Ushbu rukndagi yangiliklar bilan o‘rtoqlashishda davom etamiz.
«Napoli» Ikardiga 7,5 million yevro taklif qilmoqda
“Italiyaning «Napoli» klubi argentinalik hujumchi Mauro Ikardi bilan jiddiy qiziqib qoldi”, - deb xabar bermoqda «Sky sport» nashri.
Unga ko‘ra «Napoli» futbolchining agenti va xotini sanaladigan Vanda Nara bilan bo‘lgan suhbatda futbolchining maoshi va bonus pullari borasida gaplashib olishdi.
Ikardining o‘zi tezroq «Inter»ni tark etish niyyatida va unga hozirning o‘zida «Atletiko Madrid» va «Yuventus»dan takliflar bo‘lmoqda.
De Ligt masalasi cho‘zilib ketdi
Mino Rayola bergan xabarlarga ko‘ra «Ayaks» klubi sardori De Ligt va «Yuventus» o‘zaro kelishuvga erishgan va shaxsiy shartnomaning barcha bandlarini ko‘rib chiqishgan. Endilikda ikki klub futbolchining transfer summasini kelishib olsa bo‘lgani.
Ishonchli manbaalarning xabar berishicha, futbolchi «Yuve» bilan 5 yillik shartnoma imzolaydi va uning yillik maoshi 9 millionni tashkil etadi.
Totti «Real Madrid»da ish boshlashi mumkin
Futbolchilik davrida «Real Madrid»ning bir nechta taklifini rad etgan italiyalik afsona «qirollik klubi» safiga o‘tishga yaqin turibdi. To‘g‘ri, futbolchi sifatida emas, klub elchisi vazifasida faoliyat olib borishi mumkin.
Futbolchi o‘zining to‘liq kariyerasini Rimning «Roma» klubida o‘tkazdi va faoliyatini yakunlagach klub direktori lavozimida ish boshlagan edi. Afsuski, uning fikrlari bilan rahbariyat hisoblashishni istamadi va 2017 – yilda Totti o‘z xohishi bilan postni tashlab ketdi.
«Barselona» futbolchi sotishda davom etadimi?
Katoloniya super klubi sharafini himoya qilayotgan Rafinya o‘z jamoasini o‘zgartirish maqsadidan qaytmayapti. Gap shundaki, o‘zi shundoq ham asosiy tarkibdan to‘liq joy ola bilmagan futbolchining pozisiyasiga Frenki de Yongni xarid qilinishi Rafinyani qattiq ranjitgan.
Hozirda futbolchi o‘zi uchun boshqa klub izlash bilan band. Uning keyingi manzili «Valensiya» klubi bo‘lishi mumkin va futbolchining transfer qiymati 15 million yevro atrofida baholanmoqda.
Chicharito sayohat qilishda davom etadi
Italiyaning «Fiorintina» klubi «Vest Hem» hujumchisi sanaladigan Chicharito bilan qiziqib qoldi. Unga ko‘ra italiya klubi bu mavsum oldidan birinchi navbatda meksikalik futbolchining transferini amalga oshirish maqsadida.
Futbolchining o‘zi esa klubdan ketishni istamoqda. U APLda yetarlicha o‘yin amaliyotiga ega bo‘lmayotganidan norozi va yangi sarguzashtlar izlab Italiyaga yo‘l olishni istamoqda
Ma’lumot uchun eslatib o‘tamiz, Chicharitoning transfer narxi 12 million atrofida.
«Manchester Yunayted» yangi hujumchi olmoqchi
Britaniyaning «Mirror» nashri tarqatgan xabarlarga ko‘ra «Manchester Yunayted» «Seviliya» klubi hujumchisi Visam ben Yeder bilan jiddiy qiziqib qolgan. «Qizil iblislar» uni hademay jamoani tark etishi kutilayotgan Lukakuning o‘rniga xarid qiladi. Xabaringiz bor, belgiyalik futbolchi bilan Italiyaning 3 ta grand klublari shartnoma tuzish ilinjida.
Visam ben Yeder borasida «Manchester Yunayted» rasman taklif jo‘natganicha yo‘q. «Qizil iblislar» Lukakuning transferi hal bo‘lgachgina muzokaralarga kirishmoqchi bo‘lib turishibdi.
Fransiyalik futbolchidan tashqari Mauro Ikardi variyanti ham mavjud bo‘lib, «Man Yunayted» o‘zi uchun ikki hujumchidan birini tanlab oladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
