Xabaringiz bor, bugun poytaxtimizda yengil atletika oilasiga mansub yarim marafon bo‘lib o‘tdi. Birinchi bor tashkil qilingan bo‘lsa-da, ushbu yirik sport tadbirida 28 mamlakatdan tashrif buyurgan atletlar o‘z omadini sinab ko‘rdi.
Yurtimiz yengil atletikachilari Osiyoda o‘z o‘rniga ega bo‘lgan sportchilardir. So‘nggi Olimpiadada ham delegasiyamiz aynan yengil atletika yo‘nalishida eng ko‘p lisenziya qo‘lga kiritgan. Yurtimizda ushbu sport turini yanada rivojlantirish va xalqaro tashkilot bilan mustahkam aloqalarni o‘rnatish yuzasidan O‘zbekiston MOQ prezidenti Umid Ahmadjonov bugun Osiyo yengil atletika assosiasiyasi (OYEAA) prezidenti Daxlan Al-Hamadni qabul qildi. Suhbatda martabali mehmonga OYEAA vise-prezidenti Aleksey Kondrat hamrohlik qildi.
Muzokara davomida Umid Ahmadjonov O‘zbekistonda yengil atletika sportini yanada rivojlantirish borasida izchil ishlar amalga oshirilayotganini alohida ta’kidlab o‘tdi.
“Oxirgi paytlar yengil atletikamiz ham islohotlarga muhtoj bo‘lib qolgan edi. Aynan shu nuqtai nazardan bir necha oy muqaddam O‘zbekiston yengil atletikasi federasiyasi rahbarligiga Andrey Abduvaliyevni olib keldik. O‘ylaymanki, uning boy tajribasi yurtimizda ushbu sport turini yangi bosqichga olib chiqishga yordam beradi. Bizning maqsadimiz Tokio Olimpiadasida sport qirolichasi hisoblanmish ushbu yo‘nalishda maksimal darajada lisenziya olish va musobaqada rekord o‘rnatish”, – deydi Umid Ahmadjonov.
O‘z navbatida Osiyo yengil atletika assosiasiyasi prezidenti Daxlan Al-Hamad janoblari ham yurtimizda olib borilayotgan barcha sohadagi islohatlarga ijobiy fikr bildirib o‘tdi.
“Avvalo, O‘zbekistonni islom va sport mamlakati deb bilaman. Shu bois ham yurtingizga tashrif men uchun faxr. Bugun Toshkentda bo‘lib o‘tgan marafonni kuzatib, undagi iliqlikni, ishtirokchilardagi sportga bo‘lgan mehrni ko‘rib quvondim. O‘zbekistonlik yengil atletikachilar Osiyoda o‘z o‘rni va mavqeyiga ega. Ayniqsa, Andrey Abduvaliyevni yaxshi bilaman. Uning tajribasi haqiqatda ham ulkan. Umid qilamanki, o‘zbekistonlik yengil atletikachilar bu yil bo‘lib o‘tadigan jahon chempionati va Tokio Olimpiadasida munosib ishtirok eta oladi”, – dedi Daxlan Al-Hamad.
Shuningdek, Umid Ahmadjonov martabali mehmonga O‘zbekiston yengil atletikaning turli musobaqalari, seminarlari va Kongresslarini yuqori saviyada o‘tkazishga tayyor ekanligini ta’kidlab, joriy yilning sentyabr oyida o‘tadigan dunyo birinchiligidan so‘ng Samarqand va Buxoroda xalqaro seminarga mezbonlik qilish taklifini ilgari surdi.
Suhbat yakunida mehmonlarga O‘zbekiston MOQning esdalik sovg‘alari topshirildi va martabali mehmon faxriy mehmonlar kitobiga o‘z dil-izhorlarini yozib qoldirdi.
Dinamo
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
