«Chester Siti» (Angliya 6-divizioni vakili) so‘nggi ikkita uy uchrashuvini tomoshabinlar guvohligida o‘tkazib, har ikkisida durang qayd etdi. Endi esa, mazkur jamoaga o‘yinlarini bo‘sh tribunalarda o‘tkazmagani uchun e’tiroz bildirishmoqda. Negaligini bilasizmi?
Tushunib olish uchun ma’lumot:
*** Uelsda omikron tufayli 26 dekabrdan boshlab sport tadbirlariga muxlislar kirishiga cheklov o‘rnatilgan. Musobaqalarda maksimum 50 kishi bo‘lishi mumkin, xolos.
*** Angliyada bunday cheklov yo‘q.
«Chester» 28 dekabr (2075 tomoshabin) va 2 yanvar (2116) kunlari o‘yin o‘tkazdi. Nega endi unga e’tiroz bildirishmoqda?
*** Klub stadioni - «Deva Stedium» Angliya va Uels chegarasida joylashgan.
*** Chegara asosiy tribunaning ort qismidan o‘tadi.
*** Maydon Uelsda joylashgan, inshootga kirish qismi va ofis esa - Angliyada.
*** Stadion manzili ham inglizlarga xos - Chester shahri kodini olgan.
*** Chester shahri Angliyaning Cheshir grafligiga tegishli.
*** O‘yinlar payti Cheshir polisiyasi ishlaydi.
«Chester»ning 7 yanvar kuni bergan xabariga ko‘ra, klub ofisiga koronavirus tartibini buzish ehtimoli yuzasidan xat kelgan. Asos - Uels hukumati ko‘rsatmasi, chunki stadion uelsliklar qoidalariga bo‘ysunadi. Klub endi qo‘shimcha yuridik konsultasiya bilan murojaat etishini ta’kidladi. «Chester» rahbari Endryu Morrisning aytishicha, inson salomatligini ta’minlash - klubning ustuvor vazifasi, ammo masala bo‘yicha aniq fikr bildirmagan. «Chester»ning navbatdagi uy uchrashuvi 15 yanvarga belgilangan.
Umuman, stadionning chegarada joylashgani bilan bog‘liq boshqa voqealar ham ro‘y bergan. Jumladan, 2020 yili Xellouin bayramida stadionga avtokinoteatrni olib kirmoqchi bo‘lishgan, lekin muammoga yo‘liqishgan: hojatxonalar Uels tomonda joylashgan, u yoqda esa - «lokdaun». Dastlab pullarni qaytarishga to‘g‘ri keldi, ammo keyinroq tadbir tashkilotchiligiga mas’ul Storyhouse kompaniyasi vaziyatdan chiqa oldi: ko‘chma hojatxonalarni olib keldi. O‘sha kunlari «Tvitter»da #toiletgate xeshtegi juda mashhur bo‘lgandi. Xellouinning o‘ziga esa tabiat injiqliklari xalal berdi - kuchli shamol tufayli tadbirni qoldirishga to‘g‘ri keldi.
H.ATAVULLAYEV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
