Futbolchilar doimo o‘zlari uchun eng chiroyli raqamlarda to‘p surishni yoqtirishadi. Bugun ei,e olamidagi eng nufuzli raqamlar haqida gaplashamiz. Bir qarashda arzimagan faktor sifatida ko‘rinadigan bu jihatning futbolda tutgan o‘rni salmoqli. Bugun futboldagi ba’zi bir raqamlarni o‘z o‘yini bilan abadiy «o‘ziniki» qilib olganlar haqida so‘z boradi.
Kamtarin va buyuk 5-raqam
5-raqam deganda hammaning ko‘z oldiga “Real Madrid“dagi Zidan kelsa, ajab emas. Turin super klubidan Madridga ko‘chib o‘tgan Zayniddin Zidan raqam tanlab o‘tirmaydi, birinchi uchragan 5-raqam bilan harakatlana boshlaydi. To‘g‘risiyamda, u agarda 57-raqamni tanlagani taqdirida ham o‘sha raqamni brend darajasiga olib chiqa oladigan darajada iqtidorli edi. Futbol olamida 5-raqamda to‘p surgan ko‘plab mashhur futbolchilar bo‘lgan, bo‘ladi ham, ammo ular baribir Zizuning soyasida qolib ketishadi. Nega deysizm? chunki Zidan darajasida to‘p sura oladigan futbolchi yana paydo bo‘lishiga ishonish qiyin.
O‘z egasini yo‘qotib qo‘ygan 9-raqam
Bu raqamning asl egasi kim ekan degan savolning javobi yo‘q bo‘lgani uchun hech kim ortiqcha bahslashib o‘tirmaydi. Bu raqam futbol olamida shunday mashhurlikka ega-ki, aynan shu raqamdagi futbolchining maydonning qaysi pozisiyasida harakat qilishini darrov sezasiz. Bu raqam ostida Van Basten, Di Stefano, Shirer singari futbolchilar ajoyib mavsumlarni o‘tkazishganidan ko‘pchilikning habari bo‘lsa, ajab emas.
Klassik raqam deb yurituluvchi 9-raqam ostida ko‘plab mega yulduzlar harakat qilishgan va qilishmoqda. Shunday bo‘lsada, yangi asrda ko‘hna raqamning asl egasi sifatida Ronaldoni ko‘rsatsak, adolatdan bo‘lar edi. «So‘yloq» 2002-yildagi Mundialda shunday to‘p surdi-ki, muxlislar: «9-raqamning asl egasi paydo bo‘libdi»,- deb quvonib ketishdi.
Eng muhim va eng chiroylli gollarni kiritgan Ronaldo o‘z raqamiga monand sof xujumchi sifatida Osiyo qit’asida o‘tgan JCHda hammaning yodida abadiy qoldi. To‘g‘ri, undan so‘ng bir nechta ajoyib 9 raqamli futbolchilar etishib chiqdi, lekin endi futbol o‘zgargan, klassik raqamning egalari endilikda sof xujumchi sifatida istasalar ham harakat qila olmaydigan davr boshlangan edi. Shunday ekan, bu raqamga hos o‘yin ko‘rsatgan hujumchilarning so‘nggisi bo‘lgan Ronaldoni 9-raqamning egasi sifatida qayd etdik
Afsonaviy va befavo 10-raqam
Avvalari internet, televideniya yo‘q davrlarda murabbiylar raqibning 10-raqamdagi futbolchisi kim bo‘lishidan qat’iy nazar eng kuchlisi bo‘lishini yaxshi bilar, shu sababdan chaqqon himoyachilardan biriga 10-raqamdagi futbolchidan ko‘z uzmaslikni ko‘rsatma qilib berishar edi. Darhaqiqat, bu raqamda kimlar o‘ynamagan deysiz, Maradona, Ronaldinyo, Pele, Platini, Ziko, Pushkash, va boshqa super, mega yuluduzlar tomonidan eng baland cho‘qqiga chiqarilgan raqamni yuqorida keltirilgan futbolchilardan zarracha qolishmaydigan yangi asrning eng kuchli futbolchilaridan biri davom ettirmoqda. Sezganingizdek, gap Leo Messi haqida bormoqda.
Bir qarashda Messi bu raqam ostida to‘p surgan eng kuchli futbolchi desak, sizga erish tuyular, biroq «oldingdan oqqan suvning qadri bo‘lmaydi»,- deganlaridek, ko‘p o‘tmay Messi butsalarini mixga ilganidagina uning naqadar buyuk o‘yinchi ekanligini chuqur his etsak kerak. Ungacha u ko‘z oldimizdagi ajoyib futbolchi bo‘lib qolaveradi…
Olifta va o‘zgacha 7-raqam
Jorj Best, Garincha, Bebeto, Littbarski, Brayn Robson, Raul, Andrey Shevchenko, Luish Figo, Erik Kontana, David Bekham, va Ronaldu….
Bu yigitlarning qolganlardan farqi shundaki, ular futbol olamiga o‘z uslubini olib kirish orqali ushbu sport turini yanada tomoshabop va mashhur qilish uchun ulkan hissa qo‘shgan. Yuqorida nomi zikr qilingan futbolchilar 7-raqamning qiymatini ko‘tirishgan bo‘lsa, Ronaldu uni brend darajasigacha olib chiqdi. Futbolchi Manchesterda ham, Madridda ham bu raqam ostida shunday o‘yin ko‘rsatdiki, qolgan jamoalar ham o‘zlarining 7-raqamlarini kimga topshirish haqida o‘ylanib qolishdi. Hozirda «Yuventus»da to‘p surayotgan «KR7» futboldan olamidan ketgach, anchagacha 7-raqam o‘ziga mos futbolchi topa olmay qiynalib qolishi aniq.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
