Katta futbol bahori ustalar jamoalari bilan bir qatorda o‘smirlar va bolalar futbolida ham mavsumni boshlab berdi. Mart oyining birinchi dekadasida poytaxtimizda ikkita musobaqaga start berildi. Biri O‘zbekiston futbol assosiasiyasi kubogi bahslari bo‘lsa, ikkinchisi Toshkent shahar birinchiligidir.
Har ikkala yo‘nalishda Bekobodning “Metallurg” futbol klubi qoshida faoliyat yuritayotgan “El Golazo Academy Powered by Real Madrid Foundation” bolalar va o‘smirlar futbol akademiyasi tarbiyalanuvchilari muvaffaqiyatli start olishdi.
Eng yosh guruh vakillari – 2009 yilda tug‘ilgan bolalar jamoalari o‘rtasidagi musobaqada “Metallurg U-13” jamoasi Toshkent VFA tengqurlarini kichik hisobda dog‘da qoldirishdi – 1:0.
O‘FA kubogining 1-turida 2006 yilda tug‘ilgan yoshlarimiz – “Metallurg U-16”(2006 yillar) jamoasi Toshkent viloyati futbol akademiyasi tarbiyalanuvchilariga qarshi to‘p surdi va 5:3 hisobida zafar quchdi.
2008 yilda tug‘ilgan yoshlar jamoalari musobaqasida qatnashayotgan “Metallurg U-14” jamoamiz ham Toshkent viloyati futbol akademiyasi tarbiyalanuvchilari ustidan zafar quchishdi. Mazkur uchrashuvda bekobodliklar raqiblari darvozasiga javobsiz uchta to‘p yo‘llashdi – 3:0.
Faqatgina “Metallurg U-15” (2007 yilda tug‘ilganlar) jamoamiz birinchi turda mag‘lubiyat alamini totib ko‘rishdi. Mazkur yosh toifasidagi jamoamiz Toshkent VFA yoshlariga qarshi o‘yinda o‘z darvozalaridan uchta to‘p olib chiqishga majbur bo‘lishdi – 0:3.
O‘FA kubogida 2-tur o‘yinlari 16-17 mart sanalarida o‘tkaziladi. Shu kuni “Metallurg” futbol akademiyasi jamoalari Sirdaryo futbol akademiyasidagi tengqurlariga qarshi to‘p surishadi.
Aynan mana shu yosh toifasidagi jamoalarimiz Toshkent shahar birinchiligida ham qatnashishmoqda. “Metallurg” futbol akademiyasi jamoalari qur’a natijasiga ko‘ra “V” ligasida “Traktor”, “Do‘stlik”, 16-BO‘SM, “Spartak”, “Lokomotiv”, “Bunyodkor”, “Paxtakor”, “Chig‘atoy” singari jamoalarga qarshi maydonga chiqadi.
Mazkur uik-endda bekobodlik yoshlar birinchi tur o‘yinlarini o‘tkazishdi. Qayd etish kerakki, poytaxt futbol maydonlarida o‘tayotgan musobaqani bekobodliklar muvaffaqiyatli boshlashdi. Jumladan, “Metallurg U-13” jamoamiz birinchi turda “Paxtakor” jamoasi bilan bahs olib borib, 1:0 hisobida g‘alaba qozondi.
“Metallurg U-15” jamoasi esa O‘FA kubogidagi startidan farqli o‘laroq, shahar birinchiligini juda ishonchli boshladi. Mazkur yosh toifasidagi jamoamiz ilk turda “Start” jamoasi darvozasiga javobsiz yettida to‘p yo‘lladi – 7:0.
Va nihoyat katta yosh toifasidagi musobaqada qatnashayotgan “Metallurg U-16” jamoamizning ilk turdagi raqibi “Traktor” tarbiyalanuvchilari bo‘ldi. Bu o‘yinda ham bekobodliklar yirik hisobda zafar quchishdi – 5:0.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
