Angliya premyer-ligasining 27-turi “Chelsi” va “Tottenham” o‘rtasidagi markaziy o‘yin bilan boshlanadi.
"Tottenxem” maydonida bo‘lib o‘tgan so‘nggi yuzma-yuz uchrashuv Frenk Lempard shogirdlarining 2:0 hisobidagi g‘alabasi bilan yakunlangan edi. Xo‘sh, “Stemford Brij”da qanday natija qayd etiladi?
“Chelsi” yil boshini muvaffaqqiyatsizliklar bilan boshladi. Eng yaqin ta’qibchisi yetib olishiga bir ochko qoldi. Bu ham bo‘lsa “Tottenxem”.
So‘nggi uch turdan buyon esa “Chelsi” o‘z maydonida g‘alaba nimaligini bilmay kelyapti. Bundan oldingi turda ham o‘z uyida “Manchester Yunayted” jamoasiga imkoniyatni boy berdi. Ngolo Kante esa ushbu uchrashuvda jarohat oldi. Fransiyalik futbolchi London derbisida o‘z jamoasiga yordam bera olmaydi.
Shu tariqa, “Chelsi” Premyer-liganing olti o‘yinida atigi bir g‘alabani o‘z hisobiga yozib qo‘yishga muvaffaq bo‘ldi. Boy berilgan uchrashuvlarga asosiy sabab qilib himoyadagi sust o‘yin hamda darvozabon Kepa Arissabalaganing ishonchsiz harakatlari ko‘rsatilmoqda. Asosan shu sabab tufayli “aristokratlar” “Manchester Yunayted” va “Nyukasl”ga qarshi o‘yinlarda mag‘lub bo‘lishgan. “Brayton”, “Lester” hamda “Arsenal”ga qarshi uchrashuvlarda ochkolar yo‘qotilgan. Frenk Lempard boshchiligidagi jamoa inqiroz davrini boshdan kechirmoqda deb aytish mumkin.
Qiyin uchrashuvlarga qaramasdan Joze Mourinyo «Tottenxem” bilan yaxshi natijalar qayd etishni boshlab yubordi. “Manchester Citi” ustidan g‘alaba qozonildi. “Aston Villa”ga qarshi o‘yinning so‘nggi daqiqalarida g‘alabani o‘z tarafiga og‘dirishga muvaffaq bo‘ldi. Shu bilan birgalikda Angliya kubogida kuchli “Sautgempton”ni nokautga uchratdi. Bundan tashqari, uchrashuvdan keyingi intervyularda J.Mourinyo o‘z jamoasini g‘alaba qozonishga loyiq deb aytdi, ammo yutqazgan tomon mag‘lubiyatga loyiq emas edi.
Ammo endi “Tottenxem”ga qiyin bo‘ladi. Sababi jamoaning asosiy futbolchilaridan biri Son Xyong Min jarohat olgan.
“Tottenxem” Chempionlar ligasi pley-off bosqichida “RB Leypsig”ga qarshi uchrashuvda 0:1 hisobida imkoniyatni boy berdi. «Tottenxem” umidsiz ko‘rinmadi. Ammo hujumda faol emas edi.
Xullas, o‘yindan oldin ikkala jamoa safida ham muammolar talaygina.
Shu sababli nafaqat ochkolar balki kuch jihatidan ham deyarli teng ikki klubning to‘qnashuviga shohid bo‘lamiz. Ushbu uchrashuv anchagina tajribali va nomdor Maykl Oliver boshchiligidagi hakamlar brigadasiga ishonib topshirilgan.
“Chelsi” – “Tottenxem” o‘yini FUTBOL TV telekanali orqali soat 17:30 dan boshlab jonli efirda namoyish qilinadi.
Ziyovuddin Namozov tayyorladi.
Al-Ahli (SA)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
