1980 yillardagi futbolchilar o‘z imijlari haqida hozirgi avlod futbolchilari singari uzoq bosh qotirishmagan. Buning o‘rniga, ko‘proq tungi klub va barlarda vaqt o‘tkazishni afzal ko‘rishgan. Ushbu voqeani yoritish maqsadida, Tvitter sahifalaridan birida “80s Footballers Ageing Badly” (80 yillardagi futbolchilar juda yomon saqlangan) deb nomlangan akkaunt ochildi. Ayni damda, ushbu akkauntning kuzatuvchilari soni 50 mingdan ortib ketdi.
Qizig‘i shundaki, ushbu haftada ushbu akkaunt egasi obunachilari o‘rtasida qiziqarli musobaqa tashkil etdi. Unga ko‘ra, eng yomon saqlangan futbolchini aniqlash lozim edi. Musobaqada 128 ta futbolchining surati ishtirok etdi va finalda ikkitasi mutlaq g‘oliblik uchun kurash olib bordi. Ulardan biri 29 yoshli Nivaldo bo‘lsa, ikkinchisi 36 yoshli shotlandiyalik Erni Makgarr. Ular 80 yillarda o‘z jamoalarining asosiy futbolchilaridan biri bo‘lgan.
Ushbu akkaunt egasi Uinsonton Gallaxer bo‘lib, Angliyada istiqomat qiluvchi jurnalist ekanligi ma’lum bo‘ldi. U ayni damda, Oksfordda istiqomat qiladi.
Uning aytishicha, ushbu ishga qo‘l urishi uchun uni eski futbol kartochkalari sabab bo‘lgan. Qahramonimiz futbolchilarning suratlari tushirilgan kichik kartochkalarni yig‘ib yurgan va ular orqali o‘z bolaligini xotirlagan. Qahramonimiz o‘z kolleksiyasidagi futbolchilarga nazar solar ekan, ular avvallari juda katta yoshda ko‘ringanini sezib qoladi. Ayniqsa, 30 yoshdan so‘ng, ularni allaqachon tanib bo‘lmas ahvolga kelib qolgani qahramonimizning e’tiborini tortadi.
Darhaqiqat, ushbu kartochkalar Uinstonning gaplaridan jon bor ekanligidan dalolat bermoqda.
E’tiboringizga, musobaqani erta tark etgan futbolchilar suratlarini taqdim etamiz.
Avvaliga 3-o‘rin g‘olibini aniqlab olish uchun kurash juda avjiga chiqdi. Unda, 32 yoshli darvozabon Xyu Sproat va 31 yoshli Antonio Borges kurash olib bordi. Yakunda darvozabon Argentinalik futbolchidan ko‘proq ovoz to‘pladi va bronzo medallarga ega chiqdi.
Shu o‘rinda, «turnir»da ishtirok etgan boshqa futbolchilarning ham suratlarini e’tibordan chetda qoldirmaslik lozim.
31 yoshli «Sheffeld Yunayted» hujumchisi Alan Vudvord
31 yoshli uelslik futbolchi Terri Xennessi ham o‘zgacha ko‘rinish egasi bo‘lgani uchun obunachilar tomonidan uzoq muhokama qilindi.
Butun faoliyati davomida "A ceriya"klublarida to‘p surgan Vito Chimenti esa, 30 yoshidayoq professional futbolchiga o‘xshamay qolgan edi.
Yakunda, obunachilar qo‘shtirnoq ichidagi g‘olibni aniqlab olishdi. Unga ko‘ra, ushbu suratda 29 yoshda bo‘lgan braziliyalik Nivaldo birinchi o‘rinni egalladi. U naqd 127 ta raqibni ortda qoldirgan xolda birinchilikni hech kimga bergani yo‘q.
Qahramonimiz g‘olib sari juda og‘ir yo‘lni bosib o‘tdi, ammo birorta bosqichda mag‘lub bo‘lgani yo‘q.
Keling, endi ushbu suratdagi futbolchi haqida ma’lumot berib o‘tsak. U aslida Braziliyada tavallud topgan, ammo 1980 yilda Portugaliyaga ko‘chib keladi. Bu yerda, u 11 yil davomida mahalliy klublar safida to‘p tepadi. «Gimaraysh», «Benfika» singari grandlar safida ham faoliyat olib boradi. U maydonda tayanch yarim himoyachisi vazifasini bajarar, shu bois, kiritgan gollari soni ko‘p emas.
Ushbu surat u «Portimonense» safida harakat qilgan davrlarda olingan. U shu jamoa safida 4 yil yo‘p suradi. 109 ta o‘yin o‘tkazgach, uni jamoa sardori etib tayinlashadi. Ayni damda, u 62 yoshda va Portugaliyada istiqomat qilmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
