Bugun Ispaniyaning «Vilyarreal» jamoasi 2006 yildan buyon ilk bor Chempionlar ligasi yarim finali doirasidagi o‘yinini o‘tkazadi. Hech kim boshida «sariq suv osti kemasi» boshlab qo‘ygan rejaga jiddiy ishonmagan edi, lekin jamoa barchani hayratda qoldirdi. Biroq, «Vilyarreal» Yevropa musobaqalarining so‘nggi bosqichlariga yetib kelgan yagona klub emas. Quyida biz 21 asrda yevrokuboklar tarixida shov-shuv ko‘targan jamoalarni eslaymiz.
5. Lion. 2019/2020-mavsum
2019/2020 yilgi mavsum kuchayib borgan pandemiya tufayli deyarli bekor qilinish arafasida edi. Biroq yozda bo‘lsa ham Chempionlar ligasining pley-off bosqichi yakunlandi. «Bavariya»ning g‘alabasi fonida ko‘pchilik kamtarona «Lion»ning yarim finalgacha bo‘lgan yo‘lini unutishi mumkin. Avvaliga fransuzlar Krishtianu Ronaldu boshliq qudratli «Yuventus»ni mag‘lub etishdi, bir o‘yindan iborat chorak final bahsida esa Gvardiolaning «Manchester Siti»sini sindirishga muvaffaq bo‘ldi. Afsuski, «sherlar» muxlislari uchun jamoaning ertagi ½ final bosqichida yakunlandi, bu yerda Myunxenning «Bavariya»si sensasiya bo‘lishiga yo‘l qo‘ymadi. Biroq «Lion» uchun yarim final ham anchagacha tatiydigan onlarni taqdim etdi.
4. «Roma». 2017/2018 yilgi mavsum
Italiyaning «Roma» klubi 2018 yilda YECHLda katta shov-shuv ko‘tardi. Avvaliga ular Doneskning «Shaxtyor» jamoasini mehmondagi gol qoidasiga ko‘ra mag‘lub etishdi va chorak finalga yo‘l olishdi. Bu yerda ularni «Barselona» kutayotgan edi. Birinchi o‘yin rimliklarning 4:1 hisobidagi mag‘lubiyati bilan yakunlangan bo‘lsada, ikkinchi bahsda ular «Barsa» darvozasiga javobsiz 3 gol yo‘llashga muvaffaq bo‘ldi va yana mehmondagi gol qoidasi rimliklar foydasiga ishladi. «Liverpul»ga qarshi yarim final bahsi ham deyarli xuddi shunday tarzda o‘tdi, ammo «bo‘rilar»larga finalga chiqish uchun bir to‘p yetishmadi.
3. Ayaks. 2018/2019-mavsum
Yosh va jasur «Ayaks» o‘g‘lonlari ushbu reytingda yuqori pog‘onalardan birida joy olishga haqli. Ushbu mavsum davomida amsterdamliklar barcha muxlislarning sevimli jamoasiga aylangan bo‘lsa ajab emas. 1/8 finalda ularga «Real Madrid» raqiblik qildi. Garchi madridliklar o‘shanda eng yaxshi damlaridan birini boshlaridan kechirmayotgan bo‘lsalarda, baribir top-klub bo‘lib qolishardi. Jamoa birinchi o‘yindayoq g‘alaba qozonishga muvaffaq bo‘ldi. Ammo javob o‘yinida «Ayaks» raqibi darvozasiga naq 4 ta to‘p urishga muvaffaq bo‘ldi va chorak finalga yo‘l oldi. Bu yerda gollandlar «Yuventus»ni Krishtianu Ronaldu bilan birga turnirdan chiqarib yubordi. Yarim finalda esa «Tottenxem»ga duch kelgan amsterdamliklarga omad kulib boqmadi. Uchrashuvda Lukas Mouraning xet-trigi hammasini hal qildi. Ushbu o‘yindan so‘ng Van De Bek, Ziyesh, De Ligt, De Yong va boshqalar Yevropa gigantlarining e’tiboriga tushdi.
2. «Monako». 2016/2017 yilgi mavsum
O‘sha onda futbol ommasi «Monako»da Mbappe ismli istiqbolli yigit borligi haqida bilib oldi. Shuningdek, ushbu tarkibda Kiliandan tashqari Bernardu Silva, Bakayoko, Mendi, Lemar, Fabinyo kabi iste’dodlar ham o‘z qobiliyatlarini imkon qadar ko‘rsatishga harakat qilgan. Ularning sotuvi klubga yuzlab million yevro olib keldi. «Monako» 2016/2017 yilgi mavsumda Chempionlar ligasi 1/8 final bosqichida «Manchester Siti»ni mag‘lub etishga muvaffaq bo‘lgan, keyin esa chorak finalda «Borussiya Dortmund»ni musobaqadan chiqarib yuborgan. Afsuski, ularning hikoyasi yarim finalda yakuniga yetdi – «Yuventus» yosh yigitlarga rahm qulmay, finalga chiqqan.
1. «Portu». 2003/2004 yilgi mavsum
Ushbu reytingning birinchi o‘riniga 2004 yilda furor ko‘targan «Portu»ni kiritsak bo‘ladi. Bu Joze Mourinyo murabbiyligidagi jamoa edi. Aynan shu mavsumdan keyin «special one» yuqori darajadagi murabbiy sifatida e’tirof etiladigan bo‘ldi. Umuman olganda, deyarli barcha gigant jamoalar avlodlar almashinuvini boshdan kechirgan. Bundan esa «Monako» va «Portu» unumli foydalanib qolgan holda «shalpanguloq» kubokni boshlari uzra baland ko‘rarishdi. Karlos Alberto, Deko va Alenichevning gollari anchagacha muxlislar yodidan chiqmaydi. O‘sha mavsumdan beri kichik jamoalar Chempionlar Ligasi g‘olibligini qo‘lga kirita olmadilar, ko‘pi bilan final bilan cheklanib qolishdi.
Xo‘sh «Vilyarreal»chi?!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
