Superliganing 1-tur uchrashuvi AGMK - "Lokomotiv" qarama-qarshiligiga bag‘ishlangan o‘yinoldi prevyuni taqdim etamiz.
Joriy yildan e’tiboran "Lokomotiv" jamoasi ruliga portugaliyalik mutaxassis Mikael Sikeyra keldi. Tarkib ham tubdan o‘zgardi va yaxshi ijrochilar taklif etildi.
Xususan darvozabon Abdumavlon Abdulajalilov, himoyachilar Xurshid Muxtorov, Islom Qobilov, ispaniyalik Bardanka, yarim himoyachilar Sanjar Qodirqulov, Islom Rashidxonov, Javohir Sidiqov keldi. Jamoaga Sadriddin Abdullayev ham ma’lum tanaffusdan keyin qaytarildi.
Mirjalol Qosimov boshqaruvidagi jamoamiz ham seleksiya ishlarini faol tarzda olib bordi va tarkibni yanada shakllantirishga hamda yoshartirishga erishdi.
Jamoaga darvozabon Botirali Ergashev, himoyachilar Abbos Otaxonov, Akrom Komilov, Dilshod Ahmadaliyev, yarim himoyachilar Vladimir Kozak, Shohruh Gadoyev, Sanjar Shoahmedov, gollandiyalik hujumkor vinger Elvin Fortes va ukrainalik hujumchi Aleksandr Kasyan kelib qo‘shildi.
Har ikkala jamoa yangi mavsumga tayyorgarlikning ilk qismini Toshkentda o‘tkazdi va taraddudning hal qiluvchi bosqichini Turkiyaning Antaliya shahrida ikki haftalik yig‘in bilan yakunladi.
O‘zaro o‘yinlar statistikasiga ko‘ra, o‘tkazilgan jami 27 o‘yinda "Lokomotiv" 17 g‘alabani tantana qilgan, AGMK esa 6 marotaba "temiryo‘lchilar"dan ustun kelgan. Qolgan 4 bellashuvda g‘olib nomi aniqlanmagan. To‘plar nisbati: 52-33, "Lokomotiv" foydasiga.
AGMK 2008 yildan e’tiboran mamlakat birinchiligida ishtirok etib kelmoqda. Jamoamiz O‘zbekiston chempionatlari doirasida o‘tkazilgan jami 364 o‘yinda 132 g‘alaba, 77 durang va 155 mag‘lubiyat qayd etgan. AGMK jamoasining milliy chempionatdagi kiritgan to‘plari soni 503taga yetgan. AGMK jamoasi tarixidagi eng yaxshi to‘purar futbolchi Zafar Polvonov sanaladi. Polvonov jamoamiz libosida 164 o‘yinda maydonga tushib, raqiblari darvozasiga 56 marotaba yo‘l topgan.
Superliga, 1-tur.
9 mart, seshanba
AGMK — «Lokomotiv» (18:30)
OKMK sport majmuasi.
Hakamlar: Shavkat Nasibullayev, Rasul Fozilov, Maksim Nexochin, G‘ayrat Jo‘rayev
Nazoratchi: Oleg Dachev
Komissar: Alisher Fayziyev
Shavkat Nasibullayev uchinchi marotaba jamoamiz ishtirokida uchrashuvda bosh hakamlik qiladi. Bunga qadar Nasibullayev boshqargan Liga kubogi doirasidagi «Bunyodkor»ga qarshi bahsda AGMK g‘alaba qozongan bo‘lsa, chempionat doirasidagi «Metallurg» bilan bo‘lgan o‘yinda bekobodliklar g‘alaba qozongan. Demak Nasibullayev boshqargan uchrashuvlarda AGMK 1 g‘alaba va 1 mag‘lubiyat qayd etgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
