, unday emas. Uzoq davom etuvchi saralash uchrashuvlari oldidan bu turnirdagi ijobiy natija biz uchun ruhiy ustunlik berishi aniq. Ortiqcha bosimsiz harakat qiladigan terma jamoamiz esa, o‘z o‘yinini ko‘rsata olsa, Urugvayga ham oson bo‘lmasligi tayin.
Biz bu yurt futbolchilarini o‘z vaqtida yenga olganmiz. Urugvay biz uchun o‘tib bo‘lmas to‘siq emas! Bir qarashda so‘zlarim balandparvozdek tuyulsada, bu - haqiqat. Hozirda futbol olamida autsayder termini borgan sari muomaladan chiqib ketmoqda. Agarda futbolchilarimiz Urugvayga qarshi uchrashuv oldidan ruhiy ustunlikni raqiblariga topshirib qo‘yishmasa, Ektor Kuperning ko‘rsatmalari to‘liq bajarilsa, Urugvayga oson bo‘lmasligi turgan gap!
Shu o‘rinda UFAga minatdorchiligimizni bildirib qo‘ysak! Harqalay, o‘sishga intilish bor. Kuchli termalar bilan o‘yinlar va kichik turnirlarda termamizning ishtirokini ta’minlashmoqda! Bundan avvalgi saralash bosqichlari oldidan qanday terma jamoalar bilan o‘ynaganimizni eslasak, to‘g‘risi, uyalib ketadi odam. O‘zimizdan ancha saviyasi past termalar bilan bo‘lgan besamar o‘rtoqlik uchrashuvlari keyinchalik yakuniy natijaga ham o‘z ta’sirini o‘tkazgan edi. Mayli hammaning qalbidagi yarani yana tirnamaylik…
Darhaqiqat, bu JCH (nasib qilsa) biz uchun har doimgidanda yaqinroq ko‘rinmoqda. Tajribali murabbiyimiz qo‘l ostidagi tarkib ham chakki emas. To‘g‘ri, Osiyo Kubogidagi ishtirokimizni ijobiy deb baholab bo‘lmaydi, ammo boshidan boshlab Kuperning bosh vazifasi JCH ishtirokchisiga aylantirish emasmidi?! Shunday ekan, hali u o‘ziga berilgan imkoniyatni yo‘qqa chiqarganicha yo‘q! Shunday ekan unga ishonishda davom etamiz.
Janob Kuper oldida navbatdagi sinov turibdi. Umid qilamiz, murabbiyimiz o‘zbek futboliga «yangi shabadalar» olib kira oladi va xalqimizning yodida bizni ilk bor Jahon chempionatiga olib chiqqan murabbiy sifatida abadiy qoladi.
Я.У
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
