Xabaringiz bor, ertaga “Lokomotiv” o‘z maydonida OCHL saralashi doirasida Dushanbening “Istiqlol” jamoasini qabul qiladi. Bugun o‘yin oldi matbuot anjumanida mehmon jamoa bosh murabbiyi Mubin Ergashev hamda jamoa hujumchisi Alisher Jalilov ishtirok etib jurnalistlarning savollariga javob berishdi.
– Futbol muxlislarini kirib kelayotgan yangi mavsum bilan tabriklayman. O‘tgan mavsumdagisiga qaraganda ushbu mavsumda ko‘proq qiziqarli o‘yinlar bo‘lishini tilayman. O‘yinga keladigan bo‘lsak, bahsga ko‘rilgan tayyorgarlik yaxshi bO‘ldi. Raqibni yaxshi o‘rganib chiqdik. “Lokomotiv”ni tark etgan ko‘plab futbolchilar o‘rnini yangilar egalladi. Shuningdek, jamoada bosh murabbiy O‘zgardi. Samvel Babayan va Andrey Fyodorovning murabbiylik imzosi ikki xil ko‘rinishda va O‘yinlari boshqacha taassurot beradi. Futbolchilarimizga ertangi o‘yin oldidan alohida talablar qo‘yamiz.
Alisher Jalilov: – “Lokomotiv” OCHLda har yili o‘ynaydi. Ularning yaxshi jamoa ekanligini bilamiz. Shu boisdan uchrashuvga yaxshi tayyorgarlik ko‘rib, navbatdagi bosqichga chiqishimiz uchun harakat qilamiz.
– “Istiqlol” Osiyo Chempionlar Ligasi darajasiga tayyormi?
– Ha, tayyor. Chunki o‘tgan yillar davomida OFK kubogidagi ishtirok orqali “Istiqlol” bir necha bora ushbu ligaga tayyor ekanligini ko‘rsatib berdi. To‘g‘ri bizga qiyin bo‘ladi, lekin buni to‘g‘rilaymiz.
– “Istiqlol” OCHL uchun uch legionerni ro‘yxatdan o‘tkazgan. Ularning barchasi Toshkentga keldimi?
– Bu haqda gapirmayman. Keling, bu haqida ertaga bilib olasiz. Bu muxlislarga syurpriz bo‘ladi.
– Raqibni o‘rganish choqida “Lokomotiv”ning birorta nazorat uchrashuvlarini tomosha qildingizmi?
– Andrey Fyodorovni yaxshi bilaman. U bilan birga o‘qiganman. Qolaversa, uning yordamchisi Miklyayevni ham yaxshi bilaman. “Lokomotiv”ning “Reynjers” bilan o‘yinini tomosha qildik. Shuningdek, “Jiangsu” bilan o‘yinni ham o‘rganib chiqdik. “Lokomotiv” ikki o‘yinda ikki hil taassurot qoldirdi. Shu boisdan jamoa ertaga qanday o‘yin ko‘rsatishini bilish juda qiyin.
– O‘zbek futbolidan kimning o‘yinlari sizga yoqadi, yoqtirgan o‘zbek futbolchingiz bormi?
Alisher Jalilov: – Odil Ahmedov. “Anji”, “Krasnodar”da o‘ynagan futbolchini yaxshi bilaman. Ayni damda u faoliyatini Xitoyda davom ettirmoqda. “Lokomotiv”dan esa Marat Bikmayevni yaxshi taniyman. U bilan “Rubin”da tanishganman. Uning o‘yinlari menga yoqadi.
– “Paxtakor”ga qarshi bekor qilingan o‘yin tayyorgarlik rejalariga jiddiy ta’sir o‘tkazdimi?
– Yo‘q. Ob-havo xudoning qudrati. Shu boisdan bundan unchalik hafa bo‘lmadik.
Ertangi o‘yinda bizning tomonga ham muxlislik qiladigan tomoshabinlar ko‘p bo‘ladi. Barcha muxlislarni stadionga chorlab qolamiz. Umid qilamiz, ertaga qiziqarli va muxlislar yoqtiradigan o‘yin guvohiga aylanamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
