Jahon chempionati-2022 saralashi doirasida Angliya terma jamoasi San-Marino maydoniga safar qildi. Bahsda inglizlar raqiblar darvozasiga javobsiz 10 ta to‘p kiritishdi. Uchrashuvda Xarri Keyn poker qayd etganini qayd etish kerak.
Mazkur bahs yakuniga yetganidan keyin Angliya terma jamoasi sardori hamda bosh murabbiyi o‘z fikrlarini bildirib o‘tishdi.
Angliya terma jamoasi hujumchisi Harri Keyn: "Fantastik o‘yin. Bugun bizning g‘alaba qozonishimizni kutishgandi, ammo biz juda yaxshi ishni amalga oshirdik. Saralashdan o‘tish oson emas. O‘yinlarda g‘alaba qozonganimizda, odamlar raqibni esdan chiqarib yuborishadi. Bu og‘ir jang edi, shundan o‘tib olish ajoyib hissiyot beradi".
Keyn Angliya terma jamoasida buun poker qayd etib, faoliyati davomida terma jamoa safida 48-golini urdi hamda Garri Linekerning natijasini takrorladi: "Angliya terma jamoasi libosini kiyganimda har vaqt faxrlanaman. Xalqaro gollarni urganimda, bu faoliyatimdagi eng zo‘r hissiyotlarni tuyaman".
Keyn hamyurti Emil Smit Rou haqida ham to‘xtalib o‘tdi: "Shu paytgacha mavsumni ajoyib o‘tkazdi va bugungi bahsda maydonga tushishi va gol urgani yoqimli. Aminmanki, unda barcha sifatlar mavjud. U boshini pastga tushirgan holda shunday qattiq ishlashda davom etishi lozim va ishonchim komilki, uni buyuk kelajak kutmoqda".
"O‘yinimizni yaxshilayapmiz deb his qilyapman. Vaqtdan unumli foydalanishimiz kerak, chunki keyingi musobaqaga qadar oz vaqt qoldi. Bu har bir mashg‘ulot jarayonidan foydalanish, har bir bahsning kichik detallarigacha tayyor bo‘lish haqida ketmoqda. Umid qilamani, yillar davomida mentalitet qurib kelyapmiz va buni Jahon chempionatiga olib bora olamiz" - dedi Keyn.
Angliya terma jamoasi bosh murabbiyi Garet Sautgeyt: "Yo‘llanmani Budapesht, Varshava va Albaniyada qo‘lga kiritb bo‘lgandik. Barcha o‘yinchilar va jamoa xodimlari yilni juda ham yaxshi o‘tkazishganini e’tirof etishim kerak. Bugungi o‘yinda ham hatto, mentalite, jamoaning o‘yin uslubi va yondashuvi ajoyib bo‘ldi".
Sautgeytdan iqtiboslar: "Endi o‘ylab olish uchun yaxshi vaqt keldi. Joriy mavsum 19 o‘yin o‘tkazdik: aksariyati xalqaro darajada va qilinadigan ishlar ko‘p. Oxirgi oylarga nazar solish uchun yaxshi imkoniyat. Ba’zi futbolchilar Jahon chempionatidan 6-7 oy oldin qanday tajribalara ega bo‘lishlari, qaysi yosh futbolchilarni mundialga olib ketishimiz mumkinligi haqida o‘ylaydigan vaqtimiz keldi".
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
