Londonning “Arsenal” jamoasi yetakchisi Pyer Emerik Obomeyang har bir professional futbolchi singari YECHLda zafar quchishni orzu qilmoqda. Afsuski, “Borossiya”da ham, “Arsenal”da ham bu orzuni amalga oshirishning iloji bo‘lmadi. Shunga qaramay, gabonlik futbolchining oilasida ushbu sovrinni yutgan futbolchi mavjud. Bugun shu mavzuga qisqacha to‘xtalib o‘tamiz.
Obomeyanglar oilasi
Pyer Emerik Obomeyang Parij yaqinidagi kichik shaharchada gabonlik muxojirlar oilasida tavallud topadi. Futbolchining dadasi ham sobiq charm to‘p ustasi. Bundan tashqari, Pyerning yana ikkita akasi bor va ular ham sobiq futbolchilar. Uilam-Fils va Katalin Obomeyanglar ham o‘z vaqtida nomdor klublar sharafini himoya qilishgan. Aka-ukalarning barchasi “Milan” akademiyasi tarbiyalanuvchilari sanaladi. Gap shundaki, ularning dadasi butsalarini mixga ilgach, “rossonerilar”ning skauti sifatida faoliyat olib borgan. Shu sababli, bolalari “Milan” akademiyasidagi barcha yosh toifasidagi bolalar jamoasida to‘p surgan. Pyerning Emerikning akalaridan biri Andrey Shevchenko bilan jamoadosh bo‘lgan va YECHLda zafar quchgan.
Uilam-Fils Obomeyang
Uilams-Fils bugungi kunda 33 yoshni qarshi olgan. U oilada o‘rtancha farzand. Qahramonimiz 2016-yilda butsalarini mixga ilgach, aytarli bir yumush bilan shug‘ullanayotgani yo‘q.
O‘rtancha o‘gil 2005-yilda “Milan”ning yoshlar jamoasida ko‘rinish beradi. Pozitsiyasi o‘ng qanot himoyachisi bo‘lgani bois, klub yosh futbolchiga atigi bir bor maydonga tushishi uchun imkon beradi. Kubog uchrashuvida “Kataniya”ga qarshi o‘yinda debyut qilgan Uilamning jamoasi mag‘lub bo‘ladi. Murabbiy esa, futbolchidan umidi uzadi va uni ijaraga jo‘natib yuboradi. Keyin “Avelino”, “Mons”, “Eypen” singari klublarda top tepdi va 2011-yilda erkin agent sifatida Shotlandiyaning “Klimanrok” jamoasi bilan shartnoma imzoladi. E’tiborlisi shundaki, qahramonimiz 6 ta o‘yinda Gabon milliy jamoasi sharafini himoya qilgan.
Katalin Obomeyang
Ushbu maqolamizning asosiy qahramoni bilan tanishing. U Obomeyanglarning kattasi. Katalin Yevropaga ko‘chib kelganida 1 yoshda edi. Katalin professional futbolchilikni “Redjina” safida boshlagan chap qanot himoyachisi 2000-yilda “Milan” a’zosiga aylanadi. Tan olish lozim, Katalin juda ko‘p klublar sharafini himoya qilgan va ularning 80 foizi haqida siz eshitmagansiz. Shunga qaramay, u qo‘lga kiritgan sovrinlar borasida istalgan yulduz futbolchi bilan bahslashishi mumkin. Italiya Kubogi va YECHL sovrini so‘zimizga isbot bo‘la oladi. Katalin naqd 6 yil davomida “rossonerilar” sharafini himoya qildi. O‘zining debyut uchrashuvini 2001-yilda UEFA kubogi doirasida BATEga qarshi o‘tkazadi. 2002/03-yilgi mavsumda YECHL doirasida “Deportivo”ga qarshi uchrashuvda 5 daqiqa to‘p surgani bois, yakunda UEFA unga ham oltin medalni taqdim etadi. “Milan” YECHL finalida Turinning “Yuventus” jamoasini penaltilar seriyasida mag‘lub etgani ko‘pchilikning yodidan ko‘tarilmagan bo‘lsa, ajab emas. O‘sha final uchrashuvidan 14 yil o‘tib, Katalin butsalarini mixga ilganini rasman e’lon qildi. Bugungi kunda u ukasi bilan Londonda istiqomat qilmoqda.
To‘g‘rirog‘i, Obomeyanglar oilasi to‘liq xolda Londonda istiqomat qiladi. Uch aka-uka o‘rtasidagi aloqalar juda yaxshi. Ularning ijtimoiy tarmoqlardagi birga tushgan suratlarini tez-tez uchratishingiz bejiz emas.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
