O‘zbekiston chempionatining 9-turi doirasida jadvalning yuqori pog‘onalarida borayotgan "Paxtakor" va AGMK klublari to‘qnash kelishdi.
Toshkentliklar o‘yinni faol boshlab, dastlabki yarim soat ichida bir nechta xavfli vaziyatlar yaratishdi, ammo Arveladze shogirdlari ulardan foydalana olishmadi. Jumladan, Farrux Sayfiyev yakkama-yakka vaziyatda yaqin masofadan darvoza tomon aniq zarba bera olmadi.
Hisobni ochish esa olmaliqliklarga nasib etdi. Qanotdan yetkazilgan uzatmani Arslonmurod Amonov bosh bilan darvozaga joylab qo‘ydi.
AGMK tanaffusga 2ta to‘p farqi bilan chiqib ketishi mumkin edi. Mirjamol Qosimovning uzatmasidan keyin Hojimat Erkinov posbon bilan yakkama-yakka vaziyatga chiqib ketib, Eldorbek Suyunovni dog‘da qoldira olmadi.
Shunga qaramay, ikkinchi bo‘limning dastlabki daqiqalari Qosimov shogirdlari uchun omadli keldi. Referi "Paxtakor" darvozasi tomon penalti belgiladi va uni Yovan Jokich aniq amalga oshirib, hisobni 0:2 ko‘rinishiga keltirdi.
Ikkinchi taym o‘rtasiga kelib AGMK futbolchilari bo‘shashishdi. Bundan foydalangan paxtakorchilar ikki daqiqa ichida ikkita gol urib, hisobni tenglashtirib qo‘yishdi.
Qolgan daqiqalarda jamoalar bir nechta hujum qilishganiga qaramay, o‘yinda hisob boshqa o‘zgarmadi — 2:2.
Ushbu natijadan keyin "Paxtakor"ning ochkolari 22, AGMKniki esa 21taga yetdi.
Superliga, 9-tur.
13 iyul, dushanba.
"Paxtakor" – AGMK - 2:2 (0:1)
Gollar: Sergeev 72, Hamdamov 73 - Amanov 33, Jokich 53.
"Paxtakor" (4-2-3-1) - 25.Eldorbek Suyunov - 3.Xojiakbar Alijonov (Akrom Komilov 89), 5.Anzur Ismoilov, 15.Egor Krimes, 34.Farruh Sayfiyev - 20.Odil Hamrobekov, 27.Sardor Sobirxo‘jayev (Abror Ismoilov 46)- 17.Doston Hamdamov (Javohir Sidiqov 89), 10.Dragan Cheran, 9.Jaloliddin Masharipov - 77.Eren Derdiyok (Igor Sergeev 60)
AGMK (4-2-3-1) - 32.Suhrob Sultonov - 20.Mirg‘iyos Sulaymonov (Akmal Shorahmedov 46), 3.Sardor Rahmonov, 88.Igor Zonich, 11.Murod Toshmatov - 4.Mirjamol Qosimov (Erkin Baydullayev 46), 23.Yovan Jokich - 77.Arslonmirat Amanov (Saydullo Raxmatov 80), 18.Bahrom Abdurahimov (Shahzod Nurmatov 56), 8.Hojimat Erkinov - 21.Mate Vatsadze (Zafar Polvonov 67)
Hakamlar: Sherzod Qosimov, Alisher Usmonov, Sanjar Shoyusupov, Abdurashid Xudoyberganov.
Nazoratchi: Vladislav Seytlin
Komissar: Shohruh Said
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
