Futbol olamida o‘zining jangovarligi va metin irodasi evaziga ko‘plab sovrinlarni qo‘lga kiritgan futbolchilar yetarlicha topiladi. Xatto juda og‘ir jarohatladan so‘ng ham katta futbolga qaytgan ko‘plab kuchli futbolchilar haqida bundan avvalgi maqolalarda eslab o‘tgan edik. Bugun e’tiboringizga ana shunday futbolchilarning tamoman aksi bo‘lgan charp to‘p ustasi haqida bayon qilamiz.
Fabio Koentrao
.jpg)
Bu futbolchi o‘z vaqtida Madridning «Real» klubi e’tiborini o‘ziga torta oladigan darajada iqtidorli futbolchi edi. Uning qanotdagi tezkor harakatlari ko‘plab futbol muxlislari va mutaxassislarida juda iliq ta’surot uyg‘otar, futbolchining kelajagi porloq ekanligiga hech kimda shubha yo‘q edi…
Fabio Koentrao «Benfika» klubi safida juda yorqin o‘yinlari bilan tezda mashxur bo‘lib ketdi. Uning qanot bo‘ylab uyushtirgan reydlari, ajoyib uzatmalari futbol olamida katta tezlikda shuhrat qozondi.
Bu esa, o‘z navbatida unga bo‘lgan qiziqshni keskin oshirib yubordi. Futbolchi uchun o‘z vaqtida «Manchester Siti», «Valensiya», «Roma», «Ayaks» singari jamoalar kurash olib borgan bo‘lsada, yakunda Madrid super klubi uni ilib ketadi. «qirollik klubi» futbolchi uchun o‘sha davrlar o‘lchovi bo‘yicha katta summadagi maosh va uzoq muddatli shartnoma taklif qiladi. Aynan shu faktor kelajakda futbolchining o‘sishdan to‘xtab qolishiga sabab bo‘lgan bo‘lsa, ajab emas…
Futbolchi Madrid klubi safiga borib qo‘shilgach, o‘zi uchun muoliyaviy qulay shartnomaga ega bo‘ladi va tezda asosiy tarkibga kirib oladi.
Istalgan futbolchi bor-ki, o‘z kariyerasi davomida jarohatlarga duch keladi. Bunday tezkor sport turida futbolchi har qanday xolatga tayyor bo‘lishi va qiyinchilklarni sabr bilan yengib o‘tishi lozim.
Afsuski Koentrao u qadar qo‘rqinchli bo‘lmagan jarohatdan so‘ng, ruhan tushukun kayfiyatga tushib qoldi va u holatdan boshqa chiqib keta olmadi. Futbolchilar jarohatdan so‘ng, tezroq tuzalib safga qaytishga harakat qilsa, Fabio jarohatidan so‘ng tubdan o‘zgarib qoladi. U jarohat olishdan cho‘chib maydonda harkat qila boshladi va bu uning o‘yiniga salbiy ta’sir ko‘rsatmay qolmadi. Koentrao ochiqchasiga qanotdagi kurashlarni boy bera boshladi va oqibatda Marsello asosiy tarkibdagi uning o‘rnini tortib oldi.
Portugaliyalik futbolchi asosiy tarkibga kirish uchun sira kurash olib bormas, o‘zini zahirada juda yahshi his qila boshladi. Eng qizig‘I shundaki, 2015-yilda «Elche» klubiga qarshi bahsda, murabbiylar tomonidan maydonga tushishi so‘ralganida u bundan bosh tortadi. Shunda klub shifokori unga sog‘lig‘I tamoman tiklanganini aytsada, Fabio maydonga tushishdan bosh tortadi. U hammasiga yana jarohat olishdan cho‘chiganini vaj qilib ko‘rsatadi.
Keyinchalik «Real Madrid» uni «Monako» jamoasiga ijaraga berib yuboradi. Portugaliyalik futbolchi Fransiyada oav bilan bo‘lgan suhbatda o‘zining og‘ir hayoti va o‘zi o‘ynagan klublardagi nohaqliklar haqida ochiqchasiga bayonot bera boshladi.
Aslida futbolchining yoshligi ko‘plab afrikalik super yulduz darjasiga chiqqan futbolchilar bilan solishtirganda ancha yahshiroq ekanligi hammaga ayon bo‘lsada, futbolchi o‘zi haqidagi ta’sirli voqealarni bayon qilishda davom etdi. Keyinchalik «Benfika»ning azaliy raqibi sanalagan «Sporting» klubi safiga borib qo‘shilgan futbolchi Portugaliyada ham katta shov-shuv ko‘tardi. O‘zi tarbiya topgan klub sanalmush «Benfika»dan boshqa Portugal klubida o‘ynamaslikka va’da bergan futbolchi, "Sporting” safiga o‘tishi bilan uni «Benfika»da qadrlashmagani haqida intervyu beradi.
Bu intervyu ham uni «Sporting» jamoasida uzoq qolishini ta’minlay olmadi. Futbolchi bir necha bor yakka kurashlardan qochgani bois ochiqchiga muxlislar tomononidan taniqdga uchraydi va boshqa klubga o‘tib ketishga majbur bo‘ladi.
Rossiya yashil maydonlarida bo‘lib o‘tgan Mundialda ishtirok etishi kutilgan futbolchilarning yakuniy ro‘yhatidan joy olgan futbolchi o‘z xohishi bilan ushbu ro‘yhatdan o‘chirib yuborishlarini talab qilaganiga nima deysiz?!
Portugaliyalik futbolchi vatan sharafini himoya qilishdan bosh tortadi va bunga juda og‘ir mavsum o‘tkazganini vaj qilib ko‘rsatadi. U bu mavzuga oydinlik kiritar ekan quyidagi so‘zlarni aytadi : «Men juda charchadim. Yakunlangan mavsum ko‘plab jarohat va muommolardan holi o‘tmadi. Men dam olishni istayman. O‘ylashimcha JCH bahslariga charchoqni his etib borishim noo‘rin. Men hordiq chiqarishim lozim.»
Vaholaniki, futbolchi mavsumning katta qismini zahirada o‘tkazgan edi. Hozirda 31 yoshni qarshi olgan futbolchi o‘sha mundialdan bosh tortgani bois portualiyalik muxslislar oldida o‘z obro‘sini yo‘qotib qo‘ydi. Hozirda o‘rtamiyona «Riu Avi» jamoasida to‘p surayotgan qahramonimiz deyarli futbol muxsliarning yodidan ko‘tarilib ham ketdi desak, adashmagan bo‘lamiz.
Bir o‘ylab ko‘ring! Agarda futbolchi ichidagi qo‘rquvni yengib o‘tganida, o‘ziga bo‘lgan ishonchni so‘nggi soniyalarga qadar so‘ndirmaganida, futbol shohsupasidan tushib ketmaslik uchun ohirigacha kurashganida bormi?! Hozirda top klublardan birning ajralmas bo‘lagiga aylangan bo‘lar edi. Uning qobiliyati har doim atrofdagilarni hayron qoldirgan bo‘lsada, to‘liq namoyon bo‘lmay turib unutilib ketdi. U birorta klub muxlislari tomonidan «bizning» futbolchi deb atalmaydigan kam sonli futbolchilardan biri sifatida tarixda qoladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
