Eron OAVlarida yozilishicha, bugun (yoki juda yaqin kunlarda) terma jamoa bosh murabbiyi Dragan Skochich iste’foga chiqariladi.
Agar chetlatish amalga oshirilsa, Eron termasi JCH final bosqichiga chiqqanlar orasida murabbiyiga javob bergan birinchi jamoa bo‘ladi. Ehtimolki, turnirda ishtirok etishni boshlama y turib, bunday ishga qo‘l urgan yagona jamoa hamdir. Yangi bosh murabbiyning sentyabr oyiga belgilangan FIFA kunlaridagi bitta yig‘in asosida «zayavka» to‘ldirishiga to‘g‘ri keladi. Asosiy tarkibni esa 21 noyabrga belgilangan Angliya termasiga qarshi birinchi o‘yin oldidan 5 kun ichida aniqlashi kerak.
Eronlik hamkasblar Skochichni ishdan bo‘shatish to‘g‘risidagi qaror qanday qabul qilingani haqida yozishdi. Eron milliy jamoasining JCHda mamlakatning asosiy siyosiy raqiblari - Angliya va AQSH termalariga qarshi qanday o‘ynashi eng yuqori darajada muhokama qilingan. Eronda bu jamoalarga yutqazish mamlakat obro‘siga zarba sifatida baholanadi. Xullas, ikki nafar futbolchi (ism-sharifi oshkor etilmadi) Prezident devoniga taklif qilingan va ulardan jamoaning musobaqaga munosib tayyorgarlik ko‘rishi uchun nimalar zarurligi so‘ralgan. Futbolchilar esa bandlardan biri sifatida murabbiy iste’fosini tilga olishgan. Keyin Prezident devonidan Sport vazirligiga, u yerdan futbol federasiyasiga buyruq tushgan. Oxir-oqibat, salbiy taxminlarga qaramay, Eron termasini saralashning uchinchi bosqichiga olib chiqqan va hal qiluvchi raund yakunlanishiga ikki tur qolgan paytda JCH yo‘llanmani ta’minlagan Skochich ishdan bo‘shatildi. Endi asosiy masala: uning o‘rniga kimni tayinlanishi. Eronda birinchi bo‘lib tilga olinayotgan ikki nomzod - bular antagonist: Karlush Keyrush va Branko Ivankovich. Har ikkisi Eronda ishlagan va milliy jamoani jahon chempionati final raundiga olib chiqqan. Lekin ikkisi bir-biriga sira chiday olmaydi. To‘g‘ri, milliy jamoani mahalliy mutaxassisga topshirish tarafdorlari ham bor. Ammo deylik, Ali Dai taklifdan bosh tortishga ulgurdi. Qisqasi, Eron termasi muxlislarini xavotirli 5 oy kutmoqda.
A.NIKIMBAYEV, «Futbolium»a
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
