Toshkent viloyati jamoalari derbisi eng murosasiz o‘tadigan o‘yinlardan hisoblanadi. Bu jamoalar 2008 yildan buyon 25 ta o‘zaro uchrashuv o‘tkazishgan bo‘lishsa, shulardan faqat 3 tasida durang natija qayd etilganligi fikrimiz dalilidir. Tomonlar esa 11 tadan o‘yinda zafar quchishgan. Kiritilgan va o‘tkazib yuborilgan to‘plar nisbati 47:46, olmaliqliklar bitta to‘p farqi bilan oldinda borishmoqda.
Mazkur jamoalarning birinchi davra – Olmaliq shahrida kechgan o‘yinida tomonlar bir martadan muvaffaqiyat qozonishib, durangga imzo chekishgandi. O‘yinning 9-daqiqasida Mate Vatsadze hisobni ochgan bo‘lsa, 28-daqiqada Abrorbek Toshqo‘ziyev hisobni tenglashtirgandi. Bu natija esa o‘yin oxirigacha o‘zgarmasdan qolgandi.
Endi ushbu jamoalarning Bekobodda kechgan o‘yinlari tarixiga to‘xtalsak: Toshkent viloyatining eng shimoliy shahrida bu jamoalar 12 marta to‘qnash kelishgan. Ularning 9 tasida mezbonlar g‘alaba qozonishgan. 1 ta o‘yinda mehmonlarning qo‘li baland kelgan bo‘lsa, yana bitta uchrashuvda kuchlar teng kelgan.
Quyida Bekobodda bo‘lib o‘tgan barcha uchrashuvlar natijalari bilan tanishing:
13.11.2008 Metallurg – OTMK – 1:1
05.11.2009 Metallurg – Olmaliq – 3:2
24.04.2010 Metallurg – Olmaliq – 1:0
09.09.2011 Metallurg – Olmaliq – 4:3
04.09.2012 Metallurg – Olmaliq – 4:3
31.05.2013 Metallurg – Olmaliq – 2:1
03.08.2014 Metallurg – Olmaliq – 3:2
21.10.2015 Metallurg – Olmaliq – 4:2
18.08.2016 Metallurg – Olmaliq – 4:2
26.10.2017 Metallurg – Olmaliq – 3:2
10.05.2018 Metallurg – Olmaliq – 0:1
27.07.2019 Metallurg – AGMK – 2:1
AGMK haqida
Toshkent viloyatining Olmaliq shahrida futbol o‘tgan asrning o‘rtalaridan rivojlana boshlagan. “Metallurg” futbol jamoasi 1966-88 yillar mobaynida sobiq Ittifoq chempionatining ikkinchi ligasida o‘ynagan. 2004 yildan OTMK nomi bilan mamlakat birinchiligida qatnashgan. 2008 yilda mazkur klub tarixida yangi burilish yasaldi. O‘zbekiston futbol federasiyasining qaroriga binoan jamoa oliy liga a’zosiga aylandi.
Shu yillar davomida konchilar kuchlilar safida 352 ta o‘yin o‘tkazishdi. Shulardan 127 tasini o‘z foydasiga hal etishgan bo‘lishsa, 75 uchrashuvda durang o‘ynagan, 150 ta o‘yinni imkoniyatni boy bergan. AGMK raqiblari darvozasiga 487 ta to‘p kiritgan holda o‘z darvozasidan 512 ta gol o‘tkazib yuborgan. AGMKning oliy ligadagi eng yirik hisobdagi g‘alabasi – 7:1 (“Qo‘qon 1912”, 2019), Eng yirik hisobdagi mag‘lubiyati esa – 0:5 (“Lokomotiv”, 2017).
Bu yilgi mavsumni AGMK tarixidagi eng muvaffaqiyatli boshlangan mavsum deyish mumkin. Superliga jamoalari orasida hali mag‘lubiyat nimaligini bilmay kelayotgan Mirjalol Qosimov shogirdlari birinchi davradan keyin ikkinchi o‘rinni egallab turishibdi.
PSJ
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
