Cuperliga 23-turidan o‘rin olgan bahsda Namanganning “Navbahor” jamoasi o‘z maydonida Qarshining “Nasaf” klubini qabul qiladi. Sovrinli o‘rinlar uchun kurash olib borayotgan mazkur jamoalar o‘rtasidagi bahsning keskin kurashlar ostida o‘tishi ehtimoli yuqori.
Ushbu uchrashuv arafasida “Navbahor” bosh murabbiyi Andrey Kanchelskis bo‘lajak o‘yin borasidagi fikrlari bilan o‘rtoqlashdi.
— Bo‘lajak bahsga tayyorgarlik juda yaxshi kechmoqda. Shug‘ullanyapmiz, mashg‘ulot o‘tkazyapmiz. Bu Superligada FIFA kunlari munosabati bilan yuzaga keladigan katta tanaffus oldidan so‘nggi o‘yin bo‘ladi. Shu bois, yigitlarda ishtiyoq ancha yuqori va “Nasaf” ustidan g‘alaba qozonib, tanaffusga yuqori kayfiyatda chiqib ketishni niyat qilganmiz.
— O‘zbekiston kubogining chorak finalidan o‘rin olgan bahsda “Nasaf” “Navbahor”ni 1:0 hisobida mag‘lubiyatga uchratib, kubok bahslaridan chiqarib yuborgandi. Bo‘lajak o‘yinda shogirdlaringiz o‘sha mag‘lubiyat uchun ham revansh olishadimi?
— O‘sha paytda jamoani men boshqarmaganman va shu bois, revansh borasida hech narsa deya olmayman. Maqsadimiz esa joriy mavsumni munosib tarzda yakunlash. Bu yilgi milliy chempionat bahslariga yakunlanishiga bor-yo‘g‘i 4ta tur qoldi hamda bo‘lajak uchrashuvlarda g‘alaba qozonib, muxlislarga quvonch ulashmoqchimiz.
Oldimizda maksimal vazifa turibdi, ya’ni qolgan barcha bahslarda g‘alaba qozonish. Buni esa aynan “Nasaf”ga qarshi kechadigan o‘yindan boshlash kerak.
— Sizningcha, “Navbahor”da sovrindorlar safidan o‘rin olish imkoniyati bormi?
— Albatta, nazariy jihatdan jamoamizda medallar uchun kurashish imkoniyati bor va buni amalga oshirish uchun so‘nggi pallagacha harakat qilamiz. Futbolda esa hamma narsa yuz berishi mumkin. Ammo bunga ko‘p e’tibor qaratmay, o‘z o‘yinimizni namoyish etishimiz hamda qolgan bahslarda zafar quchishimiz shart.
Sovrindorlar safidan joy olish yo‘lidagi ilk g‘alabani esa qarshiliklarga qarshi kechadigan uchrashuvdan boshlashni niyat qilganmiz. Yutuqlar esa asta-sekin davom etaveradi. Umid so‘nggi pallada o‘ladi hamda medallar uchun oxirigacha kurash olib boramiz.
Muxlislar esa “Navbahor”ni doimgidek, munosib tarzda qo‘llab-quvvatlab turishsa bo‘lgani. Yigitlar ularning ishonchlarini oqlashga harakat qilishadi.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
