O‘zbekiston Respublikasi Prezidentining 2019 yil 4 dekabrdagi PF-5887-sonli “O‘zbekistonda futbolni rivojlantirishni mutlaqo yangi bosqichga olib chiqish chora-tadbirlari to‘g‘risida”gi farmoni ijrosini amalda bajarilishini monitoring qilish hamda Vazirlar Mahkamasining 2020 yil 22 maydagi 311-sonli “Hududiy futbol assosiasiyalari faoliyatini yanada qo‘llab-quvvatlash chora-tadbirlari to‘g‘risida”gi qarori ijrosini ta’minlash va mavjud kamchiliklarni aniqlash hamda bartaraf etish, sportning futbol turini yurtimizda yuqori bosqichga olib chiqish maqsadida, bugun O‘zbekiston futbol assosiasiyasining Baxtiyor Shirinov, Ma’mur Saidqosimov va Ma’mur Sultanovlardan iborat ishchi guruhi Namangan viloyatiga tashrif buyurdi.
Tashrifning dastlabki qismida Namangan shahridagi “Markaziy” o‘yingohning anjumanlar zalida viloyatdagi tuman va shaharlardagi futbol maktablari murabbiylari ishtirokida yig‘ilish o‘tkazildi.
Unda Namangan viloyat futbol assosiasiyasi birinchi vise-prezidenti Shuhrat Mirxoldirshayev hamda O‘FA vakillari ham ishtirok etishdi.
Yig‘ilishda hozirgi kunda hududlarda futbolni rivojlantirish borasida amalga oshirilayotgan ishlar xususida so‘z yuritildi.
Murabbiylarga ayni paytda yaratilgan qulay imkoniyatdan foydalangan holda, o‘z ustilarida ishlash ta’kidlanib, Namangan iqtidorli futbolchilarga boy viloyat ekanligi, bir paytlari viloyatimizdan O‘zbekiston milliy terma jamoasi yetakchilari bo‘lgan Anvar Soliyev, Xayrulla Karimov, shuningdek, o‘zbek futbolida munosib iz qoldirgan mahoratli hujumchi, 2 marta milliy chempionatimiz to‘purari bo‘lgan, ayni paytda NFA birinchi vise-prezidenti sifatida faoliyat yuritayotgan Shuhrat Mirxoldirshoyevlar yetishib chiqqanligi, milliy termamizning ayni paytdagi sardori Odil Ahmedov ham Namangan farzandi ekanligi, kelajakda shunday futbolchilar yetishib chiqishi uchun tinimsiz mehnat qilishlari lozimligi uqtirildi.
Shuningdek, O‘FA tomonidan faollik ko‘rsatgan murabbiylar yil yakunlariga ko‘ra, rag‘batlantirishlari e’tirof etildi.
Yig‘ilish so‘nggida joylarda faoliyat yuritayotgan murabbiylarni qanday muammolar qiynayotganligi va mavjud kamchiliklar haqida ma’lumotlar o‘rganilib, kelgusida bu kabi kamchiliklarni bartaraf etish borasida ish olib borilishi ma’lum qilindi.
Namangan viloyatida faoliyat yuritayotgan hamda o‘tgan vaqt davomida faollik ko‘rsatgan besh nafar murabbiyga O‘zbekiston futbol assosiasiyasining tashakkurnomasi va mashg‘ulotlar o‘tkazish uchun kerak bo‘ladigan inventarlar sovg‘a qilindi.
Tashrifning ikkinchi qismida ishchi guruh a’zolari “Pahlavon” sport majmuasida Namangan viloyat futbol assosiasiyasi uchun ajratilgan binoda amalga oshirilayotgan ta’mirlash ishlari bilan tanishishdi.
Shundan so‘ng, O‘FA delegasiyasi vakillari Chortoq tumanidagi “Markaziy” futbol maktabi tarbiyalanuvchilarining mashg‘ulotlar jarayonini tomosha qilishdi.
Mashg‘ulotlar yakunlangach, O‘FA xodimlari yosh futbolchilar bilan suhbatlashib, ularning orzulari bilan qiziqishdi.
Viloyatimizga amalga oshirilgan tashrif so‘nggida ishchi guruh a’zolari Namangan viloyat mahorat maktabiga qarashli sport inshootlarini ko‘zdan kechirib, tez orada foydalanishga topshiriladigan mahorat maktabida amalga oshirilgan ishlarga yuqori baho berishdi.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
