Ispaniya chempionatining 25-turi doirasida "Valensiya" o‘z maydonida "Barselona"ni qabul qildi. Uchrashuv gollarga boy bo‘ldi.
"Barsa"ning yangi hujumchisi Pyer-Emerik Obameyang mazkur uchrashuvda o‘zining debyut golini urishga muvaffaq bo‘ldi: bir emas, ikkita. Bahsning 23-daqiqasida Albaning maydon markazidan bergan ideal uzatmasidan so‘ng gabonlik futbolchi darvozabon bilan yakkama-yakka vaziyatga chiqib ketdi va kuchli zarba bilan yaqin yuqori burchakni aniq nishonga oldi. Obameyang tomonidan urilgan ikkinchi golni ham Alba boshlab berdi. Jordi jarima maydoniga uzatma berdi va Usmon Dembele bo‘sh darvozasi qarshisida yolg‘iz qolgan Pyer-Emerikni o‘z vaqtida to‘p bilan ta’minladi va gol.
Bu ikki gol orasida esa kataloniyaliklar yana bitta gol urishgandi. Dembele-Gavi-De Yong kombinasiyasidan so‘ng Frenki bo‘sh darvozani ishg‘ol qildi.
"Valensiya" birinchi bo‘limning o‘zida 3ta to‘p o‘tkazib yubordi, ammo raqib darvozasiga 2 marta zabt etdi. Ammo har safar gol VAR yordamida bekor qilindi. Birinchi vaziyatda futbolchi ofsaydga tushib qolgan bo‘lsa, ikkinchi hujum boshlanishidan avval to‘p yon chiziqni tark etgani uchun (laynsmen ko‘rmay qolgandi) gollar hisobga olinmadi.
Shunga qaramay, "ko‘rshapalaklar" ikkinchi bo‘lim boshida bitta javob to‘pini urib, o‘yinga intrigani qaytarishdi. Gol muallifi — Karlos Soler. Ammo atigi 11 daqiqa o‘tib "ko‘k-anorranglilar" to‘rtinchi golni urishga erishdi. Pedri kutilmaganda 23 metrlardan kuchli zarba bilan to‘pni to‘sin ostiga joylab qo‘ydi. To‘p yo‘l-yo‘lakay egilib qolgan Obameyangning beliga tegib, o‘z yo‘nalishini biroz o‘zgartirgani ham "Valensiya" posbonini qiyin ahvolga solib qo‘ydi.
Shundan so‘ng ham mezbonlar taslim bo‘lishmadi va hujum qilishda davom etishdi. Mark-Andre ter Shtegen kamida 2ta seyv namoyish etib, jamoasini qiyin vaziyatlarda qutqardi.
"Barselona" ushbu g‘alabadan so‘ng o‘z ochkolarini 42taga yetkazdi hamda yana 4-o‘ringa qaytdi. "Valensiya" esa 30 ochko bilan 12-o‘rinda qoldi.
Ispaniya La ligasi, 25-tur
Valensiya – Barselona 1:4 (0:3)
Gollar: 0:1 – 23 Obameyang, 0:2 – 32 de Yong, 0:3 – 38 Obameyang, 1:3 – 52 Soler, 1:4 – 63 Pedri.
Valensiya – Mamardashvili, FulkYE, Alderete (Djemert, 85), Diakabi, Gayya (Toni Lato, 65), Soler, Gilyamon (Maksi Gomes, 46), Moriba (Rachich, 66), Gedesh, Duro (Markos Andre, 85), Xil.
Barselona – ter Stegen, Dest, Arauxo, Erik Garsiya (Mingesa, 46), Alba, Buskets, de Yong (Pedri, 60), Gavi (Traore, 81), Obameyang (de Yong, 82), Dembele (Niko Gonsales, 71), Ferran Torres.
Ogohlantirishlar: Alba (35), Moriba (53), Arauxo (56), Niko Gonsales (72), Toni Lato (76), Soler (77), Dest (90).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
