«Qirollik klubi»ning so‘nggi paytlarda o‘yini ochilib, maydon uzra javlon urayotgan braziliyalik hujumchisi Vinisius Junior Post United nashriga bergan intervyusida o‘zining hozirgi holati va klubdagi kelajagi haqida gapirdi. Shuningdek, Madriddagi dastlabki qiyin qadamlarini esladi.
«Real»dagi faoliyati haqida
- «Real»da o‘ynash hamisha orzuim bo‘lgan. Braziliyadagi har bir yosh bolalar bu jamoada to‘p surishni orzu qilishadi, chunki mazkur klubda ko‘plab braziliyaliklar muvaffaqiyatga erishishgan, men ham ular kabi tarix yaratishni xohlardim. Biz buning uchun harakat qilamiz.
Klub bilan dastlabki shartnoma haqida
- Yoshlar o‘rtasidagi Janubiy Amerika chempionati bizning g‘alabamiz bilan tugagan va men unda bosh to‘purar hamda eng yaxshi futbolchiga aylangandim. Uyga qaytganimda esa, otam Madrid menga qiziqayotganini aytdi. Avvaliga uni aqldan ozgan deb o‘yladim. Oradan bir hafta o‘tib, qaror qabul qilish uchun ikki kun borligi, bu haqda hech kimga aytmaslik kerakligini aytdi. O‘sha ikki kun uxlamadim, lekin to‘g‘ri tanlov qilganimni bilaman, chunki bu yerda dunyoning eng yaxshi futbolchilari qatoridaman.
Bosim haqida
- Bunga bemalol chiday olaman, chunki Braziliyada eng katta klubda o‘ynaganman. Ota-onam, oilam meni doim tinchlantirishadi, shuning uchun bosimni normal tarzda bartaraf eta olaman.
Karlo Anchelotti haqida
- U juda yaxshi murabbiy, doim hamma narsani maydonda va uning tashqarisida aniq tushuntiradi, bu esa vazifani juda osonlashtiradi. Bundan hayron qolmayman. Maydondan tashqarida Karlo mendan har doim qo‘limdan kelganini qilish uchun xotirjam bo‘lishimni so‘raydi.
«Real» muvaffaqiyatlari haqida
- Pressingni o‘ta yuqori darajada amalga oshiryapmiz. Biz hujumchilar esa o‘yinlarda g‘alaba qozonish uchun bir-birimizga gol urishga yordam beramiz. Menimcha, muvaffaqiyat kaliti shu. Shunday o‘ynashda davom etsak, bu yil «Real»ni cho‘qqiga olib chiqa olamiz.
«Bernabeu» haqida
- «Bernabeu» doim to‘la va unda gol urish har bir futbolchining orzusi. Har safar gol urganimda tushuntirish imkonsiz bo‘lgan tuyg‘ularni boshdan kechiraman. Ko‘p narsaga erishish uchun ko‘p gol urmoqchiman.
Benzema haqida
- Karim ajoyib, u qiyin ishlarni oson qila oldi. U eng zo‘r futbolchi, men u bilan birga o‘ynashdan rohatlanaman, uni uzoq yillar «Real»da o‘ynashini va «Oltin to‘p»ni qo‘lga kiritishi uchun qo‘limdan kelganini qilmoqchiman.
Moslashuv haqida
- Boshida qiyin bo‘ldi, hamma narsa o‘zgardi. Oilam va do‘stlarimning borligi menga yordam berdi. Qiyin bo‘ldi, lekin hozir «Madrid»ga oshiqman, bu yerda ko‘p yillar o‘ynamoqchiman va bu klubda tarix yozmoqchiman.
M.PO‘LATOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
