Yevropa klub futboli bosh turniri - Chempionlar Ligasining oxirgi mavsumi ham muxlislarga unutilmas onlarni taqdim etdi har doimgidek.
Voqeliklar juda ko‘p: Sebastyan Allerning gol bo‘roni, Xosep Gvardiolaning yana yarim finalda to‘xtashi, «Real»ning 14-karra g‘olibga aylangani... Demak, quyida Futaa ma’lumotlari asosida tarixga ko‘chgan turnirga doir eng asosiy raqamlarga yana bir bora to‘xtalamiz.
2 - «Liverpul» UYEFA klublar reytingida 9-pog‘onadan 2-o‘ringa ko‘tarildi. «Real» esa musobaqada g‘alaba qozonganiga qaramay, 3 pog‘ona pastladi (5-o‘rin). «Bavariya» hamon 1-o‘rinda.
3 - «Ayaks», «Bavariya» va «Liverpul» guruh bosqichida 100 foizli natija qayd etdi. Bir mavsumda 3ta klubning shunday natija ko‘rsatishi birinchi marta kuzatildi.
4 - Sebastyan Aller («Ayaks») CHLdagi debyutini «poker» bilan bezagan ikkinchi futbolchi bo‘ldi. U «Sporting»ga qarshi kechgan 1-tur o‘yini (5:1)da raqib darvozabonini 4 marta ranjitdi. Ma’lumot uchun, 1992 yilning noyabrida Marko van Basten ham CHLdagi dastlabki o‘yinida 4ta gol muallifiga aylangan edi.
6 - Karlo Anchelotti musobaqada 6-marta g‘alaba nashidasini surdi. Futbolchi sifatida «Milan» bilan 2 bora zafar quchgan italiyalik murabbiylikda 4 marta shohsupaga ko‘tarildi («Milan» va «Real» boshqaruvida 2 martadan).
9 - Xosep Gvardiola murabbiy rolida 9-marta yarim final raundida qatnashdi. Ispaniyalik mutaxassis bu borada mutlaq rekordchi.
10 - Karim Benzema («Real») «pley-off» bosqichlarida 10ta gol urib, Krishtianu Ronaldu tomonidan mavsum-2016|2017da o‘rnatilgan rekordni takrorladi.
11 - Robert Levandovski «Bavariya» - «Zalsburg» o‘yini (7:1)da 11 daqiqa ichida 3ta gol urdi. Bu CHL tarixidagi uchinchi tezkor «xet-trik»dir.
12 - «Liverpul» 12-marta yevrokubok yarim finaliga chiqib, bu borada «MYU»ga tegishli bo‘lgan Angliya rekordini yangiladi.
14 - «Real» endi turnirning 14 karra chempioni! Madrid jamoasi jumladan, musobaqaning yangi davri, ya’ni CHLda 8-marta taxtga ko‘tarildi.
21 - «Barselona» oxirgi 21 yil badaliga, mavsum-2000|2001dan buyon ilk marta CHL «pley-off» bosqichidan chetda qoldi.
22 - «Bavariya» 1|4 finalda «Vilyarreal»ga 0:1 hisobida yengildi. Shu bilan Germaniya jamoasining CHLda 22ta uy uchrashuviga cho‘zilgan mag‘lubiyatsiz seriyasi (rekord) uzildi.
34 - «Sherif» ishtiroki bilan CHL guruh bosqichida klublari qatnashgan mamlakatlar soni 34taga yetdi. Tiraspol klubi jumladan, «Santyago Bernabeu»da «Real»ni dog‘da qoldirib, butun Moldovaga o‘zgacha g‘urur bag‘ishladi.
60,1 - «Liverpul» va «Bavariya» to‘p nazorati bo‘yicha teng ko‘rsatkich (60,1 foiz) bilan ustunlik qildi. Turnir g‘olibi «Real» esa 32ta ishtirokchi orasida atigi 13-natijani qayd etdi - 50,4 foiz.
100 - Robert Levandovski («Bavariya»), Luka Modrich («Real»), Fernandinyo («Manchester Siti»), Marselo («Real») va David Alaba («Real») mavsum-2021|2022 davomida CHLda 100ta o‘yin marrasiga yetdilar. Umuman, turnir tarixida atigi 45 nafar futbolchi 100ta o‘yin marrasidan oshgan.
183 - Krishtianu Ronaldu CHL guruh bosqichi 2-turida turnirdagi o‘yinlari soni bo‘yicha peshqadam Iker Kasilyas (177ta)ni ortda qoldirdi. Portugaliyalik yulduz keyinchalik rekordni 183ta o‘yin darajasiga ko‘tarib qo‘ydi.
CHL-2021|2022: APL KLUBLARI ULUSHI
«LIVERPUL»
Ishtirok uchun: 15,6 million yevro
Natija uchun: 66,3 million yevro
Televizion hissa: 17,1 million yevro
Koeffisiyentlar jadvali bo‘yicha: 22,7 million yevro
Chegirma: -4,1 million yevro
Jami: 117,6 million yevro
-------------------------------------------------------------
«MANCHESTER SITI»
Ishtirok uchun: 15,6 million yevro
Natija uchun: 44,8 million yevro
Televizion hissa: 23,1 million yevro
Koeffisiyentlar jadvali bo‘yicha: 28,4 million yevro
Chegirma: -3,8 million yevro
Jami: 108,2 million yevro
«CHELSI»
Ishtirok uchun: 15,6 million yevro
Natija uchun: 33,2 million yevro
Televizion hissa: 11,3 million yevro
Koeffisiyentlar jadvali bo‘yicha: 33 million yevro
Chegirma: -3,2 million yevro
Jami: 89,9 million yevro
-------------------------------------------------------------
«MYU»
Ishtirok uchun: 15,6 million yevro
Natija uchun: 20,5 million yevro
Televizion hissa: 16,6 million yevro
Koeffisiyentlar jadvali bo‘yicha: 27,3 million yevro
Chegirma: -2,7 million yevro
Jami: 77,3 million yevro
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
