“Lokomotiv“ futbolchisi Davron Umirov “Xo‘jand“ jamoasiga qarshi uchrashuvdan keyin klub matbuot xizmatiga intervyu berdi.
— Bugun yigitlar yaxshi o‘ynadi. Bugun o‘zimizga bo‘lgan ishonchni qaytarish uchun g‘alaba juda kerak edi va bunga erishdik. “Xo‘jand“ ham yomon jamoa emas ekan. Ularning yig‘ilganiga ko‘p vaqt bo‘lmabdi. Ushbu jamoa ham o‘z o‘yinini topib olishi uchun vaqt kerak bo‘ladi. Asosiysi bugun bizga g‘alaba kerak edi.
— Jamoa bir necha o‘yinlarda gol kirita olmadi. Futbolchilar bundan tushkunlikka tushdimi?
— Yo‘q, tushkunlikka tushmadik. Shunchaki o‘z o‘yinimizni topa olmay qoldik. O‘zimizga ishonchni qaytarish uchun gollar kerak edi. Bugun mana gollar bilan g‘alabaga erishdik. Bundan buyog‘iga barchasi yaxshi bo‘lib ketadi.
— O‘z o‘yiningizdan qanchalik qoniqyapsiz?
— Bunisini bilmadim. Murabbiylardan xatolarimizni so‘rab olyapmiz, nazariy mashg‘ulotlarda ular barcha kamchiliklarni aytib berishmoqchi. O‘yinimiz o‘zgarmoqda. To‘p uzatishlar ham anchagina yaxshi bo‘lib qoldi, deb o‘ylayman.
— “Lokomotiv“ga kelganingizga ko‘p vaqt bo‘lmadi. Dastlabki taassurotlar qanday bo‘lmoqda?
— Barcha futbolchilar bir— biri bilan ahil va inoq, barcha bir oila. Yoshi katta futbolchilar o‘zlaridan kichkina futbolchilar nimadir so‘raganida o‘zini manmanlikka olmayapti. To‘g‘ri va chiroyli tushuntirib, hurmat bilan gaplashishyapti.
— Mavsum davomida asosiy tarkibda o‘ynab ketishingizga qanchalik darajada ishonasiz?
— “Lokomotiv“ning g‘alabalariga yordamimni bermoqchiman. Xudo xohlasa, hech kimni uyaltirib qo‘ymayman.
— Ushbu mavsum oldidan o‘z oldingizga qanday maqsadlar qo‘ygansiz?
— Birinchi navbatda, jamoaning manfaatlari. Ikkinchi yoki uchinchi o‘rin emas, faqatgina birinchi o‘rin haqida o‘ylaymiz. Shu orqali OCHLda yaxshi o‘yinlar ko‘rsatib, oldimizga yana— da katta maqsadlar qo‘yib boraveramiz.
— “Lokomotiv“ga ilk kelganingizdan beri kim bilan tezda chiqishib ketdingiz?
— “Lokomotiv“ga kelishimdan oldin ko‘plab futbolchilar bilan tanish edim. Barcha jamoadoshlarim bilan chiqishib ketishim uchun bir hafta yetarli bo‘ldi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
