31 yanvar kuni Yevropada qishki transfer oynasi yopiladi. Shu paytgacha aytarli ko‘zga ko‘ringan transferlar amalga oshmadi. Ammo, so‘nggi kun vaziyatni butunlay o‘zgartirishi mumkin, sababi ba’zi klublar so‘nggi daqiqalarda shartnoma tuzganlarini e’lon qilishadi. Shu sabab, biz oxirgi kunning transfer intrigalari haqida ma’lumot berishga qaror qildik.
“Barselona” Dembeleni kimga sotadi?
Ispan klubi shartnomani uzaytirishdan bosh tortgan va jamoada qolish niyatida bo‘lmagan hujumchidan qutulishga harakat qilmoqda. Xavi allaqachon Dembele bilan ortiq hisoblashmasligini aytdi, shuning uchun futbolchi jamoada qolsa, zaxiraga mixlanib qolishi mumkin. Ispaniya matbuoti xabariga ko‘ra, hujumchi faoliyatini Angliya Premyer-ligasida davom ettiradi. Ammo “Barselona” va Usmon o‘rtasida intizom bilan bog‘liq katta muammolarga duch keldi. Shu bois, har bir klub o‘z tarkibida bunday hujumchini ko‘rishni istamaydi. Shuningdek, Parijning PSJ klubi ham fransuz futbolchisini Liga—1 chempionatiga qaytarishga harakat qilmoqchi, ammo Kataloniya klubi Dembele uchun kamida 20 million yevro talab qilmoqda. Bu esa parijliklarga unchalik ma’qul kelmagan.
Obameyang La Ligaga o‘tadimi?
“Barselona” Dembeleni gabonlik futbolchi Obameyang bilan almashtirishga qaror qildi. “Arsenal”da hujumchining ishlari yaxshi ketmaydi. U sardorlik bog‘ichini yo‘qotdi, asosiy tarkibda maydonga tushmay qo‘ydi va uning karyerasida sezilarli darajada pasayish bo‘ldi. Shu sababli, London klubi hujumchi bilan xayrlashishga tayyor va futbolchi allaqachon “ko‘k-anorranglilar” bilan ehtimoliy transfer bo‘yicha kelishib olgan, deya xabar beradi sport jurnalisti Jerar Romero. Ammo transfer Dembele “Barselona”ni tark etgan taqdirdagina amalga oshadi va Dembele bilan hamma narsa unchalik oson emas, shuning uchun Obameyang hali ham bu transferning natijasini kutmoqda.
Morata vataniga qaytadimi?
“Atletiko” hujumchining “Barselona”ga o‘tishiga to‘sqinlik qildi, ammo voqea shu bilan tugamadi. Madridliklar “Yuventus” ijara muddati tugagach, hujumchini sotib olish niyatida emasligini yaxshi bilishadi. Shu bois, rahbariyat “Barselona”ning qulay shartlarni taklif qilishiga umid qilayotgan bo‘lsa kerak. Va agar “ko‘k-anorranglilar” Dembele va Obameyang bilan bo‘lgan voqeani mantiqiy yakuniga yetkazmasa, ispan klubi Morata transferi bo‘yicha muzokaralarni qayta boshlashi mumkin. Sababi, klub bosh murabbiyi Xavining shaxsan o‘zi hujumchi sotib olishni talab qilmoqda.
“Tottenxem” bir vaqtning o‘zida “Yuventus”ning ikkita futbolchisini sotib oladimi?
Deyan Kulushevski - A seriyaning eng yaxshi o‘yinchilaridan biri. Yarimhimoyachi “Tottenxem”ga o‘tmoqchi, ingliz klubining esa niyati qat’iy. Gap taxminan 40 million yevroga qayta sotib olish huquqiga bilan ijara haqida ketmoqda. OAV xabarlariga ko‘ra, tomonlar og‘zaki kelishuvga erishgan. Rodrigo Bentankur ushbu transfer oynasida “Tottenxem”ga o‘tishi mumkin bo‘lgan yana bir “Yuventus” vakili. Qolaversa, agar Kulushevski ijara asosida “shporlar”ga o‘tsa, Bentankur asosida Londonliklar safiga ko‘chib o‘tadi. Rodrigo – “Yuventus”ning asosiy tarkib o‘yinchisi, shuning uchun ham turinliklar yaxshigina pul alab qilishi tayin.
Shu bilan birga, London klubi Tangi Ndombele bilan xayrlashishi mumkin. Dastlab yarimhimoyachiga “Valensiya” qiziqish bildirgan edi, ammo bu transfer amalga oshmadi. Ammo Fransiya grandlari – “Lion” va PSJ ushbufutbolchi uchun kurashga qo‘shildi. Parijliklar moliyaviy feyr-pley cheklovlari tufayli biroz qiynalmoqda. “Lion” esa Ndombelening sobiq klubi. Shu sabab, “Park Olimpik Lionne” egalari bu vaziyatdan unumli foydalanishmoqchi.
Aleksey Miranchuk “Atalanta”ni tark etadimi?
Rossiyalik yarimhimoyachi yetarlicha o‘yin amaliyotiga ega emas, shu bois u faoliyatini boshqa klubda davom ettirishga tayyor. Avvaliga mish-mishlar futbolchini “Jenoa” bilan bog‘lagan bo‘lsa, Andriy Shevchenkoning iste’fosi bu muzokaralarga nuqta qo‘ydi. Ammo, transfer oynasi oxiriga kelib, Miranchukni “Lasio” sotib olishi mumkinligi haqida xabarlar tarqaldi. Ammo, Jan Pyero Gasperini rossiyalik futbolchini ketishidan unchalik ham manfaatdor emas. Koronavirus jamoa tarkibiga sezilarli ta’sir ko‘rsatdi va Yosip Ilichich yana jarohat bilan bog‘iq muammoga uchradi. Shuning uchun bu transfer amalga oshish ehtmoli past baholangan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
