O‘zbekiston milliy jamoasi bosh murabbiyi Srechko Katanes Navruz Cup-2022 musobaqasining yarim final bosqichi doirasidagi bo‘lib o‘tgan Qirg‘izistonga qarshi o‘yin (3:1) borasida o‘z fikrlari bilan o‘rtoqlashdi.
"O‘yin haqida qisqacha fikr bildiradigan bo‘lsak, bugun O‘zbekiston yaxshi o‘yin ko‘rsatdi. Futbolchilar intensiv o‘yin namoyish etishdi. Uchrashuvdan qoniqish hosil qildim. Ikkinchi bo‘limda tempni oshirdik va g‘alaba qozondik.
Birinchi bo‘lib o‘tkizib yuborilgan gol bir muddat o‘yinchilar uchun shok holatni yuzaga keltirdi. Bu normal holat. Futbolda har qanday vaziyat yuz berishi mumkin. O‘zbekiston terma jamoasi a’zosi sifatida shuni aytishim kerak, o‘yin boshidanoq jamoadan ko‘p narsa kutib yubormasligimiz kerak. Masalan, Italiya terma jamoasi yutqazib qo‘ydi. Shunaqa natijalar ham bo‘lib turadi. Bu futbol. Hozir futbol oson emas. Avvalgidek 78:0 kabi hisoblar bo‘lmaydi. Futbol tez rivojlanmoqda. Biz har qanday jamoaga qarshi jiddiy munosabat bilan o‘ynashimiz kerak.
Maydon yashil ko‘ringani bilan bir kunda ikkita bahs o‘tkazilgani uchun chimning holati yaxshi emas. Ha, maydon tufayli xatolar yuz berib turdi. Ammo maydonni bahona qila olmaymiz. Yaxshi o‘yin namoyish etib, g‘alaba qozondik.
Hamrobekov va Shukurov o‘rtasida muvozanat topish kerak. Agar ortda bir himoyachi qolsa, ular mudofaaga ham yordam berishi kerak bo‘ladi. Shuning uchun ikki tayanch yarim himoyasini oldinga o‘tkaza olmaymiz. Bunday holatda o‘yinni buzib qo‘yamiz. Bugun yo‘l qo‘ygan xatolarimizni bilaman. Odil va Otabek — tajribali o‘yinchilar. Men ularga ishonaman. Ular hozirda o‘z pozisiyasida eng yaxshi o‘zbek futbolchilari hisoblanadi. Tajribasiz o‘yinchilarni bu pozisiyaga hozircha qo‘ya olmayman.
Birinchi navbatda kecha aytib o‘tib aytganimdek, doimo natija uchun o‘ynaymiz. O‘rtoqlik uchrashuvida terma jamoaga bunchalik bosim uyushtirilishi tushunmayman. Ha, natija muhim, ammo o‘rtoqlik o‘yini yutqazib qo‘ysak ham bu normal holat hisoblanadi. Terma jamoani har qanday holatda qo‘llab-quvvatlanishi kerak. Futbolchilar muxlislarning qo‘llab-quvvatlanishini his qilishi kerak. Muxlislarning ba’zi hayqiriqlaridan bugun maydonda O‘zbekiston milliy jamoasi o‘ynadimi yoki "Navbahor" o‘ynadimi, yaxshi tushunmay qoldi. Stadionga tashrif buyurgan har qanday ishqiboz terma jamoani qo‘llab-quvvatlashi lozim", — dedi Katanes.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
