Bugun tunda kuchli beshlik ligalarida transfer oynasi rasman yopildi. So‘nggi kunda amalga oshirilgan super transferlar bilan tarnishing.
Manuel Akanji - "Borussiya D"dan "Man Siti"ga, 17,5 mln yevro
Juda kutilmagan transfer - Gvardiola himoyani dortmundlik futbolchi bilan mustahkamladi. Shveysariyalik bozor narxidan pastroq pul evaziga “Siti” futbolchisiga aylandi. Endi Akanji zaxira o‘rindig‘ini boyitadi.
Artur Melo - "Yuventus"dan "Liverpul"ga, ijaraga
Kloppda deyarli barcha markaziy yarim himoyachilar jarohatlar tufayli maydonga tushmayapti. Faqat yosh Elliott va Karvalyo va Milner maydon markazini ushlab turibdi. Insayderlarning yozishicha, Artur Jordan Xenderson jarohat olganidan so‘ng darxol paydo bo‘lgan variant. Braziliyalik futbolchining o‘zi uchun bu top-klubda o‘ynash uchun uchinchi imkoniyat.
Pyer-Emerik Obameyang - "Barselona"dan "Chelsi"ga
Oltinchi turga kelib, “Chelsi” nafaqat himoyachilar, balki hujumchilarni ham sotib olish kerakligini tushundi va Tuxel Obameyang bilan shartnoma imzoladi. "Barsa" uchun ajoyib biznes - qishda ular "Arsenal"ni o‘yinchini tekinga qo‘yib yuborishga majbur qilishdi, yozda esa Markos Alonso va 12 million yevro olishdi.
Dennis Zakariya – “Yuventus”dan “Chelsi”ga, ijaraga
Qishda “Yuve” shveysariyalik yarim himoyachini Gladbaxdan tortib oldi, olti oydan so‘ng Zakariya Tomas Tuxel uchun maydon markazini mustahkamlash uchun “Chelsi”ga ketdi.
Martin Dubravka - "Nyukasl"dan "Manchester Yunayted"ga, ijaraga
"Nyukasl" ajoyib darvozabonni zaxira o‘rindig‘ida ushlab turish hatto shayxlar uchun ham ortiqcha, deb hisobladi. Shunday ekan, Dubravka endi “Manchester Yunayted”da zaxira o‘rindig‘ida o‘tiradi.
Leander Dendonker – “Vulverxempton”dan “Aston Villa”ga, 15 million funt
Yana bir belgiyalik o‘z klubini o‘zgartiradi. Jerrard mavsumni dahshatli boshlaganidan keyin yarim himoyada Dendonkerga muhtoj edi. "Bo‘rilar" esa mavsumni uchta yarim himoyachi (Nunyes, Neves va Joau Moutinyo) bilan qanday o‘tkazishi umuman aniq emas.
Villian - "Korintians"dan - "Fulxem"ga, erkin agent
Avgust oyi o‘rtalarida braziliyalik "Korintians"ni tark etdi. O‘zi tushuntirganidek, yomon o‘ynaganda yoki jamoa mag‘lub bo‘lganida unga va uning oilasiga tahdidlar kelib chiqadi. Villian Londonning xavfsizligiga qaytishni tanladi, u yerda hamma narsa oddiy va tanish.
Ektor Belyerin - "Arsenal"dan "Barselona"ga, erkin agent
Endi kataloniyaliklar himoyasining o‘ng qanoti zamonaviy futbolchilar bilan boyidi. Belyerin bir yillik shartnoma imzoladi va maoshini jiddiy qisqartirdi. Hammasi o‘z ona klubiga qaytish uchun.
Martin Breytueyt– “Barselona”dan “Espanyol”ga, erkin agent
"Barselona" butun yoz davomida daniyalikni hech bo‘lmaganda qayergadir sotishga harakat qildi. Breytueyt transfer oynasining so‘nggi kunida shartnomani bekor qildi va hatto Kataloniyani tark etmasdan "Espanyol" bilan shartnoma imzoladi.
Lukas Okampos - "Seviltya"dan "Ayaks"ga, ijaraga
Bu transfer kecha sodir bo‘lishi mumkin edi, ammo Amsterdam klubi direktorlar kengashi kelishuvni ma’qullamadi. Natijada, "Sevilya" shunga qaramay, "Ayaks"ni Antoni o‘rniga Okamposni olishga ko‘ndirdi. 20 millionga to‘g‘ridan-to‘g‘ri sotib olish o‘rniga, endi ular 16 milion to‘laydigan bo‘lishdi.
Serjinyo Dest - "Barselona"dan "Milan"ga, ijaraga
O‘ng qanot himoyachisi doim "Barselona"ni tark etishdan bosh tortdi, ammo “Milan” taklifi futbolchini befarq qoldirmadi. Italiya chempioniga Dest Florensining jarohati tufayli kerak edi.
Franchesko Acherbi - "Lasio"dan "Inter"ga, ijaraga
Simone Indzagi “Inter” himoyasini kim kuchaytirishi haqida uzoq o‘yladi. Tanlov “Lasio”dagi eski tanishiga tushdi, 34 yoshli Yevropa chempioni bahorda vaziyatni o‘zgartirish istagini bildirdi. U transfer oynasining so‘nggi kunigacha kutishiga to‘g‘ri keldi.
Karlos Soler - "Valensiya"dan "PSJ"ga, 18 mln
Luis Kampos harakatda. Transfer oynasi yopilishiga bir necha kun qolganida “PSJ” sport direktori yarim himoyani qayta tikladi. Endi ikkita ispaniyalik maydon markazida o‘ynaydi.
Yulian Draksler – “PSJ”dan, “Benfika”ga, ijara
Draksler baribir “PSJ”da unchalik ko‘p o‘ynamadi va Ruis va Soler kelishi bilan esa ketishga qaror qildi. Luis Kampos Jahon chempionini “Benfika”ga ijarag berib yubordi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
