Stadion.uz yakuniga yetgan hafta davomida sodir bo‘lgan diqqatga sazovor voqealarning raqamlar va statistikalarga bog‘liq jihatlarini e’tiboringizga havola etadi
Serxio Ramos (177)
O‘tgan safar aytib o‘tganimizdek, Serxio Ramos bundan buyog‘iga tez-tez bizning sahifalarimizdan o‘rin egallashi odatiy holga aylanib bormoqda. Bu albatta, tajriba bilan shakllanib kelayotgan jarayon. Bundan bir necha kun avval "qizil furiya" "Millatlar ligasi dlirasida "Shvesariya" bilan bahs olib borganidan xabaringiz bor. Uchrashuvda garchi Ramos gol urolmagan bo‘lsa-da, o‘zining nomini shu o‘yin bilan bog‘liq muhim sahifaga yozib qo‘ydi. Ya’ni, ispaniyalik himoyachi milliy terma jamoalar safida maydonga tushgan uchrashuvlari sonini 177 taga yetkazib qo‘yib, Yevropa qit’asi bo‘yicha bu borada mashhur kiper Buffonni ortda qoldirishga muvvaq bo‘ldi. Jahon miqyosida esa eng ko‘p o‘yin o‘tkazgan futbolchi Ahmad Hassan (184) ga yetib olish uchun Ramosda hali kuch ham vaqt ham yetarli.
Maykl Mifsud (143)
11noyabr kuni "Malta" o‘z maydonida "Lixnshteyn"ni qabul qilib yirik hisobda g‘alaba qozondi (3:0). Mezbonlar safida gollardan biriga Maykl Mifsud mualliflik qilgan. Goldan tashqari hujumchi uchun ushbu uchrashuv milliy terma jamoa safidagi umumiy 143-si hisoblanardi, shu bilan birga eng oxirgisi ham. Mifsud faoliyati davomida Malta tarkibida 20 yildan ko‘proq vaqt mobaynida muntazam to‘p tepib keldi va Buffon, Matteus singari afsonalar qatoridan joy oldi. Finishning chiroyli raqamlar bilan yakuniga yetgani butun jamoaning ruhiyatiga ijobiy ta’sir o‘tkazgan bo‘lsa ajab emas.
Kolumbiya (82)
Kolumbiyaning yaqin yillar oralig‘ida yig‘ib borgan tarkibi agar o‘z qit’alari miqyosida olib qaraydigan bo‘lsak, ancha havas qilarli darajada. "Yuve"da muntazam asosiy tarkib uchun kurashib borayotgan Kuadrado bo‘ladimi, yoki bo‘lmasa, joriy mavsumdan boshlab bir klubning asosiy liderlaridan biriga aylanib borayotgan Xamesni olamizmi, bir necha yillardan beri terma jamoa turli xil katta-kichik mundiallarda munosib ishtirok etib kelmoqda. Buning ustiga tarkibning ayni paytdagi darvozaboni ko‘p yillardan beri grand jamoada o‘ynab keladi. Terma jamoada hammasi bir maromda ketyapti ham aslida. Lekin Jahon chempionati-2022 saralash bosqichida bir necha kun avval "kofe yurti vakillari" "Urugvay bilan bahs olib borishdi hamda yirik hisobda mag‘lubiyatga uchrashdi (0:3). E’tiborga molik jihati, uchrashuv Barrankuillada o‘tkazilgan bo‘lib, Kolumbiya 82 yildan buyon hali o‘z maydonid hech bir terma jamoaga bundayin yirik hisobda imkoniyatni boy bermagan. Lekin tarkibdagi ba’zi yo‘qotishlarni hisobga olgan holda bu holatga normal baho berish ham mumkin.
Shotlandiya (23)
Shotlandiya yaxshi tizimli jamoa. Murabbiyi Stiv Klark ham ancha tajribali mutaxassis. Uning qo‘l ostida jamoa bir yil ichida yaxshigina o‘sishga erishdi. Lekin biz "Tortan armiyasi" ishtirokidagi o‘yinlarni deyarli ko‘rib o‘rganmaganmiz. Chunki shotlandlar qit’a chempionatining doimiy ishtirokchilaridan emas. Lekin yakuniga yetgan haftada o‘tkazilgan oxirgi saralash bosqichida Shotlandiya nihoyat eng nufuzli turnirga yo‘llanmani qo‘lga kiritdi. Ushbu hodisa ham naq 23 yil deganda birinchi marta sodir bo‘ldi. Isroilga qarshi kechgan dramatik bahsdagi penaltilar seriyada asosiy qahramon vazifasini shubhasiz, darvozabon David Marshal ishonchli bajarib berdi. Terma jamoa muxlislari noyabr sanasini endi hali beri unutishmasalar kerak.
Argentina (20)
Garchi Messining terma jamoada omadi unchalik chopmasa-da, umumiy tarkibning ayni paytdagi holatini salbiy darajada deb bo‘lmaydi. Har qalay "oq-ko‘k"lar uzoq davom etib kelayotgan mag‘lubiyatsiz seriyalarini ishonchli davom ettirib kelishmoqda. Paragvay bilan kechgan rasmiy uchrashuvda garchi o‘z maydonlarida ochko yo‘qotishgan bo‘lsalar-da, muxim seriyani buzib qo‘yishmadi. Argentinaning o‘yindagi yagona goliga esa Nikolas Gonsales mualliflik qildi. Bu gol zimdan qaraganda yulduzli tarkib harakat qilgan tarkibda biroz ahmiyatsizdek tuyulishi mumkin. Lekin statistik manbalarga ko‘ra aynan ushbu gol terma jamoaning 20 yildan beri burchak zarbalaridan bosh orqali yo‘llangan yagona aniq goli ham hisoblanadi. Bu pragnozni bo‘yi ancha past bo‘lgan argentinalik goleadorlarning jiddiy kamchiligi sifatida baholasak ham bo‘ladi. Muhimi, yosh Gonsales termadagi dastlabki o‘yinlaridan birida endi katta sahnaga chiqmoqda va shu o‘rinda o‘ziga xos muhim golni kiritganligi ham qiziq voqelik.
Jovani Reyna (3)
AQSH terma jamoasi tarixida Reynalar oilasi mavjud ekanligini ko‘pchilik ham bilavermaydi. Jamoaning bugungi kundagi tarkibida Jovani Reyna eng yosh vakillardan biri. U Uels bilan bo‘lib o‘tgan o‘rtoqlik bahsida debyut o‘yinini o‘tkazdi hamda terma jamoa tarixidan joy oldi - endi bitta oila vakillari ichidan terma jamoa libosini kiygan futbolchilar soni 3 taga yetdi. Bunaqasi hali futbol tarixida sodir bo‘lmagan. Bungacha Jovanining otasi Klaudio Reyna 1994 yildan 2004 yilgacha AQSH terma jamoasi sharafini himoya qilgan bo‘lib, bu yerda u 12 ta yirik sovrin yutishga erishgan. Qiziq tomoni, Jovanining oyisi ham bir paytlar futbolchi sifatida faoliyat olib borgan va "Yankilar" safida ancha-muncha uchrashuvlarda maydonga tushib ulgurgan. Jovanining qonida futbolchilarning toza qoni oqayotgan ekan, endi u har bir bellashuvda qo‘shimcha kuch va energiya bilan o‘ynashga majbur.
Shimoliy Makedoniya (1)
Yevropa chempionatiga yo‘llanmani qo‘lga kiritgan baxtli jamolar ro‘yxatida Shimoliy Makedoniya nomi ham bor. Terma jamoa saralashning hal qiluvchi bosqichida Gruziyani taslim etishga muvaffaq bo‘ldi. Makedonlar safidagi muhim golga Goran Pandev mualliflik qildi. Ta’kidlab o‘tish kerakki, ushbu shov-shuvli voqea terma jamoaning boshqa a’zolaridan ham ko‘ra ko‘proq Pandev uchun suyukli va qadrliroq. Chunki u Makedoniya safida debyut qilganidan beri hali biror marta ham qit’a miqyosidagi katta mundiallarni ko‘rmay o‘sdi, buni naq 20 yil kutishiga to‘g‘ri keldi. Makedonlar uchun so‘nggi yigirma yillikdagi ilk katta voqelikka asosiy qahramonning sababchi bo‘lishi ham senariyni yanada qiziqroq bo‘lishini ta’minlamoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
