Stadion.uz transfermarket portali nashri bergan ma’lumotlarga suyangancha 15 yil ortga qaytadi va o‘sha davrdagi eng qimmat futbolchilardan tashkil topgan ramziy jamoani e’tiboringa havola etadi.
Darvozabon – Buffon
Jiji o‘zining “Yuventus”dagi eng gullagan davrlarini o‘tkazayotgan futbolchi edi. Kalchopoli voqeyasi hali sodir bo‘lmagani uchun uning transfer qiymati Kasilyasdan balandroq ko‘rsatilgan.
Himoyachilar
Rio Ferdinand
“Manchester Yunayted” safiga o‘z davrida dunyoning eng qimmat himochisi sifatida kelib qo‘shilgan futbolchi o‘z transferini to‘liq oqlashga muvaffaq bo‘ldi.
Alessandro Nesta
Aslida Nestaning transfer qiymati ancha balandroq bo‘lishi mumkin edi, biroq jarohat sababli o‘tkazib yuborilgan uchrashuvlar o‘z ta’sirini o‘tkazgan. Shunga qaramay, Shevchenko singari hujumchidan atigi 5 million yevro arzonroq bo‘lish uchun ham ancha ter to‘kish lozim.
Zambrotta
“Yuventus”ni birinchilardan bo‘lib tark etishga yaqin turgan futbolchini transfermarket nashri 28 million yevroga bejiz baholamagan. Zambrotta 2005-yilda o‘zining kuchli zarbalari, himoya va hujumdagi unversalligi bilan ko‘plab grandlar e’tiborini tortishga muvaffaq bo‘lgan himoyachilardan biri edi.
Patrik Viyera
“Arsenal”dagi ajoyib mavsumlardan so‘ng, Turinga ko‘chib o‘tgan yarim himoyachi 31 yoshda ham sayyoramizning eng qimmat 11 futbolchsidan biri bo‘lishni uddalagani e’tiborga molik.
Maykl Essiyen
E’tiborli shundaki, 2005-yilda Essiyen o‘sha davrning eng kuchli markaziy hujumchilaridan qimmatroq deb hisoblangan. “Lion”dan shaxsan Jozening iltimosiga ko‘ra harid qilingan Maykl 9 yil davomida London klubi sharafini munosib himoya qildi.
Ballak
Myunhen klubidagi o‘yinlari bilan barchani e’tiborini tortgan Ballak bejizga 35 millionga baxolanmagan. O‘zining kuchli zarbalari bilan mashxurlikka erishgan futbolchi “Bavariya”ning o‘sha davrdagi yulduz futbolchisi edi.
Ronaldino
Braziliyalik afsungar o‘zining eng pik davrida ham 50 million yevroga baholangani kishini hayron qoldirishi tabiiy. “Oltin to‘p” egasi bo‘lishiga qarmay, Roning o‘sha davrda Bugungi kundagi Mbappedan naqd 3 barobar arzonroq bo‘lganiga ishonish mushkul. Vaholanki, u bugungu ro‘yxatimizdagi eng qimmat futbolchi.
Tiyeri Anri
“Arsenal” yuragi va barcha grand jamoalar orzusi Tiyero Anri 45 million yevroga baholangan bo‘lsada, uning maydondagi harakatlari bugungi kundagi 100 millionlik futbolchilarnikidan ancha jozibaliroq edi.
Andrey Shevchenko
Ukrainalik “killer” “Milan”dagi o‘zining so‘nggi mavsumlaridan birini o‘tkazayotganiga qaramay, to‘purarlik borasida o‘z mahoratini ko‘rsatishda davom etayotgan chog‘lar edi. Afsuski, qahramonimizning “Chelsi”ga ko‘chib o‘tishi barchasi salbiy yakun topishiga sabab bo‘ladi.
Van Nistelroy
Ser Aleks Fergusson tomonidan duyondagi eng qizg‘anchi hujumchi deb ta’riflangan golland hujum markazidagi chinakam gol mashinasi edi. Ayniqsa, 2005-yilda uni to‘xtatib qolish juda va juda mushkul bo‘lgan. Bejizga transfermarket gollandiyalik hujumchini 40 million yevroga baholamagan.
Ushbu tarkibning umumiy qiymati 406,5 million yevroni tashkil etmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
