Ushbu ruknimizdagi eng so‘nggi yangiliklar bilan tanishtirishda davom etamiz.
Dani Argentinada
Braziliyaning «San Paulo» jamoasi himoyachisi Dani Alves tez orada jamoasini o‘zgartirishi mumkin.
«DonBalon» nashrining ma’lum qilishicha, braziliyalik futbolchi Argentinaning «Boka Xuniors» jamoasi bilan muzokaralar olib bormoqda.
Eslatib o‘tamiz, Alves «San Paulo» sharafini o‘tgan yilning yozidan beri himoya qilib kelmoqda.
Neymarning transfer summasi qancha?
Parijning PSJ jamoasi Neymar borasida yakuniy qarorga keldi. Goal nashrining ma’lum qilishicha, fransuzlar Neymarni to‘liq jamoada saqlab qolish niyatida.
Vaholanki, yangi shartnoma borasida muzokaralar boshlanmagan bo‘lsada, klub futbolchini tarkibda qolishiga ishonmoqda.
Manbaning ma’lum qilishicha, agar Neymar yangi shartnoma imzolashdan bosh tortsa, jamoa futbolchini 100-150- million yevro atrofida sotib yuborishga majbur bo‘ladi.
«Roma»ga himoyachi Kerak
Rimning «Roma» klubi «Real Madrid» himoyachisi Nacho Fernandes bilan shartnoma imzolash fikridan qaytgani yo‘q.
«Goal» nashrining ma’lum qilishicha, «bo‘rilar» yozda «Real» futbolchisiga aloqaga chiqishgan, biroq Madrid klubi bu taklifdan voz kechgan edi.
Manbaning ma’lum qilishicha, Rim klubi qishda o‘zining asosiy nishoni sifatida aynan Nachoni tanlab olgan.
«Barsa» himoyachi izlamoqda
Kataloniyaning «Barselona» jamoasi qishda markaziy himoyachi olmoqchi ekanligidan xabaringiz bor.
Ispan nashrlarining ma’lum qilishicha, klub nishonida "Ayaks"ning 22 yoshli markaziy himoyachisi Lisandro Martines turibdi.
Kataloniya klubi himoyachini qo‘lga kiritish maqsadida 15 million yevro taklif qilmoqchi. Transfermarket portali esa, Lisandroni 20 million yevroga baholamoqda.
«Yuventus»ga Pogba kerak
"Calciomercato« nashrining ma’lum qilishicha, Turin super klubi »Manchester Yunayted" yarim himoyachisini qo‘lga kiritish borasida kombinasiya o‘ylab topdi.
Unga ko‘ra, «Yuventus» Pogbani sotib olish sharti bilan bir mavsumga ijaraga oladi. Shu bois, «zebralar» qishki va yozgi transfer oynasida bir nechta keraksiz yarim himoyachilardan qutulishi lozim. Katta ehtimol bilan, yozda «Yuve» o‘z futbolchilaridan bir nechtasini sotuvga qo‘yadi.
Eslatib o‘tamiz, Pol Pogbaning o‘zi boshqa jamoaga o‘tish niyatida ekanligini rasman e’lon qilib bo‘ldi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
