Kuni kecha YECHL ishtirokchisiga aylangan barcha, 32 ta klub o‘z guruhlaridagi raqiblar nomini bilib oldi. Bundan APL jamoalari ham mustasno emas, albatta. Buyuk Britaniyani oladigan bo‘lsak, jami 6 ta klub YECHLda ishtirok etmoqda. Ular ichida Shotlandiya dueti – "Reynjers" hamda "Seltik" ham mavjud. Quyida musobaqaning bu mavsumida ingliz klublarini nimalar kutib turganiga qisqacha to‘xtalib o‘tamiz.
Yurgen Klopp jamoasi britan jangida qatnashadi. "Liverpul" dastlab "Reynjers" bilan, keyin esa "Napoli" hamda "Ayaks" bilan to‘qnash keladigan bo‘ldi. Antonio Konte boshchiligidagi "Tottenxem" esa D guruhida "Aytraxt", "Sporting" hamda "Marsel" bilan kuch sinashadi. Ammo Gvardiola shogirdlarining ahvoli biroz murakkab. "Manchester Siti" G guruhida "Sevilya", Xolandning sobiq jamoasi bo‘lmish "BVB" va "Kopengagen" sinovidan o‘tishiga to‘g‘ri keladi. Vanihoyat, Tomas Tuxel jangchilari E guruhida o‘z omadlarini tekshirib olishlari mumkin bo‘ladi. "Chelsi" sobiq futbolchilari, Olivye Jiru hamda Fikayo Tomori harakat qilayotgan "Milan"ga, "Zalsburg" hamda Zagreb shahrining "Dinamo"siga qarshi turib berishi lozim.
Qolgan guruhlardagi holat haqida ham ozgina fikr yuritamiz. Xususan, B guruhi "Atletiko", "Portu", "Bayer Leverkuzen" hamda "Bryugge"dan tashkil topdi. C guruhida "Bavariya", "Barselona", "Inter" hamda "Viktoriya Plzen" jamoalari o‘zaro kuch sinashadi. Ushbu guruhdagi qur’a natijasi shuni ko‘rsatdiki, Robert Levandovski sobiq jamoasiga qarshi kamida ikki bor to‘qnash keladi!
F guruhida amaldagi chempion "Real", "Leypsig", "Shaxtyor" va "Seltik"ni sinovdan o‘tkazadi. H guruhida ham ancha kuchli a’zolar jamlandi. Unda "PSJ", "Yuventus", "Benfika" va "Makkabi" klublari o‘zaro to‘qnash keladi. Ushbu to‘qnashuvlarda Anxel Di Mariya sobiq jamoasiga qarshi chiqishi ma’lum bo‘ldi.
Yangi mavsum YECHL guruh bahslari Jahon chempionatiga qadar 9 hafta davomida o‘ynalishi lozim. Avvalari bu muddat 12 haftani tashkil etar edi. Ilk bahslar 6 sentyabrdan start oladi. Guruhning so‘nggi o‘yini esa 2 noyabrda yakun topishi belgilangan. Pley-off bahslari boshlangunga qadar orada ancha tanaffus bo‘ladi. Nimchorak final 14 fevral hamda 15 mart oralig‘ida bo‘lib o‘tadi. Chorak finallar esa aprel davomida bo‘lib o‘tgan holda, yarim finallar mayning boshida o‘tkaziladi.
Mavsum finali esa 10 iyun kuni Turkiyada, Istanbul shahrining "Otaturk Olimpiya stadioni"da o‘tishi rejalangan.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
