Dam olish kunlari legionerlarimiz o‘z klublari tarkibida o‘yinlar o‘tkazib, turli natijalar qayd etishdi.
Eldor Shomurodov
Milliy terma jamoamiz hujumchisi Eldor Shomurodov uchun navbatdagi tur omadli keldi. U Rossiya chempionati 23-turida "Rostov" tarkibida "Spartak" Moskva jamoasiga qarshi o‘yinda hisob 1:1 bo‘lib turgan paytda 80-daqiqada zaxiradan maydonga tushib, gol kiritdi. Uning goli yakunda "Rostov"ga g‘alaba keltirdi - 2:1. Ushbu g‘alabadan keyin "Rostov"ning ochkolari soni 35taga yetdi. Ular musobaqa jadvalida 6-pog‘onada borishmoqda.
Sardor Rashidov
Terma jamoamiz a’zosi Sardor Rashidov to‘p surayotgan Portugaliyaning "Nasyonal" jamoasi mamlakat chempionatida u qadar muvaffaqiyatli qatnasha olmayapti. 29-turda "Nasyonal" "Boavishta"ga qarshi safarda o‘yin o‘tkazdi va kichik hisobda mag‘lubiyatga uchradi.Hamyurtimiz mazkur o‘yinning 75-daqiqasida braziliyalik Kaka o‘rniga zaxiradan maydonga tushdi (Aytish kerakki, bu o‘sha mashhur Kaka emas, balki boshqa yosh futbolchi). Hozirda "Nasyonal" musobaqa jadvalida 16-o‘rinda bormoqda.
Vitaliy Denisov
Vitaliy Denisov Rossiya chempionati 23-turida "Krilya Sovetov" klubi tarkibida "Rubin"ga qarshi 90-daqiqa to‘p surdi. O‘yin "Krilya Sovetov" jamoasining 1:0 hisobidagi g‘alabasi bilan yakunlandi. Ushbu g‘alabadan keyin Denisov jamoasi 27 ochko bilan 11-pog‘onada bormoqda.
Doston Tursunov
"Jey-liga 2" chempionatida to‘p surayotgan Doston Tursunov 9-turda "Renofa Yamaguchi" safida "Kagoshima Yunayted" jamoasiga qarshi to‘liq 90-daqiqa harakat qildi. O‘yin 1:0 hisobida "Renofa" g‘alabasi bilan yakunlandi. Ushbu g‘alabadan keyin Tursunov jamoasi 8 ochko bilan 19-o‘rinda bormoqda.
Rustam Ashurmatov
Rustam Ashurmatov "Key liga-2" chempionati 6-turida "Gvangju" - "Dayejon" uchrashuvida to‘liq 90 daqiqa harakat qildi. Uchrashuvda hisob ochilmadi - 0:0. Ayni paytda "Gvangju" jamoasi musobaqa jadvalida 1-o‘rinda bormoqda.
Odil Ahmedov
Terma jamoamiz sardori Odil Ahmedov to‘p surayotgan "Shanxay SIPG" jamoasi Xitoy chempionati 5-turida "Uxan" klubiga qarshi maydonga tushib, 2:1 hisobida g‘alaba qozondi. Odil Ahmedov mazkur o‘yinda maydonga tushmadi. "Shanxay" klubi ayni paytda musobaqa jadvalida 2-o‘rinda bormoqda.
Fozil Musayev
Fozil Musayev to‘p surayotgan "Jubilo Ivata" jamoasi "Jey liga" 7-turida "Shimisu" klubiga qarshi maydonga tushdi va 1:2 hisobida mag‘lubiyatga uchradi. Musayev bu o‘yinda qatnashmadi. "Jubilo Ivata" musobaqa jadvalining 14-pog‘onasida boryapti.
Ikrom Aliboyev
"Key liga-1" chempionati 7-turida terma jamoamiz a’zosi Ikrom Aliboyev to‘p surayotgan "Seul" jamoasi "Gangvon" ustidan 2:1 hisobida g‘alaba qozondi. Ikrom Aliboyev mazkur o‘yinda maydonga tushmadi. Hozirda "Seul" musobaqa jadvalida 2-o‘rinda bormoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
