25-29 mart kunlari Namanganda O‘zbekiston, Uganda, Tojikiston va Qirg‘iziston milliy jamoalari ishtirokida tashkillashtirilgan Navruz Cup-2022 xalqaro turniri Srechko Katanes shogirdlari g‘alabasi bilan yakunlanganidan yaxshi xabardorsiz. Namanganliklar, umuman, vodiydagi muxlislar uchun o‘ziga xos futbol bayramiga aylanib ketgan mazkur musobaqa o‘ziga yarasha yaxshi-yomon taassurotlar qoldirdi, albatta.
Yaqin-yaqingacha ham viloyatlardagi futbol ixlosmandlari O‘zbekiston milliy jamoasi o‘yinlarini Toshkentdan boshqa shaharlarda o‘tkazilishini shunchaki, orzu qilishardi. Mana, so‘nggi yillarda terma jamoaning uy o‘yinlari geografiyasini kengaytirish maqsadida yangiliklarga qo‘l urilmoqda. Milliy jamoamiz bunga qadar poytaxtdan tashqari, Samarqand va Qarshida ko‘rinish bergan bo‘lsa, o‘tgan yildan e’tiboran mezbon stadionlar qatoriga Namangandagi «Markaziy»arenasi ham qo‘shildi. Yurtimizda jonkuyarliklari bilan alohida ajralib turadigan namanganlik muxlislar tufayli va albatta, viloyatda futbolga qaratilayotgan katta e’tibor samarasi o‘laroq, joriy yil bosh jamoamiz ishtirokidagi ketma-ket 2ta xalqaro turnir «Markaziy»ga ishonib topshirildi. Ishonch bilan aytish mumkinki, ulardan dastlabkisi kutilgan darajada muvaffaqqiyatli tashkillashtirildi.
Rejaga ko‘ra, O‘zbekiston milliy jamoasi iyun oyida yana Namanganga tashrif buyuradi va Osiyo kubogi-2023 saralash bahslarida maydonga tushadi. Navruz Cup-2022 o‘rtoqlik turniri aynan shu rasmiy o‘yinlarga tayyorgarlik ko‘rish maqsadida o‘tkazilgani tayin - ham jamoa uchun, ham tashkilotchilik masalasida. Ha, Navruz Cup-2022 faqat terma jamoa futbolchilari emas, balki namanganlik tashkilotchilar uchun ham yaxshigina tajriba vazifasini o‘tadi. 6 kun davomida viloyatda istiqomat qilib, o‘ziga xos futbol shukuhini yaratib bergan 4ta terma jamoa munosib kutib olindi va kuzatib qo‘yildi. Raqiblar ham maqtashdimi, demak, tashkilotchilik masalasida e’tiroz yo‘q. Asosiysi, «Markaziy» arenasida chiroyli muhit hukm surdi. To‘g‘risi, terma jamoamiz Toshkentda qachon bunday «qaynoq» muhitda o‘ynaganini birdan eslash ham qiyin.
Ammo tanganing ikkinchi tomoni ham yo‘q emas. Deylik, turnirga taklif etilgan raqib jamoalar saviyasi masalasida e’tiroz bor, albatta. To‘g‘ri, hozir buni keng muhokama qilish o‘rinsiz. O‘ylaymizki, bu birinchisi. Keyingilarida jamoalar saviyasi ham oshadi, albatta. Umuman, tashkilotchilar ishtirokchi jamoalar uchun Namangandagi har bir kun mazmunli o‘tishi yo‘lida bor imkoniyatlarni ishni solishdi. Xususan, milliy jamoamiz a’zolarining savobtalab insonlar tashabbusi bilan yo‘lga qo‘yilgan «Jannatdagi qasrlar 132» hasharida qatnashib, xayriya ishiga o‘z hissalarini qo‘shishgani zo‘r bo‘ldi. Bu tashabbus kimdan chiqqan bo‘lsa ham, unga kattakon rahmat.
Albatta, turnir qatnashchilari qatori uning kuzatuvchilari va yorituvchilari ham e’tibordan chetda qolishmadi. Deylik, media vakillari uchun viloyatning ko‘zga ko‘ringan ijtimoiy ob’ektlari, kichik sanoat zonalari, yirik ishlab chiqarish korxonalari hamda tarixiy qadamjolari bo‘ylab press-tur tashkil etildi. Namangan viloyati hokimligi tashabbusi bilan uyushtirilgan sayohat bahona jurnalistlar hududdagi kichik sanoat zonalarida amalga oshirilayotgan investisiya loyihalari bilan tanishishdi. Shuningdek, Olimpiya zaxiralari sport kollejida «Davlatobod tumanini sport shaharchasiga aylantirish» mavzusida taqdimot va maxsus matbuot anjumani ham o‘tkazildi.
Xurshid YUSUPOV
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
