Bundan bir necha kun oldin O‘zbekistonda xizmat ko‘rsatgan murabbiy To‘lqin Qilichev boks bo‘yicha O‘zbekiston terma jamoasi bosh murabbiyi sifatida e’lon qilingandi.
Kecha O‘zbekiston Milliy olimpiya qo‘mitasida To‘lqin Qilichev boshchiligidagi yangilangan murabbiylar shtabining rasman tanishtiruv marosimi bo‘lib o‘tdi.
Unga ko‘ra, endi O‘zbekiston terma jamoasi murabbiylar shtabida quyidagi mutaxassislar faoliyat olib borishadi:
Bosh murabbiy: To‘lqin Maxmurovich Qilichev
Respublikamizda boksni yanada rivojlantirishda o‘zining yuksak hissasini qo‘shib kelayotgan “O‘zbekistonda xizmat ko‘rsatgan murabbiy”dir. Uzoq yillardan beri terma jamoada katta trener sifatida faoliyat olib bormoqda. O‘zbek boksiga Bahodir Jalolov, Murodjon Ahmadaliyev, Isroil Madrimov, Elnur Abduraimov va yana ko‘plab taniqli chempionlarni yetkazib bergan.
O‘zbekiston boks federasiyasi maslahatchisi: Karlos Ivan Fuentes Vilyanueva
Boks sport turida deyarli 50 yillik tajribaga ega. Kubada bugungi zamonaviy va milliy boks uslubi asoschilaridan biri. Boks sport turi bo‘yicha professor.
Karlos Ivan Angola, Hindiston, Pokiston, Venesuela, Meksika, Tayvan, Turkiya kabi mamlakatlarda ijobiy faoliyat olib borgan. Ta’kidlash joizki, xorijlik mutaxassis Kuba terma jamoasining bugungi kundagi bosh treneri Rolando Asebalning ustozi hisoblanadi.
Karlos Ivan boshchiligida bugungi kunda o‘zbek boksining dunyodagi yetakchiligini saqlab qolish va davom ettirish, yuqori malakali sportchilarni tayyorlash va ularni kelgusida ham jaxon arenalarida o‘z iqtidorlarini to‘laqonli namoyon etishlari maqsadida O‘zbekistonda bokschilarni tayyorlashning “milliy standarti” qo‘llanma sifatida ishlab chiqilmoqda.
Boks bo‘yicha O‘zbekiston milliy terma jamoasi katta murabbiyi: Xuan Enrike Steyners Tissert
Kuba terma jamoasi trenerlar shtabida uzoq vaqt davomida faoliyat olib borgan. Shuningdek, Ispaniya, Filippin, Venesuela milliy terma jamoalarining trenerlar shtabida faoliyat olib borgan tajribali trener hisoblanadi. Olimpiya o‘yinlari g‘olibi va jahon chempioni Roniel Iglesiasning shaxsiy treneridir.
Boks bo‘yicha O‘zbekiston milliy terma jamoasi murabbiyi: Xulio Li Xechevarriya
Murabbiylik faoliyati davomida Kambodja, Indoneziya, Tailand, Misr kabi mamlakatlarda boks sport turini yuqori pog‘onaga olib chiqilishida xizmat qilgan. Xulio Li ikki karra Olimpiya o‘yinlari oltin medal sohibi Ektor Vinent va bir qator mahoratli sovrindor bokschilarning treneri hisoblanadi.
Boks bo‘yicha O‘zbekiston milliy terma jamoasi trener-fizioterapevti: Xesus Alberto Morales Montero
Kuba sport tibbiyoti milliy instituti mutaxassisidir. Tibbiyot va reabilizasiya yo‘nalishida bir qator xalqaro kurslar bitiruvchisi. Shu davrgacha Kuba beysbol terma jamoasi fizioterapevti sifatida faoliyat olib kelgan mutaxassisdir. Janob Xesus endilikda boks bo‘yicha O‘zbekiston milliy terma jamoasi tarkibida o‘zbek bokschilarining fiziologik holatini kuchaytirish va yaxshilashga o‘z hissasini qo‘shadi.
Shuningdek, terma jamoamizning yana bir tajribali murabbiyi Rahmatjon Ro‘zioxunov ham murabbiylar shtabidagi faoliyatini davom ettiradi. U kishi safarda bo‘lganligi bois tadbirda ishtirok eta olmadi.
Niderlandiya
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
