Qo‘qon shahri o‘zbek futbolining vatani bo‘lish bilan birga ko‘plab iste’dodli futbolchilarni vatanimizga yetkazib bergan shahar hisoblanadi. Shuningdek, qo‘qonlik futbol muxlislari ham respublikada eng yaxshi muxlislardan sanalishadi. Qo‘qonda futbolni sevishadi, qadrlashadi va shu bilan birga yaxshi tushunishadi ham.
Kecha “Qo‘qon-1912” jamoasi bosh murabbiyi Baxtiyor Ashurmatov muxlislar klubi vakillari bilan uchrashuv o‘tkazdi. Uchrashuvda jamoamizning haqiqiy sodiq muxlislari ishtirok etishdi. Avvalo muxlislar safarda “Lokomotiv” jamoasi ustidan qozonilgan g‘alaba uchun bosh murabiyga minnatdorchilik izhor qildilar. Dastlab so‘z Baxtiyor Ashurmatovga berildi. Baxtiyor A’zamovich jamoadagi vaziyat, ortda qolgan o‘yinlardagi yutuq va kamchiliklar to‘g‘risida gapirdilar hamda jamoani har qanday holatda ham yolg‘izlatmay qo‘llab turgan ashaddiy muxlislarimizga minnatdorchilik izhor qildilar.
Shundan so‘ng jamoa muxlislari bosh murabbiyga o‘zlarini qiziqtirgan savollarni navbati bilan yo‘lladilar va batafsil javob oldilar. Uchrashuv ochiqlik va savol-javob tarzida, samimiy ruhda bo‘lib o‘tdi. Baxtiyor A’zamovich ortda qolgan ba’zi o‘yinlardagi mag‘lubiyatlarga izoh berib, jamoadagi yo‘l qo‘yilgan kamchiliklarni ro‘y-rost so‘zlab berdi.
“Bizda mavsum boshida ko‘plab yetakchi futbolchilarimizni tark etishi muammolarni keltirib chiqardi. Jumladan Shohnazar Norbekov, Muhammadanas Xasanov, Bobur Akbarov, Farhod Bekmurodov, Asad Sobirjonov va Iqbol Malikjonov kabi futbolchilarning jamoamizni tark etishi bizni ancha qiyin ahvolga solib qo‘ydi. To‘g‘ri biz jamoamizga Javohir Sidiqov, Quvondiq Ro‘ziyev, Shahzodbek Nurmatov, Dilshod Rahmatullayev, Bilolxon Toshmirzayev kabi futbolchilarni taklif qildik. Lekin yana jamoaviy o‘yinni shakllantirib olishimiz uchun vaqt talab qilinar edi. Qolaversa so‘ngi vaqtlarda jarohat olib Murod Xolmuhammedov , Aleksandr Merzlyakov, Javohir Sidiqovlar ancha vaqt jamoaga yordam bera olishmadi. Bizda himoyada muammolar yuzaga keldi. Himoyachilar yetishmasligi kuzatildi. “Paxtakor” bilan o‘yinga qadar Murod Xolmuhammedovning maydonga qaytganligi bizni xursand qiladi. Murodjon jamoamizda haqiqiy yetakchi, uning maydonda borligi qolgan futbolchilarga ham, murabbiylarga ham ancha ishonch baxsh etadi. Qolaversa Javohir sport formasini tiklab olmoqda. Diskvalifikasiyaga uchragan Dilshod Rahmatullayev va Oybek Rustamovlar ham navbatdagi turda maydonga qaytadilar. Biz jamoaning yoshlar va o‘rinbosarlar tarkibiga ham e’tiborni biroz susaytirganligimiz natijasida o‘rinbosarlar tarkibidan ham asosiy tarkibga munosib yoshlar yetib kelishmayapti. Bundan bu yog‘iga o‘rinbosarlar tarkibining har bir uchrashuvini kuzatib boramiz va u yerda o‘zini ko‘rsatgan yoshlarni asosiy jamoa mashg‘ulotlariga jalb qilamiz. Inshaolloh sizlarning yordamingiz bilan bundan bu yog‘iga yaxshi natijalarni qo‘lga kiritamiz deb umid qilaman” - dedi jumladan Baxtiyor Ashurmatov.
Uchrashuvda ishtirok etgan muxlislar savollariga batafsil javob bergan va ochiqlik siyosatini yuritayotganligi uchun Baxtiyor Ashurmatovga minnatdorchilik bildirdilar. Bundan bu yog‘iga har 3-4 tur o‘yinlar orasida mana shunday uchrashuvlarni o‘tkazib turishga kelishib olindi. Uchrashuv so‘nggida nuroniy muxlislarimiz jamoamizni oldinda turgan o‘yinlarda g‘alaba qozonib, yuzlari yorug‘ bo‘lishlarini yaratgandan so‘rab, duoga qo‘l ochdilar.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
