Lionel Messi - bu futbol dahosi. U eskirgani sari yaxshilanib boradigan sharobga qiyos qilinadi. Argentinalik futbolchi o‘nlab individual va jamoaviy sovrinlarni yutgan va faoliyati davomida ko‘plab rekordlarni yangilagan.
Leo hozir 33 yoshda, ammo shunga qaramay, u hali ham dunyoning eng mashhur va nufuzi baland sportchilari qatoridagi yuqori o‘rinlardan birini egallaydi. Nechadir yillar o‘tadi ammo “millionlar o‘yini“ shaydolari uning ajabtovur harakatlarini eslab, zavqqa to‘lishadi.
Keling bu safar juda ham ko‘p va xo‘p gapirilgan Messining Kataloniyanini tark etishiyu, qaysi jamoa libosini kiyishi mumkinligi haqida emas, Messi deganda Oddiy futbol muxlisining xayoliga eng birinchi keladigan fikrlar, holatlar va voqeyliklar haqida qisqa suhbat quramiz.
Messi yaqinda afsonaviy braziliyalik Pelening bir klub safida eng ko‘p gol urish bo‘yicha rekordini (Pele 643 “Santos“da)yangiladi. Ayni paytda, argentinalik futbolchi hisobida
“Barselona“ tarkibida kiritilgan 655 ta gol mavjud. Quyida, ushbu ajoyib futbolchining karyerasini o‘nta fotosuratda namoyon qilishga harakat qilamiz.
Messi 1987 yilda Argentinaning Rosario shahrida tug‘ilgan. Otasi po‘lat fabrikasida ishlagan, onasi esa farrosh edi. Besh yoshida Leo otasi murabbiyligidagi “Grandoli“ havaskor jamoasi bilan futbol o‘ynashni boshlaydi. Uch yildan so‘ng esa u “Nyuells Old Boyz“ akademiyasiga ko‘chib o‘tadi.
O‘sha pallada, 13 yoshli iqtidor egasini "Barselona" skautlari payqab qolishdi. Leo Kataloniyaliklarning yoshlar jamoasidagi debyut uchrashuvida poker qayd etdi. Murabbiylar argentinalik futbolchining iste’dodiga qoyil qolishdi va u tez orada "La Masia" tarkibidagi eng muhim o‘yinchilardan biriga aylandi.
17 yoshida Leo “blaugranas“ning asosiy tarkibidan joy oldi. Uning debyuti “Espanyol“ga qarshi Kataloniya derbisida amalga oshidi. Buni qarangki, yosh futbolchi taniqli va tajribali yarim himoyachi Dekuni almashtirdi.
Bir yil o‘tib, kichik Messi kichik shaxsiy yutuq, "Golden Boy" individual sovrinini qo‘lga kiritdi. Ha, bu Yevropaning eng iqtidorli yosh futbolchisi e’tirofi edi. Ovoz berish jarayonida Messi kimsan Ueyn Runi va Lukas Podolskilarni ortda qoldirdi.
2007 yil, mart oyida Messi faoliyatidagi ilk xet-trikini qayd etdi. Tasodifni qarangki, bu hodisa “El-klassiko“ga to‘g‘ri keldi. O‘sha uchrashuv davomida “Barsa“ hisobda uch marta ortda qoldi, ammo Leo har safar o‘z jamoasini mag‘lubiyatdan qutqarib qoldi. “Kamp Nou“ dagi 3:3dan so‘ng Messining hissiyotlariga siz ham sherik bo‘ling:
2008 yil, yozida Messi Olimpiya o‘yinlari o‘tkazilgan Pekinga yo‘l oldi. Argentina terma jamoasi tarkibida u musobaqaning oltin medaliga sazovor bo‘ldi.
Bir yil o‘tib Leo “Barsa“ bilan Chempionlar Ligasida g‘alaba qozonib, klub miqiyosidagi yana bir yutuqni tantana qildi. O‘sha yilgi, Messi gol kiritgan YECHL finalida ser Aleks Fergyuson boshchiligidagi “Manchester Yunayted“ “ko‘k-anarranglilar“ga bas kela olmagan edi. Darvoqe, ushbu uchrashuv Messi xamda Ronaldu o‘rtasidagi azaliy to‘qnashuvning debochasi sifatida ham esda qolgan.
Yosh hujumchining faoliyati tez sur’atlarda rivojlandi va 2009 yil dekabrda, 22 yoshida u o‘zining birinchi “Oltin to‘p“iga ega chiqdi.
2014 yilda Argentina terma jamoasi Braziliyada bo‘lib o‘tgan Jahon Chempionatining finaliga qadar yetib bordi. Biroq, afsuski bu turnir Leo uchun yaxshi xotima bo‘lmadi. O‘shanda Argentina Germaniyaga minimal, 0:1 hisobida yutqazdi. O‘yindan so‘ng esa Messi JCHning kumush medalini bo‘yniga ilgisi kelmadi.
Leo gollari bilan ko‘plab jamoalarni bilan xafa qildi, ammo Messining sehrli onlari eng ko‘p "Real"ga qarshi o‘yinlarda ko‘zga ko‘rinar edi. 2017 yil aprel oyida argentinalik Kataloniya klubi uchun 500-golini urdi. Gol urganidan so‘ng hujumchi futbolkasini echib, undagi o‘z nomini butun stadionga ko‘rsatdi. Bu go‘yoki o‘rmondagi sherning qirol kim ekanligiga ishora qilgandagi hayqirig‘iga o‘xshar edi.
Ushbu fotosuratda esa Messining barcha buyukligi aks etgan, desak mubolag‘a bo‘lmas. Oltita “Oltin to‘p“ - bu deyarli hech bosib o‘ta olmaydigan dovon, takrorlab bo‘lmas mutlaq rekorddir, balki?
Leo fenomenal futbolchi deb bahslashishdan foyda yo‘q. Messiga bo‘lgan zar qanday shaxsiy munosabatdan qat’i nazar, biz ushbu buyuk argentinalikning o‘yinini shaxsan kuzatayotganimizdan xursand bo‘lishimiz va shunchaki zavqlanishimiz kerak.
Xorazm
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
