Erik ten Xag «MYU» bosh murabbiyi vakolatini bajarishga zo‘r ishtiyoq bilan kirishdi.
Niderlandiyalik mutaxassis birinchi navbatda, klub futbolchilari uchun 6ta yangi qoida joriy etdi. Barcha-barcha ularga og‘ishmay amal qilishi shart. Aks holda... To‘g‘ri, kelajagi hamon mavhum bo‘lib turgan Krishtianu Ronaldu bir qoidadan chetga chiqishga ulgurdi.
Har kuni Erik ten Xag tomonidan «Manchester Yunayted»da o‘rnatilgan tartib-qoidalar haqida yangi-yangi tafsilotlar chiqmoqda. Ten Xag qoidalari - «qizil iblislar»ning Angliyada «Manchester Siti», «Liverpul» va «Chelsi» kabi yetakchilardan qanchalik ortda qolishganini ko‘rsatadigan ko‘zgu. Murabbiyning asosiy ko‘rsatmalari mutlaqo oddiy. Xuddi «To‘pga ega chiqqaningdan so‘ng aslo hayajonlanma» kabi. Insayderlar esa uning klubda amalga tatbiq etgan qoidalarini aniqlash bilan ovoralar:
** Ten Xag futbolchilarni kiyinish xonasidan ma’lumot olib chiqadigan har qanday kishini darhol haydashi haqida qat’iy ogohlantirdi.
** Agar futbolchi mashg‘ulotlar yoki jamoaviy yig‘ilishga kechiksa, tarkibdan chetlashtiriladi. Ten Xag uchun shaxsiy obro‘ va jamoadagi maqom zarracha ahamiyatga ega emas. Shu joyda Krishtianu Ronalduga salom! Axir portugaliyalik yulduz bir necha mashg‘ulotni o‘tkazib yuborishga ulgurdi.
** Futbolchilarning o‘yin oldidan spirtli ichimlik iste’mol qilishlari qat’iyan taqiqlanadi. Bu ularning maydonga eng yaxshi jismoniy holatda tushishlarida o‘ta muhim.
** Murabbiy talabiga ko‘ra, klub oshpazlari bazada qolishlari shart. Zero, u futbolchilar klub ichiga o‘zlarining shaxsiy xizmatchilarini olib kirishlariga sira toqat qilolmaydi. Shuningdek, Karrington bazasi oshxonasi taomnomasi yangilandi. Endilikda klub oshxonasida baliq mahsulotlari sabzavotlar sezilarli darajada ko‘p bo‘ladi.
** Har bir futbolchiga alohida parhez belgilangan. Shunga muvofiq, oy yakunida massa ko‘rsatkichlari tekshirib boriladi.
** Erik Ten Xagning yana bir qoidasiga ko‘ra, qandaydir muammo tug‘ilsa, futbolchilar avvalo, agentlariga emas, balki murabbiylar shtabi yoxud shaxsan o‘ziga murojaat qilishlari kerak.
«MYU» Erik ten Xag boshqaruvidagi dastlabki 2ta o‘yinda 4tadan gol urdi. «Qizil iblislar» avvaliga Tailanda «Liverpul»ni 4:0 hisobida yengib, Bangkok Centuruy Cup 2022 g‘olibiga aylanishdi, keyin Avstraliyada «Melburn Viktori»dan ustun kelishdi - 4:1. Ajoyib debyut, faqat hozircha norasmiy darajada.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
