"Arsenal" sentyabr oyidagi xalqaro tanaffuslarga APL peshqadami sifatida chiqib ketadigan bo‘ldi. Ular mavsum boshidanoq "Manchester Siti"ga raqobatchi sifatida e’tirof etilayotgan edi. Hozir ham bu rostga o‘xshab tuyulmoqda. Quyida shimoliy londonlikarning to‘rtta futbolchisi haqida gap boradi. Aynan ular sabab "Arsenal" chempionlikka da’vo qilishi mumkin.
1. Vilyam Saliba
"Arsenal" o‘z futbolchisini ortga qaytarib, yangi xaridni amalga oshirgandek bo‘ldi. Saliba uch yillik ijaradan keyin yana Londonga qaytdi. U asosiy tarkibda sifatli o‘yin taqdim eta oldi. Fransiya terma jamoasi a’zosi "Brentford"ga qarshi bahsda gol urishga erishdi. Bundan oldin, avgust oyida ham u "Bornmut" darvozasini ishg‘ol etgandi. 21 yoshli markaziy himoyachi raqib hujumchilari uchun haqiqiy muammo keltirmoqda. Bu esa "Arsenal"ga joriy mavsumdagi chempionlikka da’vogarlik maqomini berishi mumkin.
2.Gabriel Jezus
"Arsenal"ning o‘tgan mavsumdagi YECHLga chiqa olmagani, jamoada markaziy hujumchi yetishmasligi bilan izohlanadi. Ha, Aleksandr Lyakazett bo‘lgan. Ammo u butun boshli mavsum davomida atigi 4 ta gol ura oldi, xolos. Eddi Nketia bo‘lsa, hali asosiy tarkib futbolchisiga aylanishga tayyor emasdi. Shu sababdan yozda Jezus jamoaga olib kelindi. U ham xuddi Saliba singari "Arsenal"ning darajasi oshishiga sababchi bo‘ldi. Braziliyalik futbolchi bu mavsumda allaqachon 4 ta gol urdi va bu borada o‘tgan yilgi Lyakazettning natijasiga tenglashib oldi. 25 yoshli hujumchi "Manchester Siti"da porlagandi. Ammo u hozir "Arsenal"da asosiy tarkib vakili. Uning gollarni har qanday uslubda kirita olishi, Arteta jamoasi uchun katta foyda keltiradi. Buning isbotini kechagi "Brentford" bilan o‘yinda ko‘rdik. Shu sababdan Jezusni chempionlik poygasidagi muhim qurol deya atay olamiz.
3. Granit Jaka
Granit Jaka bir paytlar jamoa muxlislari tomonidan masxara qilingan edi. U hatto 2021 yilning yozida "Roma"ga yo‘l olishi ham aytilgan. Ammo bu transfer amalga oshmadi. Shundan buyon Jaka "Arsenal" yuragiga aylandi. Uning o‘yinga balans taqdim etishi, Arteta uchun juda ham muhim omildir. Hozirda yarim himoyachi muxlislarning yoqimtoyiga aylanib bormoqda. 29 yoshli futbolchi "Brentford" bilan bahsda o‘z faoliyatidagi eng yaxshi o‘yinlardan birini o‘tkazdi. Jamoaning yarim himoyasi ko‘p marta tanqidlarga uchragan. Ammo Arteta Jakadan to‘g‘ri foydalanish orqali bu kamchiliklarni bartaraf etdi. Jaka – jamoa uchun muhim figura.
4.Bukayo Saka
Har bir APL klubida muxlislar tomonidan yaxshi ko‘riladigan yosh talantlar mavjud. Bukayo Saka esa "Arsenal"dagi o‘sha futbolchidir. 21 yoshli hujumchi bu mavsumda ko‘p gollar urmayapti. Biroq, jamoaning umumiy o‘yin darajasi va saviyasi aynan Saka bilan belgilanmoqda. Saka "Brentford"ga qarshi ikki aniq uzatmani ijro etdi. Bu esa jamoaga g‘alaba keltirgan. Angliya terma jamoasi a’zosi o‘tgan mavsumda 12 ta gol va 7 ta assistni amalga oshirgan. Shubhasizki, uning muhimligi bu mavsum ham oldingidan kam emas. Ayniqsa, APL toji uchun kurashda Sakasiz ish bitmaydi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
