«Milan» transferlarsizqanday tarkibda bo‘lar edi? (ramziy jamoa)
Stadion.uz “Milan”da faqat klub akademiyasi tarbiyalanuvchilar to‘p surganda tarkib qanday ko‘rinish olishi haqida fikr almashadi.
Afsuski, transferlar sababli klub akademiyasidagi futbolchilar o‘zlarini to‘liq namoyish eta olmayapti. Bir tasavvur qilib ko‘ring, agar “rossoneri” safida faqat akademiya tarbiyalanuvchilari harakat qilishganida, tarkib qanday ko‘rinishda bo‘lar edi?
Darvozabon. Janluidji Donnarumma
Donnarumma Italiya “A Seriya”sida debyut qilgan eng yosh kiper sifatida Buffonning rekordini yo‘qqa chiqarganidan xabaringiz bormi?
Italiyalik futbolchi jamoaning asosiy tarkibiga kirgach, qisqa muddatda Diyego Lopesni asosiy tarkibdan siqib chiqardi va bugungi kunlarimizga qadar “Milan”ning eng ishonchli futbolchisi bo‘lib turibdi.
Yosh bo‘lishiga qaramay, kichik Jiji klub uchun 100 dan ortiq o‘yinda maydonga tushib bo‘ldi.
Himoyachilar
Ignazio Abate
Abate 8 yoshidan beri klub akademiyasida tarbiyalangan bo‘lsada, “Milan” afsonasiga aylana olmadi. Asosiy tarkibdan tushib qolishni boshlagach, “Milan” uni tez-tez ijara asosida turli Italiya klublariga yuborishni boshladi. “Empoli”, “Torino” singari jamoalarda ortirilgan tarjiba yakunda qo‘l keldi. Klub tepasiga Allegri kelgach, Abate to‘liq “Milan” futbolchisiga aylandi va 10 yil asosiy tarkibdan tushmadi. Bugungi kunda u futboldan bir mavsum dam olishga qaror qilgan. Yangi mavsumda biror bir klubda ko‘rinish bersa, hayron qolmang.
Mattiya De Shilyo
2002-yilda klub akademiyasiga qabul qilingan futbolchi o‘z vaqtida sayyoramizning eng iqtidorli futbolchilaridan biri edi.
“Rossoneri” u bilan 2011-yilda ilk professional shartnoma imzolgan bo‘lsada, oradan bir yil o‘tibgina Mattiya asosiy jamoaga yorib kirdi. Qisqa muddat ichida 100 dan ortiquchrashuv o‘tkazdi va 2015-yilda “Yuventus”ga sotib yuborildi.
Matteo Darmian
Matteo Milandan uzoq bo‘lmagan shaharchada tavvalud topgani uchun klub muxlisi sifatida ulg‘aydi. Yoshligi klub akademiyasida o‘tganiga qaramay, atigi 4 bor “Milan” futbolkasini kiydi.
Unga mashhurlikni “Torino” jamoasidagi o‘yinlari olib berdi. Klub bilan sovrin yutmagan bo‘lsada, Italiya terma jamoasidan chaqiruv oldi va grandlar e’tiboriga tushdi. 2015-yilda “Manchester Yunayted” bilan shartnoma imzolagan bo‘lsada, APLda o‘zini ko‘rsata olmadi. Bugungi kunda “Parma” sharafini himoya qilmoqda.
Matteo Gabbiya
Gabbiya “Milan” akademiyasining barcha yosh toifasida mashg‘ulot o‘tkazgan bo‘lsada, klub unga ishonch bildirmadi va ijaraga qo‘yib yubordi. Tajriba to‘plagach, yana ortga qaytardi. Ayni damda, Gabbiya “Milan”ning asosiy tarkibi uchun kurash olib bormoqda.
Yarim himoyachilar.
David Kalabriya
David Breshiada tug‘ulganiga qaramay, “Milan” muxlisi bo‘lib ulg‘aydi.
Universalligi bois, to‘p tepayotgan qanotini bir o‘zi yopishga qodir. U ayni damda “Milan”ning eng kuchli qurollaridan biri bo‘lib turibdi.
Manuyel Lokatteli
Lokatelli 2016-yilda “Milan” safida debyut uchrashuvini o‘tkazgan. Uning mehnatkashligi borasida Derk Kuyt ham “xijolat” bo‘lib qoladi. Afsuski, futbolda faqat mehnatkashlikning o‘zi kamlik qiladi.
“Milan” yarim himoyachini “Sassuola”ga ijara asosida jo‘natib yuborishdan boshqa chora topa olmadi. U asosiy tarkib uchun kurashda raqobatchilaridan ortda qoldi.
Aleksander Merkel
Merkel klub safida atigi 6 bor maydonga tushdi xolos. Asosiy jamoa uchun kurash olib bordi, biroq baribir uni ijaraga “Jenoa” klubiga jo‘natib yuborishdi. Bugungi kunda Gollandiya chempionatida “javlon urmoqda”.
Luka Antonelli
Luka akademiya tarbiyalanuvchisi bo‘lishiga qaramay, unga imkon berishmadi. Atigi bitta kubokbahsidagi o‘yin bilan Luka Milanni tark etdi.
“Jenoa”dagi ishonchli o‘yinlari sababli uni yana ortga qaytarishdi. Antonelli 3 mavsum davomida “qizil-qoralar” sharafini himoya qilgach, “Empoli”ga ravona bo‘ldi.
Hujumchilar
Pyer-Emerik Obameyang
“Milan”ga kechroq kelganiga qaramay, Obameyang klub yoshlari safida ishonchli o‘yin namoyish etishga muvaffaq bo‘ldi. Afsuski, asosiy jamoada unga imkon berilmadi. Murabbiylar tezkor hujumchi Italiya “A Seriya”sida katta naf bermaydi deb hisoblashdi va uni qo‘ldan chiqarib yuborishdi.
Patrik Kutrone
Patrik 8 yoshida klub akademiyasiga qabul qilinadi. Asosiy jamoaga qadar ko‘tarilgan forvard o‘zining ilk professional mavsumida jamoa to‘purariga aylanadi. Afsuski, erta kelgan mashhurlikni ko‘tara olmagan Kutronening o‘yinida keskin pasayish kuzatiladi. Oqibatda, “Milan” uni “Vulverxempton”ga o‘tib ketishiga qarshilik qilmaydi. Achinarlisi shundaki, Patrik APLda o‘zini ko‘rsata olmadi. Ayni damda ijara asosida “Fiorentina” sharafini “qo‘ldan kelgancha” himoya qilmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
