“Stadion.uz” nashri “Manchester Yunayted” tarixidagi eng qimmat 10 ta tranfer haqida ma’lumot berishga qaror qildi.
10. Rio Ferdinand “Lids”dan “Manchester Yunayted”ga – 46 million yevro
2002 yilning yozida dunyoning eng qimmat markaziy himoyachilaridan biri ingliz Rio Ferdinand edi. “Manchester Yunayted” 23 yoshli Ferdinandni 46 million yevro evaziga sotib oldi. O‘sha paytda Rioday o‘yinchi uchun bunday pul to‘lash tasavvur qilib bo‘lmaydigan narsa edi. Rio Ferdinand “qizil iblislar” safida 12 yil davomida to‘p tepdi. Bu vaqt ichida u 6 marta Premyer-liga va 2008 yilgi Chempionlar ligasida, jami 19 ta sovrinni qo‘lga kiritdi. “Manchester Yunayted” tarkibida Ferdinand 454 ta o‘yin o‘tkazib, 8 ta gol urgan.
9. Aaron van Bissaka “Kristal Pelas”dan “Manchester Yunayted”ga – 55 million yevro
2019-2020 yilgi mavsumda “Manchester Yunayted” Aaron van Bissakani o‘z safiga qo‘shib oldi. U APLning eng kuchli va istiqbolli himoyachilaridan biri hisoblangan va u buni amalda ham isbotlab kelmoqda. Mankunianliklar o‘sha paytdagi Angliya yoshlar terma jamoasi futbolchisi uchun transfer bozoridagi qiymatidan ancha yuqori bo‘lgan 55 million yevro to‘lashdi. E’tiborli tomoni, ushbu sotuv “Kristal Pelas” o‘z tarixidagi rekord transfer hisoblanadi.
8. Fred “Shaxtyor”dan “Manchester Yunayted”ga – 59 million yevro
Sakkizinchi o‘rindan braziliyalik yarimhimoyachi Fredning transferi joy oldi. U Doneskning “Shaxtyor” klubidan 59 million yevro evaziga “qizil iblislar” safiga ko‘chib o‘tdi (Ukraina klubi tarixidagi rekord transfer). Biroq, futbolchi Ukraina Premyer-ligasida va Yevropa maydonlarida ko‘rsatgan o‘yinini Manchesterda namoyish eta olmadi. Fred Mourinyoning noroziligi va Sulsher kelishi bilan asosiy tarkibda unchalik ko‘p ko‘rinish bermay qoldi. Lekin, ushbu mavsumda futbolchi avvalgilariga qaraganda ancha yaxshi o‘yin namoyish etmoqda va hozirgacha 18 o‘yinda maydonga tushib, 2 ta gol va 2 ta golli uzatma muallifiga aylangan. Umuman olganda, yuqoridagi natija avvalgilariga qaraganda ancha yaxshi.
7. Antoni Marsyal “Monako”dan “Manchester Yunayted”ga - 60 million yevro
Reyting yettinchi pog‘onasida fransiyalik hujumchi Antoni Marsyal joylashgan. Fransiyalik futbolchi yetti yildan beri mankunianliklar sharafini himoya qilmoqda. Avvaliga u asosiy tarkibda o‘z o‘rniga ega bo‘la olmadi, ammo bosh murabbiy almashishi bilan Marsyal ko‘proq o‘yin amaliyotiga ega bo‘la boshladi. Biroq, ushbu mavsumda Krishtianu Ronalduning MYUga qaytishi, Antoni uchun yaxshi bo‘lmadi va hozirda yana zaxira futbolchiiga aylandi. Umuman olganda, fransuz “qizil iblislar” safida 269 ta o‘yin o‘tkazib, 79 ta gol urgan va 50 ta golli uzatmani amalga oshirgan.
6. Bruno Fernandesh “Sporting”dan “Manchester Yunayted”ga, – 63 milion yevro
Portugaliyaning “Sporting” klubidagi ajoyib o‘yinlaridan o‘ng, “Mancheter Yunayted” Fernandeshga qiziqish bildira boshladi. 2019-2020 yilgi mavsumda esa portugal rasman “qizil iblis”ga “aylandi”. Umuman olganda, Brunoning MYUga kelishi, klub uchun ancha foydali bo‘ldi. Chunki, futbolchi yarimhimoya pozisiyada o‘ynasa-da, ko‘plab gol va asistlar muallifiga aylangan. Fernadesh hozirgacha, “Manchester Yunayted” tarkibida 108 o‘yinda maydonga tushib, 47 ta gol va 38 ta asistni o‘zhisobiga yozdirib qo‘ygan. Shunchaki, ajoyib!
5. Anxel Di Mariya “Real”dan “Manchester Yunayted”ga – 75 million yevro
2014 yilning 26 avgust kuni “Manchester Yunayted” “Real” yulduzi Anxel Di Mariya bilan shartnoma imzoladi. Argentinalik futbolchi 75 million yevro evaziga Tumanli Albionga ko‘chib o‘tdi. “Qizil iblislar” tarkibida o‘tgan bir mavsum Di Mariya uchun juda omadsiz o‘tdi: 32 o‘yin, 4 gol, 12 golli uzatma. Bundan tashqari, futbolchi klubini o‘zgartirish istagini bildirgan. 2015 yilning yozida esa “Manchester Yunayted” argentinalik futbolchini PSJga 63 million yevroga sotib yubordi va shu tariqa klub futbolchi ortidan 12 million zarar ko‘rdi.
4. Romelu Lukaku “Everton”dan “Manchester Yunayted”ga – 84,7 million yevro
To‘rtinchi o‘rindan belgiyalik hujumchi Romelu Lukaku joy oldi. 2017 yilning 10 iyulida mankunianliklar “Everton” hujumchisi bilan shartnoma imzolaganini rasman elon qilib, transfer tafsilotlarini oshkor qildi. Transfer summasi salkam 85 million yevroni tashkil qildi. “Manchester Yunayted” bilan ikki yil davomida Lukaku 96 o‘yinda maydonga tushib, 42 gol urgan va 13 golga assistentlik qilgan. Keyinchali, futbolchi Italiyaning “Inter” klubiga o‘tdi va hozirda belgiyalik yana APLning “Chelsi” klubida o‘ynamoqda
3. Jeydon Sancho “Borussiya D”dan “Manchester Yunayted”ga – 85 million yevro
Uchinchi o‘rindan Angliya terma jamoasi futbolchisi Jeydon Sancho joy oldi. “Borussiya D” Jeydon Sancho “Manchester Yunayted”ga naqd 85 million yevroni transfer qildi. Umuman olganda, futbolchining APLdagi ishlari yurishmagan va 2017 yilda salkam 8 million yevro evaziga nemis klubi safiga ko‘chib o‘tgan edi. Joriy mavsum avvalida futbolchi yana Angliya chempionatiga qaytdi.
2. Garri Maguayr “Lester”dan “Manchester Yunayted”ga – 87 million yevro
“Manchester Yunayted”ning amaldagi sardori Garri Maguayr reytingimizning 2-pog‘onasidan joy oldi. Futbolchi “qizil iblislar” safiga “Lester Siti”dan ko‘chib o‘tdi. Mankunianliklar futbolchi uchun 87 million yevro to‘lashga majbur bo‘ldi. Umuman olganda, bu transfer MYU uchun omadli yoki omadsiz deb bo‘lmaydi. Chunki, Garri ba’zi paytlarda o‘ta ishonchli tarzda o‘yin namoyish etsa, ba’zan oddiy xatolarga yo‘l qo‘yadi.
1. Pol Pogba “Yuventus”dan “Manchester Yunayted”ga - 105 mln yevro
“Manchester Yunayted”ning eng qimmat xaridlari reytingida birinchi o‘rinni fransiyalik markaziy yarimhimoyachi Pol Pogba egallab turibdi. 2016 yilning 9 avgustida mankunianliklar Pogba uchun “Yuventus”ga 105 million yevro to‘lashdi. Ushbu xarid ortidan“Manchester Yunayted” va futbolchining o‘ziga ko‘plab tanqidlarbo‘ldi. Ko‘pchilikning ta’kidlashicha, futbol olamida hali hech narsani qoyillatmananfutbolchi uchun bu juda katta summa bo‘lgan. Biroq, “Manchester Yunayted” transfer siyosatidagi mavjud tendensiyalardan kelib chiqib, futbolchi uchun shuncha pul to‘lagan. Pogba “Manchester Yunayted” safida 219 ta o‘yinda maydonga tushib, 38 ta gol urgan va 49 ta golga assistentlik qilgan.
Jamshidjon Mahmudov tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
