Xabaringiz bor, ilk bor o‘tkazilgan «Bunyodkor kubogi» xalqaro musobaqasida qo‘shni Qozog‘istondan ham to‘rtta jamoa ishtirok etdi. Garchi mehmonlarimiz sovrindorlar qatoriga kira olmagan bo‘lsa-da, turli nominasiyalarda eng yaxshilardan bo‘lishdi. «Aristan-2» va «Mersa» jamoalari bosh murabbiylari turnir haqidagi fikrlari bilan o‘rtoqlashdi.
Beybet Kulubekov, «Aristan-2» jamoasi bosh murabbiyi: - Turnir tashkilotchilariga o‘z minnatdorchiligimizni bildiramiz, xususan, klub bosh direktori Ulug‘bek Mirzayevga. Yurtingizda ajoyib musobaqada qatnashdik. Sharoitlarga gap bo‘lishi mumkin emas. Qolaversa, shu besh kun davomida ob-havo ham futbol o‘ynash uchun mos bo‘ldi. Bolalar mazza qilib futbol o‘ynashdi. (kulib) O‘zimizni Antaliyada yig‘in o‘tkazgandek his qildik. Kecha Ulug‘bek akaning taklifiga ko‘ra, akademiyada mehmon bo‘ldik, sharoitlar bilan yaqindan tanishdik. O‘zbekistonda bolalar futboli yanada o‘sishi, rivojlanishi tilakdoshiman. Mamlakatlarimiz o‘rtasidagi aloqalar yanada mustahkamlanib boraversin. Qachon musobaqaga taklif qilsalaring, labbay, deb kelaveradigan taassurotda ortga qaytyapmiz.
Musobaqa davomida biz to‘qnash kelgan O‘zbekiston jamoalari kamida iliq taassurot qoldirdi. Aslida o‘zbek futboli doim kuchli bo‘lib kelgan. Bunga turnirda yana bir bor amin bo‘ldik. To‘g‘ri, biz musobaqada ko‘proq mag‘lub bo‘ldik. Buni o‘ziga xos sababli bor. Xususan, men boshqargan jamoa 2006 yilda tug‘ilgan bolalar iborat edi. Atayin Toshkentga bir yosh kichik tarkib bilan keldim. Bolalar tajriba ortishini istagandim. O‘ylaymanki, ko‘zlagan maqsadimga yetdim.
Ildar Bekirov, «Mersa» jamoasi bosh murabbiyi: - Musobaqa yuqori darajada tashkil qilinibdi. Maydonlardan tortib, hakamlaru va boshqa tashkilotchiliklarga qoyil qolish kerak. Bunday tashkilotchilikdan keyin yana bu musobaqaga kelging kelaveradi, nafaqat biz, balki boshqa jamoalar ham qatnashishni xohlaydi.
Musobaqada kuchsiz jamoaning o‘zi bo‘lgani yo‘q. Barcha ishtirokchilar o‘ziga yarasha kuchli edi. Tabiiyki, kuchli raqiblarga qarshi bahslarda futbolchilarning tajribasi ham oshib boraveradi. Shaxsan men boshqarayotgan jamoaga bu musobaqa katta maktab vazifasini o‘tab berdi. Biz har uchrashuvdan keyin o‘yinning video tahlilini qildik. Kamchiliklarimiz ustida gaplashdik. Toshkentga natija uchun emas, o‘yin va tajriba uchun kelgandik. Jamoamiz o‘yindan-o‘yinga kuchaydi, deb ayta olaman.
Alaves
Фурқат Қурбонов
Жалолиддин Қобилжонов
Ҳасанали ота
Яҳёхўжа Улуғхўжаев
Холис таҳлилчи блоги
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
