FIFA kunlari tufayli yuzaga kelgan tanaffusdan unumli foydalangan AGMK 30 avgustdan 4 sentyabrga qadar Chimyon tog‘ yonbag‘rida joylashgan "Archazor"da yig‘in o‘tkazdi.
Mazkur yig‘in davomida jamoa murabbiylar shtabi futbolchilarning jismoniy holatini bir me’yorda ushlab turishga e’tibor qaratishdi. Bugun qisqa yig‘inni yakunlab qaytgan olmaliqliklar Qibrayda Superliga vakili "Andijon" bilan nazorat uchrashuvini o‘tkazishga ham ulgurdi.
Tog‘dagi yig‘inda jismoniy holatga e’tibor qaratilgan bo‘lsa, endigi vazifa jamoaning o‘yin amaliyotini ham bir maromda saqlab turish lozim. Shu boisdan ham bugun nazorat bellashuvida "Andijon" sparring raqibga aylandi.
Qiziqarli va murosasiz o‘tgan o‘yinda har ikkala jamoa a’zolari hujumkor o‘yinga e’tibor qaratishga urinishdi. Birinchi taymda "Andijon" ham, AGMK ham golli vaziyatlarni yaratishga erishishdi. "Andijon" futbolchilari yaratilgan vaziyatlarini golga aylantirishni uddasidan chiqa olmagan bo‘lsa, Toshkent viloyati vakillari tanaffusga qadar raqib darvozasini ikki bor aniq nishonga oldi. Dastlab Saydullo Rahmatovning uzatmasidan so‘ng San’at Shixov jarima maydonchasi ichidan to‘pni to‘rga yo‘llagan bo‘lsa, oradan ko‘p o‘tmasdan Dilshod Jo‘rayev Murod Toshmatov rivojlantirgan hujumni golga aylantirdi.
Ikkinchi bo‘limda esa har ikkala jamoa safida yangi 11talik maydonga chiqdi. Mirjalol Qosimov tanaffusdan keyin yig‘inda bo‘lib turgan yoshlar jamoasi a’zolari Sheroz Jalolov, Saydullo Toshpo‘latov, Farhod Imamov va Kamron Abdulhamidov singari yosh iqtidorli futbolchilarga imkoniyat berdi. Ikkinchi bo‘limda jamoalar ijrosida boshqa gol urilmadi. Shu tariqa AGMK mazkur yig‘in doirasidagi ilk nazorat uchrashuvida "Andijon" ustidan g‘alaba qozondi.
Nazorat o‘yini
4 sentyabr, chorshanba
AGMK - "Andijon" 2:0
Qibray stadioni.
Bosh hakam: Vadim Agishev.
Gollar: San’at Shixov (36), Dilshod Jo‘rayev (43)
AGMK - Suhrob Sultonov (Akbar To‘rayev, 30) - Akmal Shorahmedov, Igor Zonich, Vladislav Kasminin, Saydullo Rahmatov - Erkin Baydullayev, Dilshod Jo‘rayev, Mirjamol Qosimov - Murod Toshmatov, Shahzod Nurmatov, San’at Shixov.
Ikkinchi bo‘limda o‘ynagan tarkib: Akbar To‘rayev (Roman Abdulov, 60) - Mirg‘iyoz Sulaymonov, G‘ulomHaydar Gulyamov, Sardor Rahmonov, Sheroz Jalolov - Jasur Umarov, Saydullo Toshpo‘latov, Jasur Hakimov - Zohir Pirimov, Kamron Abdulhamidov, Farhod Imamov.
AGMK navbatdagi nazorat o‘yinini 8 oktyabr kuni Olmaliqda "Paxtakor"ga qarshi o‘tkazadi.
Eslatib o‘tamiz, jamoamiz a’zolari Nizomiddin Ziyovutdinov, Jasur Yaxshiboyev Olimpiya terma jamoasi yig‘inida ishtirok etayotgani tufayli jamoa mashg‘ulotlarida qatnashmayapti. Shuningdek, jamoamiz massajchisi Abdulla Rizboyev esa Milliy jamoa ixtiyorida JCH-2022 saralash doirasidagi Falastinga qarshi o‘yinga jo‘nab ketgan. Elguja Grigalashvili, Zafar Polvonov va Bobur Yuldoshev esa mikro jarohatlari tufayli bugungi o‘yinda ishtirok etishmadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
