APL doirasidagi 2-tur markaziy uchrashuvi «Arsenal» va «Chelsi» klublari o‘rtasida kechadi.
Mazkur bahs oldidan o‘yinga aloqador qiziqarli ma’lumotlarni taqdim etamiz.
Bilasizmi?
«Arsenal» 2004 yil fevral oyidan beri ilk bor ketma-ket 3 chempionat o‘yinida «Chelsi» ustidan zafar quchishi mumkin.
«To‘pchilar» yakshanba kuni o‘tkazilgan «Chelsi»ga qarshi oxirgi 10 APL o‘yinida g‘alaba qozona olishmagan (2 durang, 8 mag‘lubiyat). So‘nggi bor «qizillar» aynan shu hafta kunida 2008 yilning noyabr oyida o‘tkazilgan "Stemford Bridj"dagi bellashuvda uch ochkoni qo‘lga kiritishgan edi — 2:1.
O‘z navbatida «aristokratlar» «Emireyts»da o‘tkazilgan oxirgi 4 Premyer-Liga uchrashuvining barchasida g‘alaba qozonishgan. Jamoa 2005 yilning boshidan 2006 yilning boshiga qadar 1 yil davomida «Arsenal» bilan 5 marotaba kuch sinashgan va hammasida g‘alaba qozonishni uddasidan chiqishgan edi. O‘sha davrda «Chelsi»ni hozirda «Roma» va Eldor Shomurodovning ustoziga aylangan Joze Mourinyo boshqarar edi.
«Chelsi» darvozaboni Eduar Mendi yanvar oyida klub boshqaruviga kelganidan beri Premyer-Ligada barcha darvozabondan ko‘p quruq o‘yin (10) o‘tkazgan.
Bahs rasmiylari
Bosh hakam: Pol Tirni
Qanot hakamlari: Konstantin Hatzidakis, Nil Devis
Zaxira hakami: Devid Kyut
VAR: Kris Kavenag
VAR yordamchisi: Shon Messi-Ellis.
Taxminiy tarkiblar
Arsenal — Leno, Soaresh, Uayt, Holding, Mari, Tirni, Jaka, Lokonga, Saka, Rou, Pepe
Chelsi — Mendi, Aspilikueta, Chaloba, Ryudiger, Kristensen, Alonso, Jorjinyo, Kante, Haverts, Maunt, Lukaku
Yo‘qotishlar
Arsenal safida jarohati bois maydonga tusha olmaydigan futbolchilar uchta: Tomas Parti, Eddi Nketiya, Gabriyel Magalyayesh. Obameyang va Edegor uchrashuvga tayyor emas bo‘lsa, Runarsson, Lyakazett hamda Villian boshqa sabablarga ko‘ra mazkur o‘yinni o‘tkazib yuborishadi.
Hakim Ziyesh jarohatini davolash bilan band. Loftus-CHik (ma’lum emas) va Kristian Pulishich (koronavirus) esa boshqa sababga ko‘ra «Chelsi»ga bugungi o‘yinda yordam bera olishmaydi.
Raqamlar
«Arsenal»ning «Chelsi»ga qarshi oxirgi 4 uy uchrashuvida barcha musobaqalarda 2,5 va undan ortiq gol kiritilmoqda.
Premyer-Liga doirasidagi «Chelsi»ning oxirgi 3 o‘yinida ham o‘rtacha har bir bahsda 2,5 va undan ko‘p gol urilgan.
Jamoalarning oxirgi o‘zaro uchrashuvi joriy yilning 12 may kuni "Stemford Bridj" o‘yingohida o‘tkazilgan va unda «to‘pchilar» g‘alaba (1:0) qozonishgan.
Mazkur ikki London klublari o‘zaro 58 bor to‘qnash kelishgan. 22 marotaba «Arsenal» g‘alaba qozongan, 19 bor «Chelsi» zafar quchgan va 17 uchrashuvda murosa yo‘li tanlangan.
Eslatib o‘tamiz, «Arsenal» va «Chelsi» uchrashuvi Toshkent vaqti bilan bugun soat 20:30 da boshlanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
