Rossiya. Rossiya Premyer-ligasi 21-turida qisqa vaqt «o‘zbekcha duel» kuzatildi. «Ufa» - «Nijniy Novgorod» uchrashuvida mezbonlar vakili Oston O‘runov 70-daqiqada zaxiradan maydonga tushgan bo‘lsa, mehmon jamoa himoyachisi Ibrohimxalil Yo‘ldoshev to‘liq vaqt davomida harakatlandi va sariq kartochka oldi. Natijaga kelsak, kuchlar teng keldi - 0:0.
Qozog‘iston. «Qayrat» Premyer-liga 2-turida «Maxtaaral» mehmoni bo‘lib, penaltidan urilgan yagona gol evaziga 3 ochko oldi. Biroq jamoa bosh murabbiyi Qurbon Berdiyev bu safar ham hamyurtimiz Jasur Jaloliddinovga imkoniyat bermadi. «Tobol» esa Igor Sergeev to‘liq 90 daqiqa to‘p surgan o‘yinda «Kaspiy» darvozasiga yo‘l topolmadi - 0:0. «Taraz» - «Ordabasi» o‘yini taqdirini mezbon jamoaning yagona goli hal qildi. Odil Abdumajidov bu safar ham mehmon jamoa safida to‘liq vaqt harakatlandi. «Ordabasi» 1-turda «Maxtaaral» bilan o‘yinda murosa ko‘chasida to‘xtagandi (1:1).
BAA. Otabek Shukurov to‘liq vaqt to‘p surgan o‘yinda «Sharja» 2:1 hisobida g‘alabaga erishdi. Gap BAA elit ligasi 19-turidan o‘rin olgan «Ajman»ga qarshi uy uchrashuvi haqida ketmoqda. Shukurov jamoasi ayni vaqt turnir jadvalining 3-pog‘onasida bormoqda (36 ochko). Peshqadam - «Al-Ayn»da esa 43 ochko bor. «Shabab Al Ahli» - «Al-Vasl» o‘yini (0:2)da mezbon jamoa yarim himoyachisi Aziz G‘aniyev maydonga tushgani yo‘q.
Saudiya Arabistoni. «Al-Nasr» mamlakat chempionati 24-turida «Al-Ittifoq» mehmoni bo‘ldi. Hamyurtimiz Jaloliddin Masharipov bu o‘yinda nihoyat, «Nasr»ning boshlang‘ich tarkibiga qaytdi, biroq 43-daqiqada zaxiraga olindi. Yakunda 2:2 hisobi qayd etildi. Vaholanki, mehmonlar birinchi bo‘limdan so‘ng 0:2 hisobida ortda borayotgandilar. To‘g‘ri, «Ittifoq»ning o‘yinni 8 nafar futbolchi bilan tugatganini ham aytish kerak. «Al-Nasr» matbuot xizmati keyinroq Masharipov jarohat tufayli almashtirilganini ma’lum qildi. Tibbiy tekshiruvlarda aniqlanishicha, futbolchimizning burun suyagi singan.
Italiya. «Roma» o‘tgan hafta o‘rtasida Konferensiyalar Ligasi 1|8 finali doirasida «Vitess» mehmoni bo‘lib, ortga 1:0 hisobidagi g‘alaba bilan qaytdi. Jamoa hujumchisi Eldor Shomurodov Niderlandiyadagi bahsda maydonga tushmadi. Rim klubi Italiya «A» seriyasi 29-turida esa safarda «Udineze»ga qarshi maydonga tushdi va so‘nggi daqiqalarda penaltidan urilgan gol evaziga mag‘lubiyatdan qutulib qoldi - 1:1. E’tiborlisi, penaltini 65-daqiqada o‘yinga qo‘shilgan hamyurtimiz ishladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
