Bugun «Vilyarreal»ning tirik afsonasi, «sariq suvosti kemasi» tarixidagi eng yaxshi to‘purar, klubning Yevropa Ligasidagi afsonaviy g‘alabasining asosiy futbolchilaridan biri Jerar Moreno 30 yoshini nishonlamoqda.
Jerar Moreno - ispaniyalik futbolchi, «Vilyarreal»da hujumchi sifatida o‘ynaydi. Jerar — «Badalona» futbol akademiyasi tarbiyalanuvchisi. 2010/11 yilgi mavsumda uni «Vilyarreal»ning uchinchi jamoasi sotib oldi va uchinchi divizionda 39 o‘yinda 34 ta gol urdi. Keyin Moreno «sariq suvosti kemasi»ning zaxiradagi o‘yinlarida ishtirok eta boshladi va 29 uchrashuvda 13 ta gol urdi. 2012 yildan boshlab Jerar klubning asosiy jamoasi sharafini himoya qilib kelmoqda, ammo u 2013/14 mavsumni tajriba orttirish maqsadida Segunda klubi «Malyorka» safida o‘tkazdi. 2015 yilga kelib «Vilyarreal» Jerarni «Espanyol»ga sotib yubordi. Kataloniya klubi safida 3 mavsum to‘p tepgan futbolchi 107 o‘yinda 36 ta gol muallifiga aylandi. Shundan keyin u yana «Vilyarreal» safiga qaytdi.
«Vilyarreal» tarixidagi eng yaxshi to‘purur
To‘liq ismi: Jerar Moreno Balagero (Gerard Moreno Balagueró)
Tug‘ilgan sanasi va joyi: 1992 yil 7 aprel, Santa-Perpetua-de-Mogoda (Ispaniya)
Pozisiyasi: hujumchi
Jerar Morenoning «Vilyarreal»dagi faoliyati haqida qisqacha
2021 yilda Jerar bir kalendar yilida klub safida gol urish bo‘yicha «Vilyarreal» rekordini o‘rnatdi.
Moreno «sariq suv osti kemasi» o‘yinchisi sifatida Ispaniya terma jamoasi tarkibidagi samarali harakatlar soni bo‘yicha Joan Kapdevila bilan 1-o‘rinni bilan bo‘lishib turibdi. Shu bilan birga, Jerard «qizil furiya» safida Joanga qaraganda (17/48) deyarli 3 barobar kam o‘yin o‘tkazganini ham ta’kidlash kerak.
Jerar «Vilyarreal»ning La Ligadagi eng yaxshi ham to‘purari hisoblanadi.
2020-21 yilgi mavsumda Jerar La Liga tarixidagi barcha kataloniyalik o‘yinchilarning mavsumdagi rekordini o‘rnatdi.
2020-21 yilgi mavsum yakunida Moreno ketma-ket 2 marta La Liganing eng ko‘p gol urgan ispaniyalik futbolchisiga topshirilgan «Sarr» sovrinini qo‘lga kiritdi.
Jerarning 2020-21 yilgi mavsumdagi barcha musobaqalarda urgan 30 ta goli «Vilyarreal» tarixidagi ikkinchi ko‘rsatkichdir.
Hozirgi «Vilyarreal»da Moreno nafaqat to‘purar, balki jamoaning eng yaxshi assistenti ham hisoblanadi; u jamoasining asosiyiy miyasi, «sariq suvosti kemasi» hujumlarining asosiy yordamchisi. Jerar o‘tgan mavsumda 11 ta golli uzatmani amalga oshirdi. «Vilyarreal» tarixidagi hujumchilar orasida faqat Roberto Soldado bir mavsumda Morenodan ko‘proq assist qayd etgan. To‘g‘ri, o‘zini pleymeyker sifatida ajoyib tarzda ko‘rsatgan Roberto har ikki qobiliyatini ham birdek namoyish eta olamadi. Jerar esa har ikkala rolni ajoyib tarzda birlashtirgan.
Jerar «Vilyarreal» tarixidagi eng samarali tandem hosil qilgan futbolchi ham hisoblanadi. U 2019-20 yilgi mavsumda Santi Kasorla bilan, 2014-15 yilgi mavsumda Lusiano Vyetto bilan va o‘tgan mavsumda Pako Alkaser bilan juda yaxshi juftlik hosil qila oldi.
Xulosa qilib aytganda, Morenoning o‘sishi va rivojlanishida Unai Emeri rolini e’tibordan chetda qoldirib bo‘lmaydi. Unai yana bir bor hujumchilarni ochish qobiliyatini ko‘rsatdi. Aynan Emerida Edinson Kavani (49 gol), David Vilya (31 gol), Kevin Gameyro (29 gol), Karlos Bakka (28 gol) faoliyatidagi eng sermahsul mavsumlarini o‘tkazgan. Roberto Soldado va Alvaro Negredo Emerining faoliyatidagi ikkinchi eng yaxshi goleador futbolchilar hisoblanishadi. Hozirda bu tarkibni Jerar to‘ldirdi, u Unai qo‘l ostida nafaqat sermahsul to‘purar, balki yetakchi futbolchiga ham aylandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
