O‘tgan mavsumda “Lill” Fransiya chempioniga aylanib, butun Yevropa muxlsilarini lol qoldirgan bo‘lsa kerak. Klub PSJni 1 ochko ortda qoldirib, parijliklardan Liga—1 bosh sovrinini tortib oldi. “Lill” chempion bo‘lishidan oldin ham bu muvaffaqiyat yangi mavsumda takrorlanmasligi aniq edi. Jamoaning o‘sha paytdagi ustozi Kristof Galtye klubni tark etishini oldindan ma’lum qilgandi. Murabbiy ortidan “Lill”ning muhim futbolchilar klubni tark eta boshladi.
Chempionlikni qo‘lga kiritib, Chempionlar ligasiga chiqqaniga qaramay, klub jiddiy moliyaviy muammolarga duch keldi. “Itlar” hamon iqtidorli futbolchilarini sotishga majbur, ammo bu ishning mohiyatini o‘zgartirmaydi. Kelgusi mavsum boshiga qadar “Lill”ning chempion bo‘lgan tarkibining deyarli barchasi tarkibda bo‘lmasligi aniq. Shunday qilib, amaldagi chempionlarning tarkibidan kimlar ketdi va ketish arafasidagilar haqida ma’lumot beramiz.
“Lill”ni allaqachon kimlar tark etgan?
Mayk Menyan
Menyan o‘tgan mavsumda “Lill”ning chempionligiga katta hissa qo‘shgan futbolchilardan biri bo‘lgan. Iqtidorli darvozabon har doim chempionlik uchun kurashayotgan jamoa uchun muhim hisoblanadi. Oxirgi mavsumda Mayk Liga—1’dagi 38 ta uchrashuvning 21 tasini nolga o‘ynadi va bu ko‘rsatkich bo‘yicha liganing eng yaxshi darvozaboni bo‘ldi. Fransiyalik futbolchi har bir o‘yinda o‘rtacha 0,61 ta gol o‘tkazib yubordi va bu uning faoliyatidagi eng yaxshi ko‘rsatkichi bo‘ldi.
“Itlar” Liga—1’ning o‘tgan mavsumini urilgan va o‘tkazib yuborilgan gollar bo‘yicha +41 natija qayd etdi. Bu 1995 yildan beri klub tarixidagi eng yaxshi natija bo‘ldi. Biroq, “Lill” o‘zining eng yaxshi futbolchilaridan birini tarkibda saqlab qola olmadi. Yozda fransiyalik futbolchi “Milan”ga 14,3 million yevro evaziga ko‘chib o‘tdi.
Luis Araujo
Araujo 2017 yildan beri “Lill” safida to‘p tepadi. Bu vaqt davomida Luis fransuz klubida rotasiya o‘yinchisi edi, lekin u muntazam ravishda jamoaga foyda keltirgan. O‘tgan mavsumda futbolchi Liga—1 musobaqasida 4 ta gol va 2 ta golli uzatmani amalga oshirdi. Rotasion o‘yinchi uchun yomon natija emas.
Balki braziliyalik vinger “itlar” uchun asosiy o‘yinchi bo‘lmagandir, ammo uning tarkibda borligi, klub uchun foydali bo‘lishi aniq edi. Biroq, Araujo 11 million yevro evaziga “Atlanta Yunayted”ga o‘tdi.
Jonatan Ikone
Ikone uchun chempionlik mavsumi unchalik sermahsul o‘tmadi, ammo u ham jamoaning kuchayishiga yordam bergan. Futbolchi Galtyening taklifi bilan, “Monpelye”dan “Lill”ga ko‘chib o‘tgandi. Fransiyalik vingerning tarkibda bo‘lishi, hozirda og‘ir kunlarni boshdan kechirayotgan jamoa uchun foydali bo‘lardi.
Ammo, yanvar oyida “itlar” futbolchini “Fiorentina”ga 14 million yevrogasotib yuborishdi. Ikone garchi “binafsharanglilar” safida allaqachon golli uzatma amalga oshirgan bo‘lsa-da, hali ham yangi chempionatga adaptasiya davrini o‘tkazmoqda.
Yusuf Yazidji
Yazidji transferi yaqinda amalga oshdi. Bir necha kun oldin futbolchi Moskvaning SSKA klubiga ijara asosida o‘tdi. Rossiya klubi futbolchini sotib olish huquqi bilan, mavsum so‘nggiacha ijaraga oldi. Fransuzlarning turk futbolchisini ijaraga berish qarori biroz g‘alati ko‘rinadi. O‘tgan mavsumda yarimhimoyachi har bir uchrashuvda o‘rtacha 34 daqiqa vaqt o‘tkazganiga qaramay, Liga—1da gol+pas tizimi bo‘yicha 11 ochko jamg‘ardi. Joriy mavsumda futbolchi unchalik sermahsul o‘ynamagan, ammo baribir tarkibda bo‘lishi ortiqchalik qilmasdi.
Yana kimlar “Lill”ni tark etishi mumkin?
Sven Botman
Botman o‘zining “Lill”dagi ikkinchi mavsumini o‘tkazmoqda, ammo bu uning ushbu klubdagi oxirgisi bo‘lishi mumkin. Gollandiyalik futbolchining ketishi, jamoa uchun katta yo‘qotish bo‘ladi. O‘tgan mavsumda Sven “Lill”ning asosiy himoyachisi bo‘lgan va chempionlikka katta hissa qo‘shdi. Joriy mavsumda ham u fransuz klubida samarali harakatlari bilan ajralib turibdi.
Futbolchi Liga—1’ning 14 ta uchrashuvida 2 ta gol urdi va 1 ta golli uzatmani amalga oshirdi, bu esa markaziy himoyachi uchun yomon natija emas. “Itlar” futbolchi bilan xayrlashishni istamayapti. Hozircha futbolchiga “Milan” klubi jiddiy qiziqish bildirmoqda. Ammo, tez orada Botman “Lill”da ko‘p qolib ketmasa kerak va katta ehtimol bilan yozda u jamoa bilan xayrlashadi.
Jonatan Devid
Devidning holati Botmannikiga o‘xshab ketadi. Kanadalik futbolchi “Lill”dagi ikkinchi mavsumini o‘tkazmoqda, ammo yozda klubni tark etish ehtimoli yuqori. Futbolchining agenti allaqachon bu borada bayonot bergan. Yosh hujumchining ketishi jamoa o‘yiniga jiddiy ta’sir qiladi. So‘nggi mavsumda hujumchi 13 ta gol urdi va bu “itlar”ga chempionlik uchun kurashda sezilarli yordam berdi. Joriy mavsumda ham allaqachon 12 ta gol urishni uddalagan. Ayni damda, Devid Vissam Ben Yedder bilan birga Liga—1ning eng yaxshi to‘purarlaridan biri hisoblanadi. Futbolchiga “Real”, “Chelsi”, “Barselona” va “Liverpul” klublari qiziqish bildirmoqda. “Lill”da futbolchini o‘z tarkibida saqlab qolish uchun deyarli imkoniyati yo‘q.
Renatu Sanches
“Bavariya”dagi yomon mavumlardan so‘ng, Sanches “Lill”ga ko‘chib o‘tdi va bu uning uchun yaxshi qaror bo‘ldi. Portugaliyalik Galtyedan munosib o‘yin amaliyoti oldi va hozir ham yangi murabbiy qo‘l ostida muntazam ravishda asosiy tarkibda maydonga tushmoqda. E’tiborlisi, yarimhimoyachi gol+pas tizimida 4 ochkoni qo‘lga kiritgan.
Sanchesning ketishi mumkinligi haqidagi mish-mishlar o‘tgan yozda paydo bo‘lgandi. Futbolchiga “Liverpul”, “Arsenal” va “Milan” klublari qiziqish bildirmoqda. OAV xabariga ko‘ra, “rossonerilar” futbolchi uchun “itlar” bilan muzokaralar olib bormoqda.
Jamshidjon Mahmudov tarjimasi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
