2021/22 yilgi mavsum qizg‘in pallaga kirdi. Yevropaning ko‘plab mamlakatlarida kubogi o‘yinlari bo‘lib o‘tmoqda. Biroq, ko‘plab top-jamoalar turnirlardagi kurashlarini yakunlab bo‘lishgan.
Hozir esa sizlarga mamlakat kuboklarida ishtirokini erta to‘xtatgan mashhur jamoalar haqida biroz ma’lumot berishga qaror qildik.
Ispaniya
“Barselona”, “Atletiko Madrid”, “Sevilya” - 1/8 finalda musobaqani tark etishdi
Bir necha kun avval, aniqrog‘i 20 yanvar kuni Ispaniyaning ikki grandlari – “Real” va “Barselona” ishtirokida Ispaniya kubogi 1/8 finalining ikkita o‘yini bo‘lib o‘tdi.
“Qirollik klubi” “Elche”ga qarshi o‘yin olib bordi (2:1). “Real” bir kishi kam bo‘lib o‘ynagan bo‘lsa-da, iroda ko‘rsatib, ekstra taymda raqibini mag‘lb etdi. Kataloniyaliklar esa “Atletik”ga imkoniyatni boy berib qo‘yishdi (2:3).
Kubokning amaldagi sohibi “Barselona”dan bir kun avval Ispaniyaning amaldagi chempioni ham turnirni tark etdi. Madridning “Atletiko” klubi mehmonda “Real Sosyedad”ga qarshi maydonga tushdi va ikki to‘p farqi bilan mag‘lub bo‘ldi (0:2).
“Sevilya” — “Betis” uchrashuvi muxlislar tartibsizligi sabab, muddatidan oldin to‘xtatilgandi. Ertasi kungi o‘yinda esa omad “qizil-oqlar”dan yuz o‘girdi. Chunki, bir kun oldingi uchrashuvda Xulen Lopetegi shogirdlari 1:0 hisobida oldinda borayotgan edi. Ammo, ikkinchi o‘yinda “Sevilya” 1:2 hisobida “Betis”ga imkoniyatini boy berib qo‘ydi.
Germaniya
“Bavariya”, “Bayer” - 1/16 finalda musobaqani tark etishdi.
Germaniya kubogining 2-bosqichida, shuningdek milliy chempionat va Chempionlar ligasida anchagina muvaffaqiyat qozonayotgan Myunxenning “Bavariya” klubi Myonxengladbaxning “Borussiya” jamoasi bilan to‘qnash keldi.
O‘yin 2021 yilning oktyabr oyida bo‘lib o‘tgan. Gladbaxliklar nafaqat g‘alaba qozonishdi, balki yirik hisobda ham g‘alaba qozongani ham kutilmagan bo‘ldi – 5:0. O‘sha uchrashuvda Rami Bensebaini va Brel Embolo dublga erishgan bo‘lsa, Kuadio Kone o‘zi hisobiga bir gol yozib qo‘ydi.
“Bayer” o‘tgan yilning oktyabr oyida o‘z uyida Bundesliganing ikkinchi ligasida ishtirok etuvchi “Karlsrue” bilan to‘qnash keldi. “Dorichilar” o‘yinning 4-daqiqasidayoq gol o‘tkazib yuborishdi. Ikkinchi taym boshida leverkuzenliklar javob golini kiritishdi, biroq oradan 10 daqiqa o‘tib “Karlsrue” yana bitta gol urdi va “Bayer”ni musobaqadan chiqarib yubordi.
E’tiborlisi, bu klub turnirdagi ishtirokini hamon davom ettirmoqda.
“Borussiya M”, “Borussiya D” - 1/8 finalda musobaqani tark etishdi.
“Bavariya” ustidan qozonilgan yirik g‘alabadan so‘ng, “Borussiya M” 1/8 finalda “Gannover 96”ni bemalol yuta olishi kutilgandi. Ammo, ochig‘i, Gladbax klubi kutilgan natijani amala ko‘rsata olmadi – jamoa 0:3 hisobida mag‘lub bo‘ldi va turnirdagi o‘yinini yakunladi.
Bundesliganing ikkinchi ligasi ishtirokchisi “Sankt-Pauli” Dortmundning “Borussiya” jamoasini sensasion tarzda mag‘lub etdi. Birinchi bo‘limning o‘zidayoq “asalarilar” 0:2 hisobida mag‘lub bo‘lishayotgandi. Ikkinchi taymda dortmundliklar bitta javob golini kiritishga muvaffaq bo‘lishdi, ammo Marko Rouzning shogirdlari boshqa raqib darvozasini ishg‘ol qila olmadi va turnirni juda erta tark etdi.
Angliya
“Arsenal”, “Nyukasl” - uchinchi bosqichda musobaqadan chiqib ketishdi
8 yanvar kuni “Nyukasl” o‘z maydonida Angliya birinchi ligasi turnir jadvalida 13-o‘rinni egallab turgan “Kembrij Yunayted”ni qabul qildi.
Ushbu o‘yin natijasini Jo Ayronsaydning 56-daqiqada kiritgan yagona goli hal qildi va bu gol “qarg‘alar”ni turnirdan chiqarib yubordi.
Londonning “Arsenal” uchun ham bu bosqich omadsiz bo‘ldi. “To‘pchilar” ham juda oson raqib, Chempionshipda 10-o‘rindagi “Nottingem Forest”ga imkoniyatni boy berib, turnirni tark etdi.
“Nyukasl” bilan bo‘lgan uchrashuv kaib, bu o‘yin natijasini ham dagi 83-daqiqasida Lyuis Grabban tomonidan kiritilgan bitta hal qildi.
Belgiya
“Genk” - 1/8 finaldayoq chiqib ketdi
2021 yilning dekabr oyida turnirning 1/8 finali doirasidagi o‘yinda “Genk” o‘z maydonida “Bryugge”ni qabul qildi. Bahs juda shiddatli kechdi. Asosiy vaqtda 3:3 hisobi qayd etildi.
“Genk” g‘alabaga yaqin turgan edi, biroq “Bryugge” uchrashuv yakuni oldidan hisobni tenglashtirishga muvaffaq bo‘ldi va o‘yin ekstra taymga ko‘chdi.
Jamoalar qo‘shimcha bo‘limlarda gol ura olmadi va natijada g‘olib penaltilar seriyasida aniqlandi. Lotareyada “Bryugge” futbolchilari omadliroq chiqishdi – 5:3.
Fransiya
“Lill”, “Renn” 1/16 finalda musobaqani tark etishdi
“Renn” 2 yanvar kuni mehmonda Liga—2 vakili “Nansi”ga qarshi bahs olib va kutilmaganda mag‘lubiyatga uchradi. Mehmonlar 58-daqiqada oldinga chiqib olishgan bo‘lsa, oradan 20 daqiqa o‘tib “Nansi” hisobni tenglashtirdi. Bu uchrashuvda ham g‘olib penaltilar seriyasida aniqlandi. Bunda omad “Renn”dan yuz o‘girdi va musobaqani erta tark etdi.
Liga—1 musoabaqasining amaldagi chempioni 4 yanvar kuni 1/16 final bosqichida “Lans”ga imkoniyatni boy berib, o‘z yurishini erta yakunladi. Uchrashuvning birinchi bo‘limdan so‘ng “Lill” 2:0 hisobida oldinda borayotgan edi, ammo ikkinchi bo‘lim o‘rtalarida “Lans” bittajavob to‘pi kiritdi va asosiy vaqtga qo‘shib berilgan daqiqalarda hisobni tenglashtirishga erishdi.
Penaltilar seriyasida esa omad “Lans”ga kulib boqdi — 4:3.
Italiya
“Napoli” - 1/8 finalda Italiya kubogi bilan xayrlashdi
Neapolliklar 13 yanvar kuni 1/8 final doirasida “Fiorentina”ni qabul qildi.
O‘yin juda qizg‘in kechdi. Sababi, “binafsharanglilar” 41-daqiqada o‘yindagi hisobni ochishdi, biroq bir necha daqiqadan so‘ng “Napoli” hisobni tenglashtirdi. Birinchi bo‘limga qo‘shib berilgan vaqtda, “Fiorentina” darvozaboni Bartlomey Drongovski o‘yindan chetlatildi.
Shunga qaramay, ikkinchi bo‘limda mehmonlar hisobda oldinga chiqib olishdi, ammo ikkinchi bo‘lim oxirrog‘ida Irving Losano qizil kartochka oldi, keyinchalik Fabian Ruis ikkinchi ogohlantirish oldi va neapolliklarni 9 kishi bo‘lib qolishdi. Ammo “Napoli” hisobni tenglashtirishga muvaffaq bo‘ldi va o‘yinni qo‘shimcha bo‘limga ko‘chirishdi.
Ammo "Fiorentina" ekstra taymlarda ajoyib o‘yin ko‘rsatib, uch ta gol urib, “Napoli”ni turnirdan chiqarib yubordi.
Niderlandiya
“Feyenoord” - 1/16 finalda turnirni tark etdi
“Feyenoord” 15 dekabr kuni kubok doirasida “Tvente”ga qarshi o‘yin o‘tkazdi. Ikkinchi bo‘lim boshida mehmonlar hisobda oldinga chiqib olishgan bo‘lsa-da, biroz vaqt o‘tib o‘zlari gol o‘tkazib yubordi.
O‘yin qo‘shimcha taymga cho‘zildi va “Tvente” 114-daqiqada gol urishga muvaffaq bo‘ldi va keyingi bosqichga chiqdi.
Portugaliya
“Benfika” - 1/8 finalda kubokdan chiqib ketdi
12 dekabr kuni Portugaliya kubogi doirasida Lissabonning “Benfika” klubi safarda “Portu”ga qarshi o‘ynadi. O‘yindagi hisob 1-daqiqada portulik futbolchilar tomonidan ochildi. Oradan 5 daqiqa o‘tib, klub 2-golini urishdi. 31-daqiqada “Portu” uchinchi golni urdi va o‘zini to‘liq ustunligini ta’minladi va mazkur natija o‘yin oxirigacha saqlanib qoldi. Shunday qilib, “Benfika” ham Portugaliya kubogi bilan juda erta xayrlashdi.
Turkiya
“Galatasaroy” - 1/16 finalda Turkiya kubogini tark etdi
Turkiya Superligasi grandlaridan biri mamlakat kubogi 5-bosqichi doirasida Turkiya birinchi ligasining turnir jadvalida 18-o‘rinda borayotgan “Denizlispor”ni qabul qildi. O‘yin 28 dekabr kuni bo‘lib o‘tgan.
Mehmonlar 9-daqiqadayoq gol urishdi, ammo “Galatasaroy” hisobni tenglashtirishga muvaffaq bo‘lishdi. Birinchi bo‘lim oxirida “Denizlispor” o‘yindagi hisobni yana bittaga oshirdi va tanaffusga peshqadam sifatida yo‘l oldi.
Ikkinchi taym oxirigacha hisob 3:3 hisobi qayd etildi va g‘olib penaltilar seriyasida aniqlandi va unda omad mehmonlarga kulib boqdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
