Xames Rodriges Qatarda yurak xurujiga uchragan futbolchi hayotini saqlab qolishda jonbozlik ko‘rsatib, qahramonga aylandi. Kolumbiyalik 30 yoshli futbolchi ayni payt «Yulduzlar ligasi»da «Ar-Rayyan» klubi sharafini himoya qilmoqda. «Real»da kutilgan maqomga erisholmagan futbolchi bu jamoa safiga 2021 yilning sentyabr oyida qo‘shildi. Bunga qadar esa «Everton»da ma’lum vaqtni samarasiz o‘tkazgandi.
Xames Osiyo futbolida birin-ketin alohida voqealar bilan ko‘zga tashlandi. To‘g‘ri, avvaliga yoqimsiz lavha sabab: o‘yinlardan birida sariq kartochka tufayli hakamga tashlandi va buning oqibatida maydondan chetlatildi. Boz ustiga, kiyinish xonasiga yo‘l olishidan oldin referiga qarab, unga istehzo bilan chapak chaldi, yana egnidagi futbolkani yirtib tashladi.
Endi esa hamma Xames Rodriges sharafiga qarsak chal-yapti. Farqi shuki, bu istehzoli emas, samimiy olqish. Birinchidan, kolumbiyalik legioner «Ar-Rayyan»ning «Al-Vakra»ga qarshi o‘yinida «dubl» qayd etdi va jamoasi 3:0 hisobida g‘alaba qozondi. Ikkinchidan, maydonda har jihatdan tezkor ekanligini namoyish etdi:
* Birinchi bo‘limda raqib jamoa futbolchisi Usmon Kulibali to‘satdan darvoza oldida maydonga quladi.
* Xames Rodriges hammadan oldin yordamga shoshilib, futbolchining boshini rostladi - nafasi bo‘g‘ilib qolmasligi uchun. Keyin shifokorlar kelishdi.
* Klub shifokori Xames juda muhim harakatni to‘g‘ri amalga oshirganini alohida ta’kidladi. Uning aytishicha, futbolchi hushidan ketgan, yurak urishi zaifligidan zo‘rg‘a nafas olgan.
Uchrashuvdan so‘ng shifokorlar Kulibali yurak xurujiga uchraganini tasdiqlashdi, ayni payt uning ahvoli barqaror ekanligi aytilmoqda. Yoqimsiz holat ortidan shanba kuni boshlangan o‘yin 1:0 hisobida to‘xtatildi va dushanba oqshomi davom ettirildi. Diqqatga sazovor tomoni, shanba kuni xaloskor rolida ko‘ringan Xames uchrashuv davomida qandaydir 3 daqiqa oralig‘ida 2ta gol urdi. Kolumbiyalik futbolchi shu ishlar ortidan «Instagram» tarmog‘ida maqtovlarga burkandi va atigi 2 kun ichida 600 mingdan ko‘p «layk» yig‘di.
* Dushanba kungi o‘yin oldidan jamoalar futbolchilari maydonga Kulibali yozuvi tushirilgan formada tushishdi.
* «Ar-Rayyan» «Yulduzlar ligasi» turnir jadvali 8-pog‘onasida bormoqda.
* Xames Rodriges joriy mavsum 7ta o‘yinda ishtirok etib, «Gol+pas» tizimi bo‘yicha 7 ochko to‘pladi (3ta gol va 4ta samarali uzatma).
* «Ar-Rayyan» va Xames Rodriges o‘rtasidagi shartnoma 2024 yilning yozigacha mo‘ljallangan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
